ಸಿಯೋಲ್‌ಗೆ ಪ್ರಚೋದನೆ ನೀಡಿದ ಕಿಮ್.. ಪೂರ್ವ ಕರಾವಳಿಯತ್ತ ಕ್ರೂಸ್ ಕ್ಷಿಪಣಿಗಳ ಉಡಾವಣೆ!

ಸಿಯೋಲ್: ಉಭಯ ಕೊರಿಯಾಗಳ ನಡುವಿನ ಉದ್ವಿಗ್ನತೆ ತೀವ್ರಗೊಂಡಿದೆ. ಉತ್ತರ ಕೊರಿಯಾ ಕ್ಷಿಪಣಿ ಉಡಾವಣೆಯೊಂದಿಗೆ ತನ್ನ ಪ್ರಚೋದನಕಾರಿ ಕ್ರಮಗಳನ್ನು ಮುಂದುವರೆಸಿದೆ. ಭಾನುವಾರ ಬೆಳಗ್ಗೆ ಉತ್ತರ ಕೊರಿಯಾ ಹಲವು ಕ್ರೂಸ್ ಕ್ಷಿಪಣಿಗಳನ್ನು ನಮ್ಮ ಸೇನೆಯು ಪೂರ್ವ ಕರಾವಳಿ ಕಡೆಗೆ ಉಡಾಯಿಸಿದೆ ಎಂದು ದಕ್ಷಿಣ ಕೊರಿಯಾದ ಹೇಳಿದೆ.

ಇದನ್ನೂ ಓದಿ: ರಜೆಗಳ ಎಫೆಕ್ಟ್: ತಿರುಪತಿಗೆ ಭಕ್ತಸಾಗರ – ತಿಮ್ಮಪ್ಪ ದರ್ಶನಕ್ಕೆ ಕಾಯಬೇಕು 18 ಗಂಟೆ!

ಇದನ್ನು ಅಮೆರಿಕದ ಗುಪ್ತಚರ ಇಲಾಖೆಯೂ ದೃಢಪಡಿಸಿದೆ. ನಮ್ಮ ಕಣ್ಗಾವಲು ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ಉತ್ತರ ಕೊರಿಯಾದ ಚಲನವಲನಗಳ ಮೇಲೆ ನಿಗಾ ಇಡಲು ನಮ್ಮ ರಕ್ಷಣಾ ಇಲಾಖೆಯು ಯುನೈಟೆಡ್ ಸ್ಟೇಟ್ಸ್‌ನೊಂದಿಗೆ ಕೆಲಸ ಮಾಡುತ್ತಿದೆ ಎಂದು ಸಿಯೋಲ್​ ಹೇಳಿಕೆಯಲ್ಲಿ ತಿಳಿಸಿದೆ. ಆದಾಗ್ಯೂ, ಪ್ಯಾಂಗ್ಯಾಂಗ್ ತಾನು ಉಡಾವಣೆ ಮಾಡಿದ ಕ್ಷಿಪಣಿಗಳ ಸಂಖ್ಯೆಯನ್ನು ಬಹಿರಂಗಪಡಿಸಲಿಲ್ಲ.

ಒಂದು ವಾರದಲ್ಲಿ ಇದು ಎರಡನೇ ದಾಳಿಯಾಗಿದೆ. ಕಳೆದ ವಾರ, ಕಿಮ್ ಜೊಂಗ್ ಉನ್ ಸರ್ಕಾರ ಫುಲ್ವಾಸಲ್ -3-31 ಕಾರ್ಯತಂತ್ರದ ಕ್ರೂಸ್ ಕ್ಷಿಪಣಿಯನ್ನು ಪರೀಕ್ಷಿಸಿತು. ಅದು ಪರಮಾಣು ಶಸ್ತ್ರಾಸ್ತ್ರ ಸಾಮರ್ಥ್ಯ ಹೊಂದಿದೆ ಎಂದು ಘೋಷಿಸಿದೆ. ನಮ್ಮ ಗಡಿಯಲ್ಲಿ ಕಳೆದ ವಾರ ಯುಎಸ್ ಮತ್ತು ದಕ್ಷಿಣ ಕೊರಿಯಾ ಜಂಟಿ ಸಮರಾಭ್ಯಾಸವನ್ನು ನಡೆಸಿರುವುದನ್ನು ಪ್ಯೊಂಗ್ಯಾಂಗ್ ಖಂಡಿಸಿದೆ. ಇದಕ್ಕೆ ಪ್ರತಿಯಾಗಿ ಕಠಿಣ ಕ್ರಮಗಳು ಇರುತ್ತವೆ ಎಂದು ಭಾನುವಾರ ಬೆಳಗ್ಗೆ ಎಚ್ಚರಿಸಿತ್ತು. ಆದರೆ ಈ ಘೋಷಣೆಯಾದ ಕೆಲವೇ ನಿಮಿಷಗಳಲ್ಲಿ ಕ್ಷಿಪಣಿ ಉಡಾವಣೆ ನಡೆದಿವೆ ಎಂದು ತಿಳಿದುಬಂದಿದೆ.

ಉತ್ತರ ಕೊರಿಯಾ ಇತ್ತೀಚೆಗೆ ಅಮೆರಿಕಾ ಸೇರಿದಂತೆ ಅದರ ಮಿತ್ರರಾಷ್ಟ್ರಗಳೊಂದಿಗೆ ಭಿನ್ನಾಭಿಪ್ರಾಯ ಹೊಂದಿದೆ. ಭವಿಷ್ಯದಲ್ಲಿ ಪ್ಯೊಂಗ್ಯಾಂಗ್ ಇನ್ನಷ್ಟು ಪ್ರಚೋದನೆಗಳನ್ನು ಮಾಡುವ ಸಾಧ್ಯತೆಯಿದೆ ಎಂದು ತಜ್ಞರು ಅಭಿಪ್ರಾಯಿಸಿದ್ದಾರೆ.

ಮತ್ತೊಂದೆಡೆ, ಕಿಮ್ ನೆರೆಯ ದೇಶಗಳೊಂದಿಗೆ ಯುದ್ಧಕ್ಕೆ ತಯಾರಿ ನಡೆಸುತ್ತಿರುವ ಯಾವುದೇ ಲಕ್ಷಣಗಳಿಲ್ಲ ಎಂದು ಯುನೈಟೆಡ್ ಸ್ಟೇಟ್ಸ್ ಮತ್ತು ದಕ್ಷಿಣ ಕೊರಿಯಾ ಹೇಳುತ್ತವೆ. ರಷ್ಯಾದ ನೆರವಿನೊಂದಿಗೆ ಉತ್ತರ ಕೊರಿಯಾ ತನ್ನ ಕ್ಷಿಪಣಿ ಸಾಮರ್ಥ್ಯವನ್ನು ಹೆಚ್ಚಿಸಿಕೊಳ್ಳುತ್ತಿದೆ ಎಂದು ಆರೋಪಿಸಲಾಗಿದೆ.

https://www.vijayavani.net/family-of-5-in-kerala-to-approach-supreme-court-for-mercy-killing