ದೇಶ

ಹರಿದ್ವಾರದಲ್ಲಿ ಬಿಕ್ಷೆ ಬೇಡುವ ಪ್ರಯೋಗಕ್ಕಿಳಿದ ಯೂಟ್ಯೂಬರ್​; ಒಂದು ದಿನಕ್ಕೆ ಗಳಿಸಿದ ಹಣ ಎಷ್ಟು ಗೊತ್ತಾ?..Haridwar

YouTuber gets friend to pose as a beggar in Haridwar
YouTuber gets friend to pose as a beggar in Haridwar
Published on: 

ಪ್ರಮುಖ ಮುಖ್ಯಾಂಶಗಳು

  • ಹರಿದ್ವಾರದ ಕವಾಡ್ ಮೇಳದಲ್ಲಿ ವಿನೂತನ ಪ್ರಯೋಗ ಮಾಡಿದ ಯೂಟ್ಯೂಬರ್​​
  • ಯೂಟ್ಯೂಬರ್ ಪುರುಷೋತ್ತಮ್ ವಸಿಷ್ಠ ಮತ್ತು ಅವರ ಸ್ನೇಹಿತ ಸಚಿನ್ ಪ್ರಯೋಗ ವೈರಲ್
  • ಹರಿದ ಬಟ್ಟೆ ಧರಿಸಿ, ಯುಪಿಐ ಕ್ಯೂಆರ್‌ ಕೋಡ್ ಹಾಕಿಕೊಂಡು ಭಿಕ್ಷೆ ಬೇಡಿದ ಯೂಟ್ಯೂಬರ್​
  • ಕೇವಲ 4 ಗಂಟೆಗಳಲ್ಲಿ ಸುಮಾರು 800 ರೂ. ಸಂಗ್ರಹ, 4,000 ರೂ. ವರೆಗೆ ಹಣ ಗಳಿಸಿದ್ದಾರೆ!

Haridwar beggar social experiment: 

ಭಿಕ್ಷುಕರನ್ನು ಕಂಡು ಪಾಪ ಎಂದೆನಿಸಿ ಹಣ ಹಾಕೋರು ಇರುತ್ತಾರೆ. ಇನ್ನು ಕೆಲವರು ಕೈ ಕಾಲು ಗಟ್ಟಿ ಇದೆ ದುಡಿಯೋದಕ್ಕೆ ರೋಗ ಏನು ಬೈದುಕೊಳ್ಳುವವರು ಇದ್ದಾರೆ. ಆದರೆ, ಇದನ್ನೇ ಬಂಡವಾಳ ಮಾಡಿಕೊಂಡು ಸೋಮಾರಿತನ ಬೀಳುವ ಜನರಿಗೆ ಹಣ ಹಾಕಿ ಮೋಸ ಹೋಗಬೇಡಿ ಎಂದು ಪರೋಕ್ಷವಾಗಿ ಜಾಗೃತಿ ನೀಡುತ್ತಾ..ಅವರು ದಿನಕ್ಕೆ ಎಷ್ಟು ಗಳಿಕೆ ಮಾಡುತ್ತಾರೆ ಎನ್ನುವುದನ್ನು ಹರಿದ್ವಾರದಲ್ಲಿ ಯೂಟ್ಯೂಬರ್​ ಒಬ್ಬರು ತೋರಿಸಿಕೊಟ್ಟಿದ್ದಾರೆ.

ಉತ್ತರಾಖಂಡದ ಹರಿದ್ವಾರದಲ್ಲಿ ನಡೆದ ಕವಾಡ್ ಮೇಳದ ವೇಳೆ ಯೂಟ್ಯೂಬರ್ ಒಬ್ಬರು ನಡೆಸಿದ Social Experiment ವಿಡಿಯೋವೊಂದನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಸದ್ಯ ಸಾಕಷ್ಟು ವೈರಲ್ ಆಗಿದೆ. ಧಾರ್ಮಿಕ ಕ್ಷೇತ್ರ, ರಸ್ತೆ ಬದಿ, ಸಿಗ್ನಲ್​ಗಳಲ್ಲಿ ಭಿಕ್ಷೆ ಬೇಡುವವರು ದಿನಕ್ಕೆ ಎಷ್ಟು ಹಣ ಸಂಪಾದನೆ ಮಾಡಬಹುದು ಎನ್ನುವುದನ್ನು ಅವರು ತೋರಿಸಿಕೊಟ್ಟಿದ್ದಾರೆ. ಇದನ್ನು ಸಾಬೀತು ಮಾಡಲು ಸ್ವತ:  ಯೂಟ್ಯೂಬರ್ ಪುರುಷೋತ್ತಮ್ ವಸಿಷ್ಠ ಮತ್ತು ಅವರ ಸ್ನೇಹಿತ ಸಚಿನ್ ಭಿಕ್ಷುಕರಂತೆ ಬಟ್ಟೆ ಹಾಕಿರೋದು ಸದ್ಯ ಸಾಕಷ್ಟುಚರ್ಚೆಯನ್ನು ಹುಟ್ಟುಹಾಕಿದೆ.

