ಗ್ರಾಹಕಿಯಂತೆ ಪಬ್​​ಗೆ ಮಹಿಳಾ ಪೊಲೀಸ್​ ಅಧಿಕಾರಿ ಎಂಟ್ರಿ; ವೇಶ್ಯಾವಾಟಿಕೆ ದಂಧೆ ಬಯಲು, ಹಲವರು ವಶಕ್ಕೆ!..Hyderabad

Hyderabad pub raid: ರಾತ್ರಿ ಪಾಳಯದಲ್ಲಿ ಯುವತಿಯರಿಗೆ ಸಮಸ್ಯೆಯನ್ನುಂಟು ಮಾಡುವುದು ಪುಂಡರಿಗೆ ಸಾಮಾನ್ಯವಾಗಿದೆ. ಹೀಗಾಗಿ ಪೊಲೀಸರು ಮಾರು ವೇಷ ಧರಿಸಿ, ಪಬ್​, ನಡು ರಸ್ತೆಗೆ ಇಳಿದು ರಹಸ್ಯ ಕಾರ್ಯಾಚರಣೆ ನಡೆಸಿ ಆರೋಪಿಗಳನ್ನು ವಶಕ್ಕೆ ಪಡೆದುಕೊಳ್ಳುತ್ತಿದ್ದಾರೆ. ಇಂತಹ ಮಹತ್ವದ ಕೆಲಸವನ್ನು ಹೈದರಾಬಾದ್‌ನ ಹಿರಿಯ ಮಹಿಳಾ ಡಿಸಿಪಿ ಕುಕಟ್ಪಲ್ಲಿ  ರಿತಿರಾಜ್​.

ಹೌದು, ಹೈದರಾಬಾದ್​  ಸಮೀಪದ ಕುಕತ್​ಪಲ್ಲಿಯಲ್ಲಿರುವ ಪ್ರತಿಷ್ಠಿತ ಪಬ್​ಗೆ ಸಾಮಾನ್ಯ ಕುಟುಂಬದ ಹುಡುಗಿಯಂತೆ ಮಾರು ವೇಷದಲ್ಲಿ ತೆರಳಿದ್ದ ಅವರು. ಮೂರು ಗಂಟೆಗಳಲ್ಲಿ 9ಕ್ಕೂ ಹೆಚ್ಚು ಕಿಡಿಗೇಡಿಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

2018ನ ಬ್ಯಾಚ್ ತೆಲಂಗಾಣ ಕೇಡರ್ ಅಧಿಕಾರಿಯಾಗಿರುವ ಸಿಪಿ ಕುಕಟ್ಪಲ್ಲಿ ರಿತಿ ರಾಜ್, ಕ್ಲಬ್ ಮಾಸ್ತಿ ಎಂದು ಜನಪ್ರಿಯವಾಗಿರುವ ಕಿಂಗ್ಸ್ ಮತ್ತು ಕ್ವೀನ್ಸ್ ಪಬ್ ಮೇಲೆ ಅನಿರೀಕ್ಷಿತ ದಾಳಿ ನಡೆಸುವ ಬದಲಾಗಿ, ಗ್ರಾಹಕಿಯಂತೆ ಹೊಕ್ಕು ಅಲ್ಲಿ ನಡೆಯುತ್ತಿರುವ ಅನೈತಿಕ ಚಟುವಟಿಕೆ ಬಗ್ಗೆ ಮಾಹಿತಿ ಪಡೆದುಕೊಂಡರು.  ಗುಪ್ತಚರ ಮಾಹಿತಿ ದೊರೆತ ನಂತರ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದರು.

