ಪಾನ್​ಮಸಾಲ ಪ್ಯಾಕೆಟ್​ಗಳ ಒಳಗೆ 32 ಲಕ್ಷ ರೂ. ಬಚ್ಚಿಟ್ಟು ಬ್ಯಾಂಕಾಕ್​ಗೆ ಪಾರ್ಸೆಲ್​..!

ಕೊಲ್ಕತ್ತಾ: ಪಾನ್​ ಮಸಾಲ ಪ್ಯಾಕೆಟ್​ಗಳನ್ನು ಬ್ಯಾಂಕಾಕ್​ಗೆ ಸಾಗಿಸುವ ಸೋಗಿನಲ್ಲಿ ಈತ ಬರೋಬ್ಬರಿ 40 ಸಾವಿರ ಡಾಲರ್​ ಪಾರ್ಸೆಲ್ ಮಾಡಿದ್ದ! ಆದರೆ ಅದೃಷ್ಟವಶಾತ್​, ಇದರ ಸುಳಿವು ಸಿಕ್ಕಿ ಕಸ್ಟಮ್ಸ್​ ಅಧಿಕಾರಿಗಳು ಏನಪ್ಪಾ ಇದು ಎಂದುಕೊಂಡು ಪರಿಶೀಲಿಸಿದರೆ, ಅಲ್ಲಿದ್ದದ್ದು ಗರಿಗರಿ ನೋಟುಗಳು!

ಅಷ್ಟೊಂದು ಹಣವನ್ನು ಬಚ್ಚಿಟ್ಟ ರೀತಿ ನೋಡಿದರೆ ಎಂತಹವನೂ ಒಮ್ಮೆಗೆ ದಂಗಾಗಬೇಕು. ಪ್ರತಿಯೊಂದು ಸಣ್ಣ ಗುಟ್ಕಾ ಪ್ಯಾಕೆಟ್​ನಲ್ಲೂ ಹಣ ಬಚ್ಚಿಟ್ಟರೆ ಗೊತ್ತಾಗಲ್ಲ ಎಂದುಕೊಂಡಿದ್ದ ಕಾಣುತ್ತೆ. ಅದಕ್ಕೆ ಪಾರ್ಸೆಲ್​ ಕಳುಹಿಸಿದಾತ ಪ್ರತೀ ಪ್ಯಾಕೆಟ್​ನಲ್ಲೂ 50 ಡಾಲರ್​ ನೋಟನ್ನು ಮಡಚಿ ಬಚ್ಚಿಟ್ಟು ಹವಾಲಾ ಹಣ ತೆಗೆದುಕೊಂಡು ಹೋಗಲು ಪ್ರಯತ್ನಿಸಿದ್ದಾನೆ.

ಇಷ್ಟೊಂದು ಪ್ರಮಾಣದ ಪಾನ್​ ಮಸಾಲಾ ಯಾತಕ್ಕಾಗಿ ಪಾರ್ಸೆಲ್ ಕಳುಹಿಸಲಾಗಿದೆ ಎಂದು ಅನುಮಾನಗೊಂಡ ಕಸ್ಟಮ್ಸ್​ ಅಧಿಕಾರಿಗಳು ನಿನ್ನೆ ಬ್ಯಾಂಕಾಕ್‌ಗೆ ನಿರ್ಗಮಿಸಲು ನಿಗದಿಪಡಿಸಿದ ಪ್ಯಾಕ್ಸ್ ಅನ್ನು ತಡೆದಿದ್ದಾರೆ. ಈ ಸಂದರ್ಭ ಹುಡುಕಾಡಿದ ಅಧಿಕಾರಿಗೆಳಿಗೆ ಗುಟ್ಖಾ ಪೌಚ್‌ಗಳೊಳಗೆ ಬಚ್ಚಿಟ್ಟಿದ್ದ US $40O00 (ರೂ. 32,78,000 ಮೌಲ್ಯ) ಪತ್ತೆಯಾಗಿದೆ.

https://www.vijayavani.net/finance-minister-says-not-to-study-on-sundays/

https://www.vijayavani.net/vijay-deverakonda-selects-travel-destination-for-his-100-fans/