 ಯುಪಿಐ  ಕೋಡ್‌ನೊಂದಿಗೆ ಭಿಕ್ಷಾಟನೆ

ಯೂಟ್ಯೂಬರ್ ಪುರುಷೋತ್ತಮ್ ವಸಿಷ್ಠ ಮತ್ತು ಅವರ ಸ್ನೇಹಿತ ಸಚಿನ್  ವಿನೂತನ ಪ್ರಯೋಗದ ಭಾಗವಾಗಿ ತಮ್ಮ ಇಡೀ ರೂಪವನ್ನೇ ಬದಲಾಯಿಸಿಕೊಂಡಿದ್ದಾರೆ. ಹರಿದ ಬಟ್ಟೆ ಹಾಗೂ ಮುಖಕ್ಕೆ ಮಣ್ಣು ಹಚ್ಚಿಕೊಂಡು, ಕೈಯಲ್ಲಿ ಬಟ್ಟಲು, ಕತ್ತಲಿ ಯುಪಿಐ ಕೋಡ್​ ಹಾಕಿಕೊಂಡು ಅಡ್ಡಾಡಿದ್ದಾರೆ
ಆರಂಭದಲ್ಲಿ ಇಷ್ಟು ದೊಡ್ಡ ಮೇಳದಲ್ಲಿ 1,000 ಅಥವಾ 2,000 ರೂ. ಸಿಗಬಹುದು ಎಂದು ಇಬ್ಬರೂ ಅಂದುಕೊಂಡಿದ್ದರು. ಆದರೆ ಮೊದಲ ಕೆಲವು ಗಂಟೆಗಳಲ್ಲಿ ಭಕ್ತರಿಂದ ಕೇವಲ 130 ರೂ. ಸಂಗ್ರಹವಾಯಿತು. ಕೆಲವರು ಹಣವಿಲ್ಲ ಎಂದರು, ಇನ್ನು ಕೆಲವರು ಸಹಾಯ ಮಾಡಿದರು. ಈ ನಡುವೆ ಅಂಗಡಿಯವೊಬ್ಬರು ಸಚಿನ್‌ಗೆ ಉಚಿತವಾಗಿ ಸನ್‌ಗ್ಲಾಸ್ ಕೊಟ್ಟರು ಎನ್ನಲಾಗಿದೆ. 

ತಿಂಗಳಿಗೆ 1.2 ಲಕ್ಷ ರೂ.ಹಣ ಸಿಗತ್ತೆ

ಮಳೆ ಮಧ್ಯೆಯೂ ಓಡಾಡಿದ ಕಾರಣ  ಪ್ರಯೋಗ ಶುರು ಮಾಡಿದ 4 ಗಂಟೆಗೆ 800 ರೂ. ಸಂಗ್ರಹ ಆಯ್ತು. ದಿನದ ಕೊನೇ ಗಳಿಗೆಗೆ4,000 ರೂ. ಸಂಗ್ರಹವಾಯಿತು. ಅಂದರೆ ದಿನಕ್ಕೆ ಇಷ್ಟು ಸಂಪಾದಿಸಿದರೆ ತಿಂಗಳಿಗೆ ಸುಮಾರು 1.2 ಲಕ್ಷ ರೂ.ಹಣ ಗಳಿಸಬಹುದು ಎಂದರು.
ಆದರೆ, ಭಿಕ್ಷಾಟನೆ ಎನ್ನುವುದು ಕೇವಲ ಹಣ ಗಳಿಕೆಯಲ್ಲ, ಅದಕ್ಕೊಂದು ದೈಹಿಕ ಹಾಗೂ ಮಾನಸಿಕ ಬೆಲೆ ಇದೆ. ಯಾರೂ ಕೂಡ ಭಿಕ್ಷೆ ಬೇಡುವುದನ್ನು ವೃತ್ತಿಯಾಗಿ ಆರಿಸಿಕೊಳ್ಳಬೇಡಿ, ಬದಲಿಗೆ ಪ್ರಾಮಾಣಿಕವಾಗಿ ಶ್ರಮಪಟ್ಟು ಸಂಪಾದಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ.

ಬಿಚ್ಚಗಾಡು..ಪಿಚ್ಚೈಕಾರನ್, ಅಮ್ಮ ಐಲವ್​ ಯೂ ಸಿನಿಮಾ ನೆನಪಿಸಿದ ಘಟನೆ

ತಮಿಳು, ತೆಲುಗು ಹಾಗೂ ಕನ್ನಡದಲ್ಲಿರುವ ಬಿಚ್ಚಗಾಡು, ಪಿಚ್ಚೈಕಾರನ್​ ಸಿನಿಮಾವು ಸಾಕಷ್ಟು ಸದ್ದು ಮಾಡಿತ್ತು. ಶಶಿ ನಿರ್ದೇಶನದ ಈ ಸಿನಿಮಾದಲ್ಲಿ  ವಿಜಯ್​ ಆಂಟನಿ, ಸತನ್ ಟೈಟಸ್ ನಟಿಸಿದ್ದರು. ಕನ್ನಡದಲ್ಲಿ  ಚಿರು ಸರ್ಜಾ, ನಿಶ್ವಿಕಾ ನಟಿಸಿದ್ದರು. ತಾಯಿಯ ಆರೋಗ್ಯ ಗುಣಪಡಿಸಲು ದೊಡ್ಡ ಉದ್ಯಮಿ ಭಿಕ್ಷುಕನಾಗಿ 31 ದಿನ ಕಳೆಯುವ ಬಗ್ಗೆ ಈ ಸಿನಿಮಾ ಇದೆ, (ಏಜೆನ್ಸೀಸ್).
haridwar beggar social experiment
youtuber purushottam vashisht
beggar earning upi qr code
ಹರಿದ್ವಾರದಲ್ಲಿ ಭಿಕ್ಷೆ ಬೇಡಿದ ಯೂಟ್ಯೂಬರ್
haridwar kawad mela
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net