ಮುಂಬೈ ಬಿಸಿಲಿಗೆ ತತ್ತರಿಸಿದ ಕಾರ್ಮಿಕರು: ಮಲಗಲು ಜಾಗವಿಲ್ಲದೆ ಮೈದಾನದಲ್ಲೇ ಸಾಮೂಹಿಕ ನಿದ್ರೆ; ವಿಡಿಯೋ ವೈರಲ್! Viral Video

ಮುಂಬೈ: ದೇಶದಲ್ಲಿ ದಿನ ಕಳೆದಂತೆ ಬಿಸಿಲಿನ ತಾಪ ಹೆಚ್ಚುತ್ತಿದ್ದು, ಮನೆಯಲ್ಲಿ ಫ್ಯಾನ್​, ಎಸಿ ಎರಡನ್ನೂ ಆನ್​ ಮಾಡಿದರೂ ದೇಹದಲ್ಲಿ ಉರಿಯನ್ನು ಕಡಿಮೆ ಮಾಡಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅಂದರಲ್ಲಿ ದಿನಗೂಲಿ ಮಾಡಿ, ಆ ದಿನದ ಊಟಕ್ಕೆ ಅದೇ ದಿನ ಕೆಲಸ ಮಾಡುವ ಕೂಲಿ ಕಾರ್ಮಿಕರು ಈ ಬಿಸಿಲಿನಿಂದ ತತ್ತರಿಸಿ ಹೋಗಿದ್ದಾರೆಂದರೆ ಸುಳ್ಳಲ್ಲ.

ಬೆಳಿಗ್ಗೆ ಬಿರು ಬಿಸಿಲಿನಲ್ಲಿ ಕೆಲಸ ಮಾಡಿ ರಾತ್ರಿ ಹಾಯಾಗಿ ಮಲಗಲು ಸೂಕ್ತ ವ್ಯವಸ್ಥೆ ಇಲ್ಲದ ನೂರಾರು ಕಾರ್ಮಿಕರು ಮುಂಬೈನ ಮೈದನವೊಂದರಲ್ಲಿ ಸಾಮೂಹಿಕವಾಗಿ ಮಲಗಿರುವ ವಿಡಿಯೋ ಸೋಷಿಯಲ್​ ಮೀಡಿಯಾನಲ್ಲಿ ವೈರಲ್ (Viral Video)​ ಆಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋ ಮುಂಬೈನ ಭಯಂದರ್ ಎಂಬಲ್ಲಿ ಸೆರೆಹಿಡಿಯಲಾಗಿದೆ ಎಂದು ಹೇಳಲಾಗುತ್ತಿದೆ. ವಿಡಿಯೋನಲ್ಲಿ ನೂರಾರು ಕಾರ್ಮಿಕರು ಗೋಣಿ ಚೀಲ, ಬ್ಯಾನರ್​ ಹಾಸಿಕೊಂಡು ಸಾಲಾಗಿ ಮಲಗಿರುವುದನ್ನು ನೋಡಬಹುದಾಗಿದೆ.

ಏಕೆ ಹೀಗೆ ಮೈದಾನದಲ್ಲಿ ಮಲಗಿದ್ದಿರಿ ಎಂದು ಕೇಳಿದಕ್ಕೆ, ನಮ್ಮ ಮೆನೆ ವಾಸಿಸಲು ಬಹಳ ಚಿಕ್ಕದಿದೆ. ರಾತ್ರಿ ಮಲಗಿದಾಗ ಬಹಳ ಸೆಖೆಯಾಗುತ್ತದೆ. ಆದ್ದರಿಂದ ಈ ಮೈದಾನದಲ್ಲಿ ಮಲಗಲು ಬಂದಿದ್ದೆವೆ. ಇಲ್ಲಿರುವ ಬಹಳ ಜನ ಬೇರೆ ರಾಜ್ಯದವರಾಗಿದ್ದು, ವಾಸಿಸಲು ಸರಿಯಾದ ವ್ಯವಸ್ಥರ ಇರದ ಕಾರಣ ಹೀಗೆ ಮಾಡುತ್ತಿದ್ದವೆ ಎಂದು ಹೇಳಿದ್ದಾರೆ.

ಈ ವಿಡಿಯೋ ಸೋಷಿಯಲ್ ಮೀಡಿಯಾನಲ್ಲಿ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರ ಗಮನ ಈ ವಿಡಿಯೋ ಮೇಲೆ ನೆಟ್ಟಿದೆ. ಮುಂಬೈನಲ್ಲಿ ಅಸಂಘಟಿತ ಕಾರ್ಮಿಕರ ಕಷ್ಟ ಏನೆಂದು ತಿಳಿಯುವಂತಾಗಿದೆ ಎಂದು ಒಬ್ಬ ಬಳಕೆದಾರರು ಹೇಳಿದ್ದಾರೆ. ಇಲ್ಲಿ ಮಲಗಿರುವವರು ಬಹುತೇಕರು ಬಿಹಾರ್​ ಮೂಲದವರಾಗಿದ್ದಾರೆ. ನೀವು ಎರಡು ರೂಪಾಯಿ ಕಡಿಮೆ ದುಡಿಯಿರಿ ಆದರೆ ನಿಮ್ಮ ಊರನ್ನು ಬಿಟ್ಟು ಇಲ್ಲಿಗೆ ಬರಬೇಡಿ ಎಂದು ಇನ್ನೊಬ್ಬರು ಕಮೆಂಟ್​ ಮಾಡಿದ್ದಾರೆ.

ಮುಂಬೈನಲ್ಲಿ ತಿಂಗಳಿಗೆ ಲಕ್ಷ ದುಡಿಯುವವರಿಗೆ ನೆಟ್ಟಗೆ ಜೀವನ ನಡೆಸಲು ಸಾಧ್ಯವಾಗುವುದಿಲ್ಲ, ಈ ದಿನಗೂಲಿ ಅವರು ಏಕೆ ಇಲ್ಲಿಗೆ ಬಂದು ಅವರ ಪ್ರಾಣ ತೆಗೆದು ಕೊಳ್ಳುತ್ತಾರೆಂದು ಮತ್ತೊಬ್ಬರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ, (ಏಜನ್ಸೀಸ್​).