ಭಿಕ್ಷುಕನಾಗಿ ಸಮಯ ಕಳೆದ ಬಗ್ಗೆ ಶಾಸಕರ ಮಾತು
ನನ್ನನ್ನು ಭೇಟಿಯಾಗಲು ಸಾಲು ನಿಲ್ಲುವ ಜನ, ನಾನು ಅವರ ಬಳಿ ಅಂಗಲಾಚಿ ಹಣ ಕೇಳುವಾಗ ಮಾನವೀಯತೆಯಿಂದ ಹಣ ಕೊಟ್ಟರು. ಒಬ್ಬರು ಏನಾದರೂ ತಿನ್ನಿ ಬಾಬಾ ಎಂದು 20 ರೂ. ಕೊಟ್ಟರು. ಜನರು ನಂಗಿಂತ ದೊಡ್ಡವರಾದರು. ಹಾಗಾಗಿ, ಅದೇ ಜೀವನದ ವಾಸ್ತವಿಕತೆ. ಈ ಘಟನೆಯು ಮುಂಬೈ ಜನತೆಯ ಸಹಾಯ ಮಾಡುವ ಗುಣವನ್ನು ನನಗೆ ತೋರ್ಪಡಿಸಿದೆ.
ಸಹಾಯ ಮನಸ್ಥಿತಿ ಉಳ್ಳವರು
'ಒಬ್ಬರು ನನಗೆ 'ಹೋಗು ಬಾಬಾ, ಊಟ ಮಾಡು' ಎಂದು 20 ರೂ. ನೀಡಿದರು. ಅಲ್ಲಿ ಒಬ್ಬ ಸಮೋಸಾ ಮಾರಾಟಗಾರನಿದ್ದ. ನಾನು ಆತನ ಬಳಿ ಹೋಗಿ ಸಮೋಸಾ ಕೇಳಿದೆ, ಆತ ಯಾವುದೇ ಹಣ ಪಡೆಯದೆ ಸಮೋಸಾ ನೀಡಿದ. ಮುಂಬೈ ನಗರದ ಜನತೆ ಪರಸ್ಪರ ಸಹಾಯ ಮಾಡಲು ಯಾವಾಗಲೂ ಸಿದ್ಧರಿರುತ್ತಾರೆ ಎಂಬುದನ್ನು ನಾನು ಕಂಡುಕೊಂಡೆ' ಎಂದು ಶಾ ವಿವರಿಸಿದರು.
'ನನ್ನ ಬಳಿ ಹಣವಿಲ್ಲ ಎಂದು ಸಮೋಸಾ ಮಾರಾಟಗಾರನಿಗೆ ಹೇಳಿದಾಗ, ಆತ ಮುಖವನ್ನು ಸಿಂಡರಿಸಿಕೊಳ್ಳದೆ ನಗುತ್ತಲೇ ಸಮೋಸಾ ನೀಡಿದ - ಆ ವ್ಯಕ್ತಿ ಬಹಳ ಸಣ್ಣ, ಬಡ ವ್ಯಾಪಾರಿ, ಆದರೂ ಒಮ್ಮೆಯೂ ಮುಖ ಸಿಂಡರಿಸಿಕೊಳ್ಳದೆ ಸಮೋಸಾ ಕೊಟ್ಟರು' ಎಂದು ಅವರು ತಿಳಿಸಿದರು.
ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಸಕ್ರಿಯವಾಗಿರುವ ಪರಾಗ್ ಶಾ, ಭಿಕ್ಷೆ ಬೇಡುವುದು ಮಾತ್ರವಲ್ಲದೆ, ತಮಗೆ ಸಿಕ್ಕ ಆಹಾರವನ್ನು ಸೇವಿಸಿದರು ಮತ್ತು ಭಿಕ್ಷುಕನಂತೆ ರಸ್ತೆ ಬದಿ ಕುಳಿತರು. ನಂತರ ತಮ್ಮ ಅನುಭವವನ್ನು ಗುರುವಿಗೆ ಹಾಗೂ ಇತರರಿಗೆ ವಿವರಿಸಿದರು. ಮೇಕಪ್ ತೆಗೆದ ಬಳಿಕ ಶಾ ಅವರು ಭಿಕ್ಷುಕನ ವೇಷದಲ್ಲಿ ತಾವು ಭೇಟಿ ನೀಡಿದ್ದ ಕೆಲವು ಸ್ಥಳಗಳಿಗೆ ಮರುಭೇಟಿ ನೀಡಿ, ಅದೇ ಜನರೊಂದಿಗೆ ಮಾತನಾಡಿದರು.
3,383 ಕೋಟಿ ರೂ,ಗೂ ಹೆಚ್ಚು ಆಸ್ತಿ
ಪರಾಗ್ ಶಾ ಅವರು ತಮ್ಮ ಅಪಾರ ಸಂಪತ್ತಿಗೆ ಹೆಸರುವಾಸಿಯಾಗಿದ್ದಾರೆ. 2024ರ ಮಹಾರಾಷ್ಟ್ರ ವಿಧಾನಸಭೆ ಚುನಾವಣೆಯಲ್ಲಿ ಸಲ್ಲಿಸಿದ ಚುನಾವಣಾ ಆಪಾದನಾ ಪತ್ರದಲ್ಲಿಅವರು 3,383 ಕೋಟಿ ರೂ.ಗಳಿಗೂ ಅಧಿಕ ಆಸ್ತಿಯನ್ನು ಘೋಷಿಸಿಕೊಂಡಿದ್ದರು. ಆ ಮೂಲಕ ಅವರು ಆ ಸಮಯದಲ್ಲಿ ರಾಜ್ಯದ ಅತ್ಯಂತ ಶ್ರೀಮಂತ ಅಭ್ಯರ್ಥಿಯಾಗಿದ್ದರು, (ಏಜೆನ್ಸೀಸ್).
