ರೈಲ್​ ಒನ್​ ಅಥವಾ IRCTC? ತತ್ಕಾಲ್​ ಟಿಕೆಟ್​ ಬುಕ್ಕಿಂಗ್​ಗೆ ಈ ಎರಡರಲ್ಲಿ ಯಾವುದು ಬೆಸ್ಟ್​? ಇಲ್ಲಿದೆ ಮಾಹಿತಿ ​

IRCTC vs RailOne: ಸಾಮಾನ್ಯವಾಗಿ ಜನರು ರೈಲು ಟಿಕೆಟ್​ಗಳ ಬುಕ್ಕಿಂಗ್​ಗೆ ಬಹಳ ಪರದಾಡುತ್ತಾರೆ. ಆನ್​ಲೈನ್​ ರೈಲ್ವೆ ಟಿಕೆಟ್​ ಬುಕ್ಕಿಂಗ್​ ಆ್ಯಪ್​ಗಳು ಪ್ರಯಾಣಿಕರಿಗೆ ಇನ್ನೂ ವೇಗದಲ್ಲಿ ಸೇವೆಗಳನ್ನು ನೀಡುತ್ತಿದ್ದು, ಮುಂಗಡ ಬುಕ್ಕಿಂಗ್​ ಅಥವಾ ತತ್ಕಾಲ್ ಟಿಕೆಟ್​ಗಳನ್ನು ಸುಲಭವಾಗಿ ಖರೀದಿಸಲು ಹೆಚ್ಚು ಅನುಕೂಲ ಮಾಡಿಕೊಟ್ಟಿದೆ. ಹೀಗಿರುವಾಗ, ಐಆರ್​ಸಿಟಿಸಿ ಮತ್ತು ರೈಲ್​ ಓನ್​ ಆ್ಯಪ್​ಗಳ ಮಧ್ಯೆ ಯಾವುದು ಬೆಸ್ಟ್​? ಎಂಬ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಈ ಹಿಂದೆ, ಟಿಕೆಟ್​ಗಳನ್ನು ಬುಕಿಂಗ್ ಮಾಡಬೇಕು ಎಂದರೆ, ಸರತಿ ಸಾಲಿನಲ್ಲಿ ನಿಂತು ಜನರೊಂದಿಗೆ ನೂಕಾಟ ಮಾಡಿಕೊಳ್ಳಬೇಕಿತ್ತು. ಮತ್ತು ಸಾಕಷ್ಟು ಸಮಯ ಬೇಕಿತ್ತು. ಆದರೀಗ, ಡಿಜಿಟಲ್​ ಯುಗದಲ್ಲಿ ಎಲ್ಲವೂ ಸರಳ, ಸುಗುಮವಾಗಿದೆ. ಬುಕ್ಕಿಂಗ್​ ಮಾಡಿದ ಕೆಲವೇ ನಿಮಿಷಗಳಲ್ಲಿ ಸೀಟುಗಳು ಭರ್ತಿ ಆಗುತ್ತವೆ. ಹೀಗಾಗಿಯೇ, ಅನೇಕ ಪ್ರಯಾಣಿಕರು, ಆನ್​ಲೈನ್​ ಬುಕ್ಕಿಂಗ್​ ಆ್ಯಪ್​ಗಳ ಮೂಲಕ ಕ್ಷಣಮಾತ್ರದಲ್ಲಿ ತಮಗೆ ಬೇಕಾದ ಸೀಟುಗಳನ್ನು ಬುಕ್ ಮಾಡುತ್ತಾರೆ. ಹೀಗಿರುವಾಗ, ಕೆಲವರಿಗೆ IRCTC ಮತ್ತು RailOne ಅಪ್ಲಿಕೇಶನ್ ಪೈಕಿ ಯಾವುದು ಸ್ಪೀಡ್​ ಹಾಗೂ ಉತ್ತಮ ಎಂಬ ಗೊಂದಲಗಳಿವೆ.

