ಸ್ನೇಹಿತೆಯ ಕೂದಲನ್ನೇ ಕಟ್ ಮಾಡಿ ವಿಡಿಯೋ ಶೂಟ್ ಮಾಡಿದ ಯುವತಿ; ಕಾರಣ ಕೇಳಿದ್ರೆ ಶಾಕ್ ಆಗ್ತೀರಾ! Jealousy Crime

ಪೊಲೀಸರ ಪ್ರಕಾರ, ಆರೋಪಿ ಯುವತಿ ಮತ್ತು ಸಂತ್ರಸ್ತ ಯುವತಿ ಪರಸ್ಪರ ಸ್ನೇಹಿತರಾಗಿದ್ದರು. ಇತ್ತೀಚಿಗೆ ಆರೋಪಿ ಲವರ್​​ ಆಕೆಯ ಸ್ನೇಹಿತೆಯ ಕೂದಲಿನ ಸೌಂದರ್ಯದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದನು ಇದು ಅವಳಿಗೆ ತೀವ್ರ ಅಸೂಯೆ ಮತ್ತು ಆಕ್ರೋಶಕ್ಕೆ ಕಾರಣವಾಗಿತ್ತು. 

ಇದೇ ಸೇಡನ್ನು ತೀರಿಸಿಕೊಳ್ಳಲು ಹೊಂಚು ಹಾಕುತ್ತಿದ್ದ ಆರೋಪಿ ಯುವತಿ, ಸಂತ್ರಸ್ತೆಯನ್ನು ಮಾತನಾಡಿಸುವ ಸಮಯದಲ್ಲಿ ರಾತ್ರಿ 12:30ರ ಸುಮಾರಿಗೆ 3 ಸ್ನೇಹಿತೆಯರೊಂದಿಗೆ ಭೇಟಿ ಅವರ ಮನೆಗೆ ಭೇಟಿ  ನೀಡಿದ್ದಾರೆ. ನಂತರ  ಯುವತಿಯನ್ನು ಕೂಡಿಹಾಕಿ ದೈಹಿಕ ಹಿಂಸೆ ನೀಡಿದ್ದಲ್ಲದೇ ಆಕೆಯ ಉದ್ದನೆಯ ಕೂದಲನ್ನು ಕತ್ತರಿಸಿ ವಿಡಿಯೋ ಮಾಡಿಕೊಂಡಿದ್ದಾರೆ. 

ಈ ಘಟನೆಯನ್ನು ಸಂತ್ರಸ್ತೆ ವಿರೋಧಿಸಿದಾಗ ಕೂದಲನ್ನು ಕತ್ತರಿಸಿದ ವಿಡಿಯೋವನ್ನು ವೈರಲ್ ಮಾಡುವುದಾಗಿ ಯುವತಿ ಬೆದರಿಕೆ ಹಾಕಿದ್ದಾಳೆ. ನಂತರ ನೀನು ಏನೂ ಬೇಕಾದರೂ ಮಾಡು ಎಂದು ಹೇಳುತ್ತಾ ಕತ್ತರಿಸಿದ ಕೂದಲಿನ ಒಂದು ಭಾಗವನ್ನು ತನ್ನೊಂದಿಗೆ ತೆಗೆದುಕೊಂಡು ಹೋಗಿದ್ದಾಳೆ. 

ಘಟನೆಯಿಂದ ತೀವ್ರ ಆಘಾತಕ್ಕೊಳಗಾದ ಸಂತ್ರಸ್ತ ಯುವತಿ ತಕ್ಷಣವೇ ವರ್ಸೋವಾ ಪೊಲೀಸ್ ಠಾಣೆಗೆ ತೆರಳಿ ದೂರು ನೀಡಿದ್ದಾರೆ. ಪ್ರಕರಣದ ಗಾಂಭೀರ್ಯವನ್ನು ಅರಿತ ಪೊಲೀಸರು, ತಕ್ಷಣವೇ ಕಾರ್ಯಪ್ರವೃತ್ತರಾಗಿ ಮುಖ್ಯ ಆರೋಪಿ ಯುವತಿ ಸೇರಿದಂತೆ ಒಟ್ಟು ಮೂವರ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದಾರೆ.

ವರ್ಸೋವಾ ಪೊಲೀಸರು ಲೇಬಾ ಮತ್ತು ಆಕೆಯ ಇಬ್ಬರು ಸ್ನೇಹಿತರ ವಿರುದ್ಧ ಭಾರತೀಯ ನ್ಯಾಯ ಸಂಹಿತಾ ಸೆಕ್ಷನ್​ 329(3) ಮತ್ತು 329(4) ಕ್ರಿಮಿನಲ್ 351(2) ಮತ್ತು 3(5) ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ (ಏಜೆನ್ಸೀಸ್​).