2027ರ ವಿಶ್ವಕಪ್ ಆಡಲ್ವಾ ವಿರಾಟ್? ಕ್ರಿಕೆಟ್ ಲೋಕಕ್ಕೆ ಶಾಕ್ ಕೊಟ್ಟ ಕಿಂಗ್ ಕೊಹ್ಲಿಯ ಬಿಗ್ ಸ್ಟೇಟ್‌ಮೆಂಟ್! ರನ್ ಮಷೀನ್ ಕೊಟ್ಟ ಉತ್ತರಕ್ಕೆ ಬೆಚ್ಚಿಬಿದ್ದ ಫ್ಯಾನ್ಸ್! Virat Kohli on 2027 World Cup

ಈ ಬಗ್ಗೆ ಇತ್ತೀಚೆಗೆ ಆರ್‌ಸಿಬಿ ಫ್ರಾಂಚೈಸಿಯ ಅಧಿಕೃತ X ಖಾತೆಯಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ ಮಾತನಾಡಿದ ಕೊಹ್ಲಿ, ತಮ್ಮ ನಿವೃತ್ತಿ ಮತ್ತು ಮುಂದಿನ ಗುರಿಗಳ ಬಗ್ಗೆ ಮುಕ್ತವಾಗಿ ಚರ್ಚಿಸಿದ್ದಾರೆ. 2024ರ ಟಿ20 ವಿಶ್ವಕಪ್ ಗೆದ್ದ ನಂತರ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದ ಕೊಹ್ಲಿ, ಅದಕ್ಕೂ ಮುನ್ನ ಟೆಸ್ಟ್ ಕ್ರಿಕೆಟ್‌ಗೂ ನಿವೃತ್ತಿ ಘೋಷಿಸಿದ್ದರು. ಪ್ರಸ್ತುತ ಅವರು ಕೇವಲ ಏಕದಿನ ಮಾದರಿಯಲ್ಲಿ ಮಾತ್ರ ದೇಶವನ್ನು ಪ್ರತಿನಿಧಿಸುತ್ತಿದ್ದಾರೆ.

2027ರ ವಿಶ್ವಕಪ್ ಆಡುವ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ 37 ವರ್ಷದ ವಿರಾಟ್, ನನ್ನ ದೃಷ್ಟಿಕೋನ ತುಂಬಾ ಸ್ಪಷ್ಟವಾಗಿದೆ. ನಾನು ತಂಡಕ್ಕೆ ಮತ್ತು ಆ ವಾತಾವರಣಕ್ಕೆ ಏನನ್ನಾದರೂ ಕೊಡುಗೆ ನೀಡಬಲ್ಲೆ ಎಂದು ನನಗೆ ಅನ್ನಿಸಿದರೆ ಮತ್ತು ಆ ತಂಡಕ್ಕೂ ನನ್ನ ಅವಶ್ಯಕತೆ ಇದೆ ಎಂದು ಅನ್ನಿಸಿದರೆ ನಾನು ಖಂಡಿತವಾಗಿಯೂ ಆಡುತ್ತೇನೆ. ಆದರೆ, ನಾನು ನನ್ನ ಇತಿಹಾಸವನ್ನು ಮರೆತು ಪ್ರತಿ ಪಂದ್ಯದಲ್ಲೂ ನನ್ನ ಸ್ಥಾನವನ್ನು ಸಾಬೀತುಪಡಿಸಬೇಕು ಎಂಬ ಒತ್ತಡ ಹೇರಿದರೆ, ನಾನು ಅಲ್ಲಿರಲು ಬಯಸುವುದಿಲ್ಲ ಎಂದು ತಿಳಿಸಿದ್ದಾರೆ.

