ಇತರ ರಾಜ್ಯಗಳಿಗೆ ಇಲ್ಲದ ಕೆಲ ವಿಶೇಷ ಸವಲತ್ತುಗಳು ಸಂವಿಧಾನದ 370ನೇ ವಿಧಿಯನ್ವಯ ಜಮ್ಮು-ಕಾಶ್ಮೀರಕ್ಕೆ ದಕ್ಕಿದ್ದವು. ಆ ವಿಶೇಷ ಸ್ಥಾನಮಾನವನ್ನು ಕೇಂದ್ರ ಸರ್ಕಾರ ಕಳೆದ ವರ್ಷ ತೆಗೆದುಹಾಕಿತು. ಅಲ್ಲದೆ, ಆ ರಾಜ್ಯವನ್ನು ಎರಡು ವಿಭಾಗವಾಗಿಸಿತು. ತದನಂತರದಲ್ಲಿ ಅಲ್ಲಿ ಭಯೋತ್ಪಾದನಾ ಚಟುವಟಿಕೆಗಳು ಕಡಿಮೆಯಾಗಿವೆ ಎಂದು ವರದಿಗಳು ಹೇಳುತ್ತವೆ. ಇದರಿಂದಾಗಿ ಭಯೋತ್ಪಾದನಾ ಸಂಘಟನೆಗಳು ಸಹಜವಾಗಿಯೇ ಉರಿಯುತ್ತಿವೆ. ಹೀಗಾಗಿ ಅವಕಾಶ ಸಿಕ್ಕರೆ ಮತ್ತೆ ಚಟುವಟಿಕೆ ನಡೆಸಲು ಅವು ಹಾತೊರೆಯುತ್ತವೆ. ಇದಲ್ಲದೆ, ಐಸಿಸ್ ಸಂಘಟನೆಯು ಕೇರಳ ಮತ್ತು ಕರ್ನಾಟಕದಲ್ಲಿ ತನ್ನ ಕಾರ್ಯ ವಿಸ್ತರಿಸಿದ್ದು, ವಿಶ್ವಸಂಸ್ಥೆಯ ವರದಿಯಲ್ಲಿಯೂ ಇದು ಉಲ್ಲೇಖವಾಗಿದೆ. ಈ ಎರಡು ರಾಜ್ಯಗಳಲ್ಲಿ ಉಗ್ರರ ಅಡಗುದಾಣಗಳು ಹೆಚ್ಚುತ್ತಿರುವ ಬಗ್ಗೆಯೂ ವರದಿಗಳಿವೆ.
