ಆದಾಯ ತೆರಿಗೆ ಮಸೂದೆ ಹಿಂಪಡೆದ ವಿತ್ತ ಸಚಿವೆ! ಆ.11ಕ್ಕೆ ಲೋಕಸಭೆಯಲ್ಲಿ ಹೊಸ ಮಸೂದೆ ಮಂಡನೆ | Income Tax Bill 2025

Income Tax Bill: 2025ರ ಆದಾಯ ತೆರಿಗೆ ಮಸೂದೆಯನ್ನು ಇದೀಗ ಕೇಂದ್ರ ಸರ್ಕಾರವು ಅಧಿಕೃತವಾಗಿ ಹಿಂಪಡೆದಿದ್ದು, ಬಿಜೆಪಿ ಸಂಸದ ಬೈಜಯಂತ್ ಪಾಂಡಾ ನೇತೃತ್ವದ ಆಯ್ಕೆ ಸಮಿತಿಯು ಮಾಡಿದ ಶಿಫಾರಸುಗಳೊಂದಿಗೆ ಮಸೂದೆಯ ಹೊಸ ಆವೃತ್ತಿಯನ್ನು ಇದೇ ಆಗಸ್ಟ್ 11ರಂದು ಲೋಕಸಭೆಯಲ್ಲಿ ಪರಿಚಯಿಸಲಾಗುವುದು ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ತಿಳಿಸಿದ್ದಾರೆ.

ಇದನ್ನೂ ಓದಿ: ಥಾರ್ ಸನ್‌ರೂಫ್‌ ಮೇಲೆ ಕುಳಿತು ರೀಲ್ಸ್ ಮಾಡಿದ ಮಹಿಳೆ; ನಂತರ ಆಗಿದ್ದೇನು? | Video Viral

ಮೂಲಗಳು ಈ ಮಟ್ಟಿಗೆ ತಿಳಿಸಿವೆ. ಕೇಂದ್ರವು ಫೆಬ್ರವರಿ 13ರಂದು ಲೋಕಸಭೆಯಲ್ಲಿ ಆದಾಯ ತೆರಿಗೆ ಮಸೂದೆಯನ್ನು ಪರಿಚಯಿಸಿತ್ತು. ಇದು 1961ರ ಮಸೂದೆಯನ್ನು ಬದಲಾಯಿಸಿತು. ಅದೇ ದಿನಾಂಕದಂದು, ಇದನ್ನು ಆಯ್ಕೆ ಸಮಿತಿಗೆ ಪರಿಗಣನೆಗೆ ವರದಿ ಮಾಡಲಾಯಿತು. ಆಯ್ಕೆ ಸಮಿತಿಯು ಜುಲೈ 21, 2025ರಂದು ಲೋಕಸಭೆಯಲ್ಲಿ ತನ್ನ ವರದಿಯನ್ನು ಸಲ್ಲಿಸಿತು. ಆಯ್ಕೆ ಸಮಿತಿಯ ಎಲ್ಲಾ ಶಿಫಾರಸುಗಳನ್ನು ಸರ್ಕಾರ ಬಹುತೇಕ ಒಪ್ಪಿಕೊಂಡಿದೆ.

ಮಸೂದೆಯನ್ನು ಹಿಂಪಡೆದಿದ್ದೇಕೆ?

ಈ ಮಸೂದೆಯಲ್ಲಿ ಸೇರಿಸಲು ಅಗತ್ಯವಿರುವ ಎಲ್ಲಾ ಸಲಹೆಗಳನ್ನು ಸ್ವೀಕರಿಸಲಾಗಿದೆ. 31 ಸದಸ್ಯರ ಸಮಿತಿಯು ಹೊಸ ಕಾನೂನನ್ನು ಧಾರ್ಮಿಕ-ಕಮ್-ಚಾರಿಟೇಬಲ್ ಟ್ರಸ್ಟ್‌ಗಳಿಗೆ ಅನಾಮಧೇಯ ದೇಣಿಗೆಗಳ ಮೇಲೆ ತೆರಿಗೆ ವಿನಾಯಿತಿಯನ್ನು ಮುಂದುವರಿಸಬೇಕು ಮತ್ತು ತೆರಿಗೆದಾರರು ಐಟಿಆರ್ ಸಲ್ಲಿಕೆಯ ನಿಗದಿತ ದಿನಾಂಕದ ನಂತರವೂ ಯಾವುದೇ ದಂಡ ಶುಲ್ಕವನ್ನು ಪಾವತಿಸದೆ ಟಿಡಿಎಸ್ ಮರುಪಾವತಿಯನ್ನು ಪಡೆಯಲು ಅವಕಾಶ ನೀಡಬೇಕು ಎಂದು ಸೂಚಿಸಲಾಗಿದೆ.