ಪೊಲೀಸರ ಪ್ರಕಾರ, ಪಬ್​ನಲ್ಲಿ ವೇಶ್ಯಾವಾಟಿಕೆಗೆ ಪಬ್ ಅನುಕೂಲ ಮಾಡಿಕೊಡುತ್ತಿತ್ತು ಎಂದು ಆರೋಪಿಸಲಾಗಿದೆ. ಮದ್ಯ ಮಾರಾಟ ಮಾಡುವ ಆವರಣಕ್ಕೆ ಅಪ್ರಾಪ್ತ ವಯಸ್ಕರು ಪ್ರವೇಶಿಸುವುದನ್ನು ತಡೆಯಲು ಸುರಕ್ಷತಾ ಕ್ರಮಗಳನ್ನು ಜಾರಿಗೆ ತರುವಲ್ಲಿ ಆಡಳಿತ ಮಂಡಳಿ ವಿಫಲವಾಗಿದೆ. ಪಬ್ ಅನುಮತಿಸಲಾದ ಸಮಯಗಳನ್ನು ಮೀರಿ ಕಾರ್ಯನಿರ್ವಹಿಸುತ್ತಿತ್ತು, ನಿಯಮಗಳನ್ನು ಉಲ್ಲಂಘಿಸಿ ಆಹಾರ ಮತ್ತು ಮದ್ಯವನ್ನು ಪೂರೈಸುತ್ತಿತ್ತು ಮತ್ತು ಮಾನ್ಯ ಪೊಲೀಸ್ ನಿರಾಕ್ಷೇಪಣಾ ಪ್ರಮಾಣಪತ್ರ (ಎನ್‌ಒಸಿ) ಇಲ್ಲದೆ ಕಾರ್ಯನಿರ್ವಹಿಸುತ್ತಿತ್ತು ಎನ್ನುವ ಆರೋಪ ಕೇಳಿ ಬಂದ ಹಿನ್ನೆಲೆ ಈ ದಾಳಿ ನಡೆಸಲಾಗಿತ್ತು. 

 ಪೊಲೀಸ್​​​ ದಾಖಲೆಗಳ ಪ್ರಕಾರ 2025 ರಲ್ಲಿ ಪಬ್​ ಮೇಲೆ ಕ್ರಿಮಿನಲ್​​ ಕೇಸ್​ ದಾಖಲಾಗಿದೆ ಎನ್ನುವ ಮಾಹಿತಿ ಇದೆ. ಇದರ ವಿರುದ್ಧ ಹಿಂದೆ ಕ್ರಮ ಕೈಗೊಂಡಿದ್ದರು ಆರೋಪಿಗಳು ಎಚ್ಚೆತ್ತುಕೊಂಡಿಲ್ಲ.  ಅನೈತಿಕ ಚಟುವಟಿಕೆಗಳನ್ನು ಮುಂದುವರೆಸಿದ್ದಾರೆ ಎಂದು ಹೇಳಲಾಗಿದೆ.

ಪೊಲೀಸ್​ ಆಯುಕ್ತೆ ಸುಮತಿಯವರು ಈ ಹಿಂದೆ ಸಹ ಇಂತದ್ದೇ ಒಂದು ಕಾರ್ಯಾಚರಣೆ ನಡೆಸಿದ್ದರು. ಮಧ್ಯರಾತ್ರಿ ಬೀದಿಗಳಲ್ಲಿ  ಮಹಿಳೆ ಎಷ್ಟು ಸುರಕ್ಷಿತವಾಗಿ ಸಂಚರಿಸಬಹುದು ಎಂದು ಕಂಡುಕೊಳ್ಳಲು ಅವರು ಮೇ 2 ರಂದು ಮಧ್ಯರಾತ್ರಿಯ ನಂತರ ದಿಲ್‌ಸುಖ್‌ನಗರದ ಬಸ್ ನಿಲ್ದಾಣದಲ್ಲಿ ಸಾಮಾನ್ಯ ಉಡುಪಿನಲ್ಲಿ ಒಬ್ಬಂಟಿಯಾಗಿ  ರಸ್ತೆಯಲ್ಲಿ ನಿಂತಿದ್ದರು. ಈ ವೇಳೆ ಅವರನ್ನು ಚುಡಾಯಿಸಲು ಬಂದ ಪುಂಡರನ್ನು ಬಂಧಿಸಿದ್ದರು. (ಏಜೆನ್ಸೀಸ್).