ಲಾಗಿನ್ನಲ್ಲಿ ಮನೆ ಮಂಜೂರಾತಿ, ಆಧಾರ್ ಅಪ್ಡೇಟ್, ಜಿಯೋ ಟ್ಯಾಗ್, ಮನೆ ಛಾಯಚಿತ್ರ, ಮರಣ ಹೊಂದಿದ ಲಾನುಭವಿ ವಾರಸುದಾರರಿಗೆ ಮನೆ ವರ್ಗಾವಣೆ, ಆಧಾರ್ ಜತೆಗೆ ಲಾನುಭವಿಗಳ ಹೆಸರು ತಾಳೆ ಮಾಡಿ ಮಂಜೂರಾತಿ ಆದೇಶ ಪತ್ರ ಸೃಜಿಸಲಾಗುತ್ತದೆ. ಇದಕ್ಕಾಗಿ ನೋಡಲ್ ಅಧಿಕಾರಿಗಳನ್ನು ನೇಮಿಸಿದ್ದು, ಸಿಇಒ, ಇಒ ಮತ್ತು ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿಗಳಿಗೆ ತರಬೇತಿ ನೀಡಬೇಕು. ಆದರೆ, ಅಧಿಕಾರಿಗಳಿಗೆ ತರಬೇತಿ ನೀಡದೆ ಮತ್ತು ಅವರ ಮೊಬೈಲ್ ನಂಬರ್, ಇಮೇಲ್ ನಮೂದು ಮಾಡದೆ ನೋಡಲ್ ಅಧಿಕಾರಿಗಳು ದುರ್ಬಳಕ್ಕೆ ಮಾಡಿಕೊಂಡಿದ್ದಾರೆ. ಖಾಲಿ ಸೈಟ್ಗಳನ್ನು ಜಿಯೋ ಟ್ಯಾಗ್ ಪೋಟೋ ಅಪ್ಲೋಡ್ ಮಾಡಿ ಮೊದಲ ಹಂತದ 30 ಸಾವಿರ ರೂ. ಬ್ಯಾಂಕ್ ಖಾತೆಗೆ ಜಮೆ ಮಾಡಿಕೊಂಡು ವಂಚಿಸಿದ್ದರು. ಇದಲ್ಲದೆ, ಒಂದೇ ಮನೆಯನ್ನು ಬೇರೆ ಬೇರೆ ಆಯಾಮದಲ್ಲಿ ಪೋಟೋ ತೆಗೆದು ಹಲವು ಲಾನುಭವಿಗಳ ಅರ್ಜಿಗೆ ಅಪ್ಲೋಡ್ ಮಾಡಿ ಅನುದಾನ ಮಂಜೂರು ಮಾಡಿಸಿಕೊಂಡು ವಂಚನೆ ಮಾಡಿರುವುದು ಬೆಳಕಿಗೆ ಬಂದಿದೆ.
