ಈರುಳ್ಳಿ, ಬೆಳ್ಳುಳ್ಳಿ ವಿಚಾರಕ್ಕೆ ಡೈವರ್ಸ್!...ಈ ದಂಪತಿ ಕಥೆಯನ್ನೊಮ್ಮೆ ನೀವು ಒದಲೇಬೇಕು..Divorce

ದಂಪತಿ ಸುಮಾರು 12 ವರ್ಷಗಳ ಕಾಲ ಕಾನೂನುಬದ್ಧ ವಿಚ್ಛೇದನಕ್ಕಾಗಿ ಹೋರಾಟ ನಡೆಸಿದರು. ಈ ಪ್ರಕರಣವು ಕೌಟುಂಬಿಕ ನ್ಯಾಯಾಲಯದಿಂದ ನಂತರ ಹೈಕೋರ್ಟ್‌ಗೆ ಮುಂದುವರೆಯಿತು. ರಾಜಿ ಮಾಡಿಕೊಳ್ಳಲು ಹಲವಾರು ಪ್ರಯತ್ನಗಳು ನಡೆಸಿದರೂ, ಇಬ್ಬರು ಒಪ್ಪದ ಕಾರಣ ಗುಜರಾತ್ ಹೈಕೋರ್ಟ್ ವಿಚ್ಛೇದನವನ್ನು ನೀಡಿ, ಮದುವೆಯನ್ನು ಕೊನೆಗೊಳಿಸಿದೆ.

ಪತ್ನಿ ಸ್ವಾಮಿನಾರಾಯಣ ಪಂಥದ ಅನುಯಾಯಿಯಾಗಿದ್ದರು. ಹಾಗಾಗಿ ಆಕೆ ಬೆಳ್ಳುಳ್ಳಿ ಮತ್ತು ಈರುಳ್ಳಿಯನ್ನು ಸಂಪೂರ್ಣವಾಗಿ ಸೇವಿಸುತ್ತಿರಲಿಲ್ಲ. ಆದರೆ, ಆಕೆಯ ಅತ್ತೆ, ಮಾವ ಪತಿ ಈ ಆಹಾರವನ್ನು ಸೇವಿಸುತ್ತಿದ್ದರು. ಈ ವಿಚಾರದಿಂದ ದಾಂಪತ್ಯ ಜೀವನದಲ್ಲಿ ಪ್ರತಿನಿತ್ಯ ಜಗಳಗಳು ಪ್ರಾರಂಭವಾಗುತ್ತಿದ್ದವು. ವಾದ- ವಿವಾದ ಉಲ್ಬಣಗೊಂಡ ನಂತರ,  ಮಹಿಳೆಯು ತನ್ನ ಮಗುವಿನೊಂದಿಗೆ ಗಂಡನ ಮನೆಯನ್ನು ತೊರೆದಳು.

2013 ರಲ್ಲಿ, ಆಹಾರದ ಹೆಸರಿನಲ್ಲಿ ತನ್ನ ಹೆಂಡತಿ ಕಿರುಕುಳ ನೀಡುತ್ತಿದ್ದಾಳೆ ಎಂದು ಆರೋಪಿಸಿ ಅಹಮದಾಬಾದ್​ನ ಕೌಂಟುಂಬಿಕ ನ್ಯಾಯಾಲಯದಲ್ಲಿ ಪತಿ ವಿಚ್ಛೇಧನ ಅರ್ಜಿಯನ್ನು ಸಲ್ಲಿಸಿದ್ದರು.

2024 ರಲ್ಲಿ, ಕೌಟುಂಬಿಕ ನ್ಯಾಯಾಲಯವು ದಂಪತಿಗೆ ವಿಚ್ಛೇಧನವನ್ನು ನೀಡಿದ್ದು, ಪತಿಗೆ ತನ್ನ ಹೆಂಡತಿ ಮತ್ತು ಮಗುವಿನ ನಿರ್ವಹಣೆಗಾಗಿ ಒಂದು ಮೊತ್ತವನ್ನು ಕಂತಿನ ರೂಪದಲ್ಲಿ ಪಾವತಿಸಲು ಆದೇಶ ನೀಡಿತು.

ಆದರೆ, ಈ ಘಟನೆ ಅಲ್ಲಿಗೆ ಮುಗಿಯಲಿಲ್ಲ. ಜೀವನಾಂಶ ಆದೇಶದಿಂದ ಅತೃಪ್ತಗೊಂಡ ಪತಿ ಹೈಕೋರ್ಟ್​ ಮೆಟ್ಟಿಲೇರಿದರು. ಇದಾದ ಬಳಿಕ ಕುಟುಂಬ ನ್ಯಾಯಾಲಯದ ತೀರ್ಪಿನ ಆದೇಶವನ್ನು ಪ್ರಶ್ನಿಸಿ ಹೈಕೋರ್ಟ್​ನಲ್ಲಿ ಮನವಿ ಸಲ್ಲಿಸಿದ್ದರು. ಆದರೆ, ಈ ವಿಚಾರದಲ್ಲಿ ಹೆಂಡತಿಯಿಂದ ಯಾವುದೇ ಆಕ್ಷೇಪಣೆ ಇಲ್ಲದ ಕಾರಣ ಮದುವೆಯನ್ನು ಕೊನೆಗೊಳಿಸಲು ನಿರ್ಧಾರ ಮಾಡಿತು.

ಹೈಕೋರ್ಟ್​ನಲ್ಲಿ ನ್ಯಾಯಮೂರ್ತಿಗಳಾದ ಸಂಗೀತಾ ವಿಸೇನ್ ಮತ್ತು ನಿಶಾ ಠಾಕೋರ್ ಅವರ ದ್ವಿ ಸದಸ್ಯ ಪೀಠವು ದಂಪತಿ ವಿಚ್ಛೇಧನಕ್ಕೆ ಒಪ್ಪಿಕೊಂಡ ನಂತರ ಈ ವಿಷಯವನ್ನು ಮತ್ತಷ್ಟು ಪರಿಗಣಿಸುವ ಅಗತ್ಯವಿಲ್ಲ ಎಂದು ಹೇಳಿ ದೀರ್ಘಕಾಲದ ವಿವಾದವನ್ನು ಕೊನೆಗೊಳಿಸಿತು (ಏಜೆನ್ಸೀಸ್​).