ಮುಂಬರುವ ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆಗಾಗಿ ಈ ಚರ್ಚೆ ಆಯೋಜಿಸಲಾಗಿದೆ ಎಂಬ ಹೇಳಿಕೆಗಳನ್ನು ತಿರಸ್ಕರಿಸಿದ ಷಾ, ನಮ್ಮ ರಾಷ್ಟ್ರೀಯ ಗೀತೆಯ ವೈಭವೀಕರಣವನ್ನು ಕೆಲವರು ಕಡಿಮೆ ಮಾಡಲು ಬಯಸುತ್ತಾರೆ. ಬಂಕಿಮ್ ಚಂದ್ರ ಚಟರ್ಜಿ ಬಂಗಾಳ ಮೂಲದವರಾಗಿದ್ದರೂ, ಆನಂದ್ ಮಠ ಕೂಡ ಬಂಗಾಳದಲ್ಲಿ ಹುಟ್ಟಿಕೊಂಡಿತು, ವಂದೇ ಮಾತರಂ ಎನ್ನುವುದು ಕೇವಲ ಒಂದು ರಾಜ್ಯಕ್ಕೆ ಸೀಮಿತವಾಗಿದ್ದಲ್ಲ ಎಂದರು. ಇಂದಿಗೂ, ದೇಶವನ್ನು ಒಳಗಿನಿಂದ ಕಾಪಾಡುವ ಪೊಲೀಸ್, ದೇಶದ ಗಡಿಯಲ್ಲಿರುವ ಸೈನಿಕರ ತುಟಿಗಳಲ್ಲಿ ವಂದೇ ಮಾತರಂ ಎಂಬ ಮಾತು ಮೊದಲು ಬರುತ್ತದೆ, ಇದು ಸ್ವಾತಂತ್ರ್ಯ ಚಳವಳಿಯ ಸಮಯದಲ್ಲಿ ಒಂದು ಘೋಷವಾಕ್ಯವಾಯಿತು ಮತ್ತು ಇಂದು ಸ್ಫೂರ್ತಿಯ ಮೂಲವಾಗಿ ಉಳಿದಿದೆ ಎಂದು ಹೇಳಿದರು.