ಈ ಹಿನ್ನಲೆ ಆಯ್ಕೆ ಸಮಿತಿ ವರದಿ ಮಾಡಿದಂತೆ ಕೇಂದ್ರವು ಆದಾಯ ತೆರಿಗೆ ಮಸೂದೆ 2025 ಅನ್ನು ಹಿಂಪಡೆಯಲು ನಿರ್ಧರಿಸಿದೆ. ಆ.11ರಂದು ಲೋಕಸಭೆಯಲ್ಲಿ ಹೊಸ ತಿದ್ದುಪಡಿ ಮಸೂದೆಯನ್ನು ಪರಿಚಯಿಸಲಾಗುವುದು. ಹೊಸ ಮಸೂದೆಯ ಬಹು ಆವೃತ್ತಿಗಳಿಂದಾಗಿ ಗೊಂದಲವನ್ನು ತಪ್ಪಿಸುವ ಉದ್ದೇಶದಿಂದ ಕೇಂದ್ರವು ಆದಾಯ ತೆರಿಗೆ ಮಸೂದೆಯನ್ನು ಹಿಂತೆಗೆದುಕೊಂಡಿದೆ ಎಂದು ಸಂಬಂಧಪಟ್ಟ ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: ಆ. 9ರಂದು ಸಂಜೆ 4 ಗಂಟೆಗೆ ಕೆ.ಆರ್.ಬ್ಯಾಂಕ್ ನವೀಕೃತ ಕಟ್ಟಡದ ಉದ್ಘಾಟನೆ: ಬ್ಯಾಂಕ್ ಅಧ್ಯಕ್ಷ ಡಿ.ಬಸವರಾಜು ಮಾಹಿತಿ

ಹೊಸ ಕರಡನ್ನು ಎಲ್ಲಾ ಬದಲಾವಣೆಗಳೊಂದಿಗೆ ಪರಿಷ್ಕರಿಸಿ ಲೋಕಸಭೆಯ ಮುಂದೆ ಪರಿಗಣನೆಗೆ ಇಡಲಾಗುವುದು. ಹೊಸ ಮಸೂದೆಯಲ್ಲಿ, ಸರ್ಕಾರವು ಲಾಭರಹಿತ ಸಂಸ್ಥೆಗಳು (ಎನ್‌ಪಿಒಗಳು) ಧಾರ್ಮಿಕ ಟ್ರಸ್ಟ್‌ಗಳಿಂದ ಮಾತ್ರ ಪಡೆದ ಅನಾಮಧೇಯ ದೇಣಿಗೆಗಳನ್ನು ತೆರಿಗೆಯಿಂದ ವಿನಾಯಿತಿ ನೀಡಿದೆ. ಆದಾಗ್ಯೂ, ಆಸ್ಪತ್ರೆಗಳು ಮತ್ತು ಶಿಕ್ಷಣ ಸಂಸ್ಥೆಗಳನ್ನು ನಡೆಸುವಂತಹ ಇತರ ದತ್ತಿ ಕಾರ್ಯಗಳೊಂದಿಗೆ ಧಾರ್ಮಿಕ ಟ್ರಸ್ಟ್‌ಗಳು ಪಡೆಯುವ ದೇಣಿಗೆಗಳಿಗೆ ಕಾನೂನಿನ ಪ್ರಕಾರ ತೆರಿಗೆ ವಿಧಿಸಲಾಗುತ್ತದೆ ಎಂದು ಮಸೂದೆಯಲ್ಲಿ ತಿಳಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/coolie-first-show-starts-in-karnataka-kerala-from-6-am