ಸಾರ್ವಜನಿಕರ ಮುಂದೆಯೇ ಬೈಕ್ ಧ್ವಂಸ! ರಸ್ತೆಯಲ್ಲಿ ಯುವತಿಯ ರೌದ್ರಾವತಾರ ಕಂಡು ಬೆಚ್ಚಿ ಬಿದ್ದ ಜನ..Bike Attack

ವರದಿಗಳ ಪ್ರಕಾರ, ಯುವತಿ ಮತ್ತು ಎದುರುಗಡೆ ಬರುತ್ತಿದ್ದ ಬೈಕ್​  ನಡುವೆ ಸಣ್ಣ ಮಟ್ಟದ ಘರ್ಷಣೆ ಉಂಟಾಗಿತ್ತು. ಯಾವುದೇ ದೊಡ್ಡ ಮಟ್ಟದ ಅಪಘಾತ ಸಂಭವಿಸಿದೇ ಇದ್ದರೂ ಯುವತಿ ತೀವ್ರ ಆಕ್ರೋಶಗೊಂಡಿದ್ದಾರೆ. 

ವೈರಲ್ ಆಗಿರುವ ವೀಡಿಯೋದಲ್ಲಿ ಕಾಣುವಂತೆ, ಯುವತಿಯು ಬೈಕ್ ಸವಾರನ ಮೇಲೆ ಕಿರುಚಾಡುತ್ತಾ, ನಂತರ ಪಕ್ಕದಲ್ಲಿದ್ದ ಕಲ್ಲು ತೆಗೆದುಕೊಂಡು ಮೋಟಾರ್​ ಸೈಕಲ್​ಗೆ ಮೇಲೆ ದಾಳಿ ನಡೆಸಿ ಬೈಕಿನ ಹೆಡ್‌ಲೈಟ್, ಮಿರರ್ ಮತ್ತು ಇತರ ಭಾಗಗಳನ್ನು ಪುಡಿಪುಡಿ ಮಾಡಿದ್ದಾಳೆ. ಈ ವೇಳೆ  ಬೈಕ್ ಸವಾರ ಅವಳನ್ನು ತಡೆಯಲು ಪ್ರಯತ್ನಿಸಿದರೂ, ಆಕೆ ಮಾತ್ರ ಯಾವುದಕ್ಕೂ ಬಗ್ಗದೇ ವಾಹನದ ಮೇಲೆ ಕೋಪ ತೀರಿಸಿಕೊಂಡಿದ್ದಾರೆ. 

ಏತನ್ಮಧ್ಯೆ, ಸಾಮಾಜಿಕ ಮಾಧ್ಯಮದಲ್ಲಿ ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆಯೇ ರಾಜಸ್ಥಾನ ಪೊಲೀಸ್ ಸಹಾಯವಾಣಿಗೆ ಸಾರ್ವಜನಿಕರು ಪ್ರತಿಕ್ರಿಯಿಸಿದ್ದು, ಈ ಘಟನೆ ಕುರಿತು ಜೈಪುರ ಪೊಲೀಸರು ಪ್ರಕರಣವನ್ನು ಪರಿಶೀಲಿಸಿ, ಸ್ಥಿತಿಯ ಕುರಿತು ದಾಖಲೆಗಳನ್ನು ನೀಡುವಂತೆ ಒತ್ತಾಯಿಸಿದ್ದಾರೆ.

ಇಂತಹ ಘಟನೆಗಳು ಸಾರ್ವಜನಿಕ ನಡವಳಿಕೆ, ಹೊಣೆಗಾರಿಕೆ ಮತ್ತು ಅಂತಹ ಸಂದರ್ಭಗಳಲ್ಲಿ ಪೊಲೀಸರ ಪ್ರತಿಕ್ರಿಯೆಯ ಬಗ್ಗೆ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಅನೇಕ ಬಳಕೆದಾರರು ಈ ರೀತಿಯ ಘಟನೆಗಳನ್ನು ತಡೆಯಲು ಪೊಲೀಸರು ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ (ಏಜೆನ್ಸೀಸ್​).