ಇಂಡಿಯಾ ಟುಡೇ ವರದಿ ಪ್ರಕಾರ, ಡಿವಿಸಿ ಆಸ್ಪತ್ರೆಯಲ್ಲಿ ಬ್ರೇನ್ ಟ್ಯೂಮರ್ ಖಾಯಿಲೆಯಿಂದ ಬಳಲುತ್ತಿದ್ದ ಮಹಿಳೆಗೆ ಸರ್ಜರಿ ಮಾಡಲೇಬೇಕಿತ್ತು. ಇಲ್ಲವಾದರೆ, ಅವರ ಜೀವಕ್ಕೆ ಅಪಾಯ ಕಾದಿತ್ತು. ಈ ನಿಟ್ಟಿನಲ್ಲಿ ಆಪರೇಷನ್ಗೆ ಮುಂದಾದ ವೈದ್ಯರ ತಂಡ, ರೋಗಿಯ ಸಮಸ್ಯೆಯ ಗಂಭೀರತೆಯನ್ನು ಪರಿಶೀಲಿಸಿ, ಆಕೆಯನ್ನು ಎಚ್ಚರಿಕೆಯಲ್ಲಿರಿಸಿ ಆಪರೇಷನ್ ಮಾಡುವ ಅನಿವಾರ್ಯತೆ ಎದುರಾಯಿತು. ಈ ನಡುವೆ ರೋಗಿ ಪವನ್ ಕಲ್ಯಾಣ್ ಅವರ ಅಪ್ಪಟ ಅಭಿಮಾನಿ ಎಂಬ ಸಂಗತಿ ಗೊತ್ತಾಯಿತು. ಇದನ್ನೇ ಅಸ್ತ್ರವಾಗಿ ಬಳಸಿಕೊಂಡ ವೈದ್ಯರು, ನಮ್ಮ ಪಾಡಿಗೆ ನಾವು ಸರ್ಜರಿ ಮಾಡ್ತೀವಿ. ಈ ಮಧ್ಯೆ ನೀವು ನಿಮ್ಮ ನೆಚ್ಚಿನ ನಟನ ಸಿನಿಮಾ ನೋಡಿ ಎಂದರು. ಇದು ಆಕೆಗೆ ಭಾರೀ ಖುಷಿ ನೀಡಿತು. ಇಲ್ಲೇ ಇದ್ದದ್ದು ಕ್ಯಾಚ್.
