ಗೌರವ ಮಾರಿಕೊಂಡು ಕೆಲಸ ಮಾಡಬೇಕಾ..? ರಾಜೀನಾಮೆ ಪತ್ರದ ಮೂಲಕ ಕಾರ್ಪೊರೇಟ್ ಜಗತ್ತಿನ ಕರಾಳ ಮುಖ ಬಯಲು ಮಾಡಿದ ಯುವತಿ! Corporate Life

ತನ್ನ ವಿವರವಾದ ಟಿಪ್ಪಣಿಯಲ್ಲಿ, ಯುವತಿ ತನ್ನ ಅನುಭವಗಳನ್ನು ವಿವರಿಸಿದ್ದಾಳೆ. ನಾನು ಕಂಪನಿಯಲ್ಲಿ ಸುಮಾರು 2 ವರ್ಷ ಏಳು ತಿಂಗಳು ಕೆಲಸ ಮಾಡಿ ಒಳ್ಳೆಯ ಹೆಸರನ್ನು ಗಳಿಸಿದ್ದೇನೆ. ಆದರೆ, ಅಧಿಕೃತ ಕೆಲಸದ ಸಮಯದ ನಂತರ ಹೆಚ್ಚುವರಿ ಗಂಟೆಗಳ ಕಾಲ ಕೆಲಸ ಮಾಡಲು ಕೇಳಿದಾಗ ಸಮಸ್ಯೆಗಳು ಪ್ರಾರಂಭವಾದವು. ಈ ವೇಳೆ ಬಾಸ್​ ನೂರಾರು ಉದ್ಯೋಗಿಗಳ ಮುಂದೆ ನನ್ನನ್ನು ಅವಮಾನಿಸಿದನು ಎಂದು ಆರೋಪಿಸಿದ್ದಾರೆ.

ದ್ರೌಪದಿ ಕೆಲಸದ ಸ್ಥಳದಲ್ಲಿ ತನಗಾದ ಕಹಿ ಅನುಭವದ ಬಗ್ಗೆ ಅತ್ಯಂತ ವೃತ್ತಿಪರವಾಗಿ ತನ್ನ ಕಳವಳಗಳನ್ನು ಮೇಲಧಿಕಾರಿಗಳ ಮುಂದೆ ವ್ಯಕ್ತಪಡಿಸಿದ್ದರು. ಅಷ್ಟೇ ಅಲ್ಲದೆ, ತನಗಾದ ಅವಮಾನಕ್ಕೆ ಸಂಬಂಧಿಸಿದಂತೆ ಅಧಿಕಾರಿಗಳಿಂದ ಕ್ಷಮೆಯಾಚಿಸಬೇಕು ಎಂದು ಕೋರಿದ್ದರು. ಆದರೆ, ಅಧಿಕಾರಿಗಳು ತಮ್ಮ ತಪ್ಪನ್ನು ಒಪ್ಪಿಕೊಳ್ಳಲು ಸಿದ್ಧರಿರಲಿಲ್ಲ ಹಾಗಾಗಿ ಕೆಲಸಕ್ಕೆ ರಾಜಿನಾಮೆ ನೀಡಲು ನಿರ್ಧರಿಸಿದೆ ಎಂದು ಹೇಳಿದರು.

ಇತ್ತೀಚಿನ ದಿನಗಳಲ್ಲಿ ಜನರು ಕೃತಕ ಪರಿಪೂರ್ಣತೆಯಿಂದ ಬೇಸತ್ತಿದ್ದಾರೆ. ಅದಕ್ಕಾಗಿಯೇ ಜನರಲ್ ಸಿ ಸೃಷ್ಟಿಕರ್ತರು ಹೆಚ್ಚು ಬೆಳೆಯುತ್ತಿದ್ದಾರೆ. ಆದಾಗ್ಯೂ, ಇಂದು ಸಮಾಜವು ಬಯಸುವುದು ಪ್ರಾಮಾಣಿಕತೆ, ಪ್ರತ್ಯೇಕತೆ ಮತ್ತು ಮಾನವೀಯತೆ. ಇಂದಿನ ಪೀಳಿಗೆ ಕೆಲಸಕ್ಕಾಗಿ ತಮ್ಮ ಘನತೆ ಮತ್ತು ಗೌರವವನ್ನು ಒತ್ತೆ ಇಡಲು ಬಯಸುವುದಿಲ್ಲ ಎಂದು ಪೋಸ್ಟ್​ನಲ್ಲಿ ಹಂಚಿಕೊಂಡಿದ್ದಾರೆ.

ಈ ಪೋಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಶಿಸ್ತು ಮತ್ತು ವೃತ್ತಿಪರತೆಯ ಹೆಸರಿನಲ್ಲಿ ಭಾರತೀಯ ಕಚೇರಿಗಳು ದುರ್ವರ್ತನೆಯ ವಿರುದ್ಧ ಯುವತಿ ಮಾತನಾಡಿದಕ್ಕಾಗಿ ಅನೇಕರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

ಅನೇಕರು ವೇತನ ರಹಿತ ಓವರ್‌ಟೈಮ್ ಕೆಲಸ ಮತ್ತು ಸಾರ್ವಜನಿಕವಾಗಿ ನಿಂದನೆ ಮತ್ತು ಅವಮಾನವನ್ನು ತಮ್ಮ ಅನುಭವಗಳಿಗೆ ಜೋಡಿಸಿದ್ದಾರೆ. ಆದಾಗ್ಯೂ, ಸಾಮಾಜಿಕ ಮಾದ್ಯಮದಲ್ಲಿ ಇಂತಹ ವಿಚಾರಗಳನ್ನು ಹಂಚಿಕೊಂಡರೆ ಏನಾದರೂ ಬದಲಾಗುತ್ತದೆಯೇ ಎಂದು ಅನೇಕರು ಪ್ರತಿಕ್ರಿಯಿಸಿದ್ದಾರೆ (ಏಜೆನ್ಸೀಸ್​).