ಆಘಾತ ˌಕ್ರೋಧˌ ಆತಂಕ...ಕುಟುಂಬದಲ್ಲಿ ಮಹಿಳೆ ಎಷ್ಟು ಸುರಕ್ಷಿತಳು..? ಅಂಕಿ ಅಂಶ ಹೇಳೋದೇನು..? Woman safe

ವಿಶ್ವಸಂಸ್ಥೆಯ ಮಾದಕ ದ್ರವ್ಯ ಮತ್ತು ಅಪರಾಧ ಕಚೇರಿ (UNODC) ಮತ್ತು UN 2024 ರಲ್ಲಿ ಬಿಡುಗಡೆ ಮಾಡಿದ ವರದಿಯ ಪ್ರಕಾರ, ಪ್ರಪಂಚದಾದ್ಯಂತ ಸಾವಿರಾರು ಮಹಿಳೆಯರು ತಮ್ಮ ಮನೆಯವರು ಹಾಗೂ ಸಂಬಂಧಿಗಳಿಂದ ಹತ್ಯೆಗೊಳಗಾಗುತ್ತಿದ್ದಾರೆ ಎಂದು ತಿಳಿಸಿದೆ.

ಕಳೆದ ವರ್ಷ, 83,000 ಹುಡುಗಿಯರು ಕೊಲೆಯಾಗಿದ್ದಾರೆ. ಅವರಲ್ಲಿ ಶೇ. 60 ರಷ್ಟು ಮಹಿಳೆಯರು ಅವರ ಆತ್ಮೀಯ ಸಂಗಾತಿಗಳು ಅಥವಾ ಕುಟುಂಬ ಸದಸ್ಯರಿಂದ ಕೊಲ್ಲಲ್ಪಟ್ಟಿದ್ದಾರೆ. ಇದರರ್ಥ ಪ್ರತಿ 10 ನಿಮಿಷಕ್ಕೆ ಒಬ್ಬರಂತೆ ಹೆಣ್ಣನ್ನು ಬಲಿತೆಗೆದುಕೊಳ್ಳುತ್ತಿದ್ದಾರೆ. ಅಂದರೆ ಪ್ರತಿದಿನ ಸರಾಸರಿ 137 ಕೊಲೆಗಳಾಗಿವೆ ಎಂದು ದೃಢಪಡಿಸಿದ್ದಾರೆ.

ಇದಕ್ಕೆ ವ್ಯತಿರಿಕ್ತವಾಗಿ, ಅದೇ ವರ್ಷದಲ್ಲಿ ನಡೆದ ಪುರುಷ ಕೊಲೆಗಳಲ್ಲಿ ಕೇವಲ 11 ಪ್ರತಿಶತ ಮಾತ್ರ ನಿಕಟ ಪಾಲುದಾರರು ಅಥವಾ ಕುಟುಂಬ ಸದಸ್ಯರಿಂದ ಮಾಡಲ್ಪಟ್ಟಿದೆ ಎಂದು ತೋರಿಸಿದೆ. ಆದರೆ, ಮನೆಯು ಅನೇಕ ಮಹಿಳೆಯರು ಮತ್ತು ಹುಡುಗಿಯರಿಗೆ ಅಪಾಯಕಾರಿ ಮಾರಕ ಸ್ಥಳವಾಗಿದೆ ಎಂದು UNODC ಕಾರ್ಯನಿರ್ವಾಹಕ ನಿರ್ದೇಶಕ ಜಾನ್ ಬ್ರಾಂಡೊಲಿನೊ ಹೇಳಿದ್ದಾರೆ.

ಡಿಜಿಟಲ್ ಹಿಂಸೆಯನ್ನು ಆಫ್‌ಲೈನ್‌ನಲ್ಲಿಯೂ ವ್ಯಕ್ತಪಡಿಸಬಹುದು ಮತ್ತು ಕೆಲವೊಮ್ಮೆ ಸ್ತ್ರೀ ಹತ್ಯೆಯಂತಹ ಗಂಭೀರ ಪ್ರಕರಣಗಳಿಗೆ ಕಾರಣವಾಗಬಹುದು. ಇನ್ನು ಪ್ರಪಂಚದ ಪ್ರತಿಯೊಂದು ಭಾಗದಲ್ಲೂ ಮಹಿಳೆಯರು ಮತ್ತು ಹುಡುಗಿಯರು ಈ ಹಿಂಸೆಗೆ ಬಲಿಯಾಗುತ್ತಿದ್ದಾರೆ ಎಂದು ವಿಶ್ವಸಂಸ್ಥೆಯ ಮಹಿಳಾ ನೀತಿ ವಿಭಾಗದ ನಿರ್ದೇಶಕಿ ಸಾರಾ ಹೆಂಡ್ರಿಕ್ಸ್ ಮಾಹಿತಿ ನೀಡಿದ್ದಾರೆ (ಏಜೆನ್ಸೀಸ್​).

‘