ಇತ್ತೀಚೆಗೆ ದೆಹಲಿ ತಂಡದ ಪರವಾಗಿ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಆಡಿದ್ದ ಕೊಹ್ಲಿ, ಎರಡು ಪಂದ್ಯಗಳಲ್ಲಿ ಒಂದು ಶತಕ ಸೇರಿದಂತೆ 208 ರನ್ ಸಿಡಿಸಿದ್ದರು. ಬೆಂಗಳೂರಿನ ಸೆಂಟರ್ ಆಫ್ ಎಕ್ಸಲೆನ್ಸ್‌ನಲ್ಲಿ ಪ್ರೇಕ್ಷಕರಿಲ್ಲದೆ ಆಡುವಾಗ ನನಗೆ ಆರಂಭದಲ್ಲಿ ಗೊಂದಲವಿತ್ತು. ಆದರೆ ಆಟದ ಮೇಲಿನ ಪ್ರೀತಿಗಾಗಿ ನಾನು ಬ್ಯಾಟ್ ಮಾಡಿದಾಗ ಮತ್ತೆ ಬಾಲ್ಯದ ದಿನಗಳು ನೆನಪಾದವು. ನಾನು ಯಾರಿಗೂ ಏನನ್ನೂ ಸಾಬೀತುಪಡಿಸಲು ಆಡುತ್ತಿಲ್ಲ, ಕೇವಲ ಕ್ರಿಕೆಟ್ ಮೇಲಿನ ಪ್ರೇಮಕ್ಕಾಗಿ ಆಡುತ್ತಿದ್ದೇನೆ ಎಂದು ಅರಿವಾಯಿತು ಎಂದಿದ್ದಾರೆ.

ತಮ್ಮ ಕ್ರಿಕೆಟ್ ಬದುಕನ್ನು ಸಾಮಾನ್ಯ ಉದ್ಯೋಗಕ್ಕೆ ಹೋಲಿಸಿದ ಕೊಹ್ಲಿ, ಒಂದು ವಾರ ಬೆಂಬಲ ನೀಡಿ, ಮುಂದಿನ ವಾರ ಸಾಮರ್ಥ್ಯವನ್ನು ಪ್ರಶ್ನಿಸುವುದು ಸರಿಯಲ್ಲ. ನಾನು ತಂಡಕ್ಕೆ ಬೇಕೋ ಬೇಡವೋ ಎಂಬುದನ್ನು ಮೊದಲ ದಿನವೇ ಸ್ಪಷ್ಟವಾಗಿ ಹೇಳಿಬಿಡಿ. ಅದನ್ನು ಬಿಟ್ಟು ಫಲಿತಾಂಶದ ಆಧಾರದ ಮೇಲೆ ನನ್ನ ಶ್ರದ್ಧೆಯನ್ನು ಅಳೆಯಬೇಡಿ. ನಾನು ದಿನದ 24 ಗಂಟೆಯೂ ಕ್ರಿಕೆಟ್ ಜೀವನವನ್ನೇ ನಡೆಸುತ್ತಿದ್ದೇನೆ. ನೀವು ಯಾವಾಗ ಕರೆದರೂ ನಾನು ಸಿದ್ಧನಿರುತ್ತೇನೆ ಎಂದು ಸವಾಲು ಹಾಕಿದ್ದಾರೆ.

ವಿರಾಟ್ ಕೊಹ್ಲಿ ಅವರ ಏಕದಿನ ಕ್ರಿಕೆಟ್ ಅಂಕಿಅಂಶಗಳು ಅವರು ಯಾಕೆ ದಿಗ್ಗಜ ಎಂಬದನ್ನು ಸಾರುತ್ತವೆ:

2026ರ ಪ್ರದರ್ಶನ: ಕೇವಲ 3 ಪಂದ್ಯಗಳಲ್ಲಿ 80ರ ಸರಾಸರಿಯಲ್ಲಿ 240 ರನ್ (1 ಶತಕ, 1 ಅರ್ಧಶತಕ).

ಐಪಿಎಲ್ ಮುಗಿದ ನಂತರ ವಿರಾಟ್ ಕೊಹ್ಲಿ ಜೂನ್ 14 ರಿಂದ ಆರಂಭವಾಗಲಿರುವ ಅಫ್ಘಾನಿಸ್ತಾನ ವಿರುದ್ಧದ ಏಕದಿನ ಸರಣಿಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 2027ರ ವಿಶ್ವಕಪ್‌ಗೆ ಇನ್ನೂ ಸಮಯವಿದ್ದರೂ, ಕೊಹ್ಲಿ ಅವರ ಈ ಹೇಳಿಕೆಗಳು ಬಿಸಿಸಿಐ ಮತ್ತು ಆಯ್ಕೆಗಾರರ ಮೇಲೆ ಒಂದು ರೀತಿಯ ಒತ್ತಡ ಹೇರಿರುವುದಂತೂ ನಿಜ,(ಏಜೆನ್ಸೀಸ್​).