ತುರ್ತು ಪ್ರಯಾಣದ ಸಮಯದಲ್ಲಿ ತತ್ಕಾಲ್ ಟಿಕೆಟ್‌ಗಳು ಅನೇಕರಿಗೆ ಹೆಚ್ಚು ಉಪಯುಕ್ತವಾಗಿವೆ. ಆದಾಗ್ಯೂ, ಈ ಟಿಕೆಟ್ ಪಡೆಯಲು, ಬುಕಿಂಗ್ ಅನ್ನು ತ್ವರಿತವಾಗಿ ಪೂರ್ಣಗೊಳಿಸಬೇಕು. ಈ ನಿಟ್ಟಿನಲ್ಲಿ, ಅಧಿಕೃತ ರೈಲ್ವೆ ಟಿಕೆಟಿಂಗ್ ಪ್ಲಾಟ್‌ಫಾರ್ಮ್ ಆದ ಐಆರ್​ಸಿಟಿಸಿ ಉತ್ತಮ ಎಂದು ಹಲವರು ಭಾವಿಸುತ್ತಾರೆ. ಇದಕ್ಕೆ ಇಲ್ಲಿವೆ ಒಂದಷ್ಟು ವ್ಯತ್ಯಾಸಗಳು.

ಇದು ಭಾರತೀಯ ರೈಲ್ವೆಯ ಅಧಿಕೃತ ಆನ್‌ಲೈನ್ ಟಿಕೆಟ್ ಬುಕಿಂಗ್ ವ್ಯವಸ್ಥೆಯಾಗಿದೆ. ಇಂದಿಗೂ ದೇಶಾದ್ಯಂತ ಕೋಟ್ಯಂತರ ಪ್ರಯಾಣಿಕರು ಇದನ್ನೇ ಬಳಸುತ್ತಾರೆ. ಇದು ನೇರವಾಗಿ ರೈಲ್ವೆ ಮೀಸಲಾತಿ ವ್ಯವಸ್ಥೆಗೆ ಸಂಪರ್ಕ ಹೊಂದಿದೆ. ಆದ್ದರಿಂದ, ಟಿಕೆಟ್ ಲಭ್ಯತೆ, ಸೀಟು ಹಂಚಿಕೆ, ಪೇಮೆಂಟ್​ ಪ್ರಕ್ರಿಯೆ ಇತ್ಯಾದಿಗಳನ್ನು ವೇಗವಾಗಿ ಮಾಡಲಾಗುತ್ತದೆ. ತತ್ಕಾಲ್ ಬುಕಿಂಗ್ ಸಮಯದಲ್ಲಿ ಭಾರಿ ದಟ್ಟಣೆಯಾದರೂ ಸುಗಮ ಸೇವೆಗಳನ್ನು ಒದಗಿಸುವಲ್ಲಿ IRCTC ತನ್ನ ಸರ್ವರ್‌ ಮತ್ತು ಟೆಕ್ನಿಕಲ್​ ವ್ಯವಸ್ಥೆಗಳನ್ನು ಆಗಾಗ್ಗೆ ಅಪ್ಟೇಟ್​ ಮಾಡುತ್ತಿರುತ್ತದೆ.

ರೈಲ್ವೆಗೆ ಸಂಬಂಧಿಸಿದ ಎಲ್ಲಾ ಸೇವೆಗಳನ್ನು ಒಂದೇ ಸ್ಥಳದಲ್ಲಿ ಒದಗಿಸುವ ಗುರಿಯೊಂದಿಗೆ 'ರೈಲ್ ಒನ್' ಅಪ್ಲಿಕೇಶನ್ ಅನ್ನು ನೂತನವಾಗಿ ಜಾರಿಗೊಳಿಸಲಾಗಿದೆ. ಇದು ಟಿಕೆಟ್ ಬುಕಿಂಗ್ ಜೊತೆಗೆ ರೈಲು ಮಾಹಿತಿ, ಸೇವಾ ವಿವರಗಳು ಮತ್ತು ಇತರ ಸೌಲಭ್ಯಗಳನ್ನು ಹಿಂದಿಗಿಂತ ವೇಗವಾಗಿ ಒದಗಿಸುತ್ತದೆ. ಈ ಅಪ್ಲಿಕೇಶನ್ ಬಳಕೆದಾರ ಸ್ನೇಹಿ ಇಂಟರ್ಫೇಸ್ ಆಗಿದೆ. ಎಲ್ಲ ರೈಲ್ವೆ ಸೇವೆಗಳನ್ನು ಒಂದೇ ಅಪ್ಲಿಕೇಶನ್‌ನಲ್ಲಿ ಬಳಸಲು ಬಯಸುವವರಿಗೆ ಇದು ಸೂಕ್ತ.

ತತ್ಕಾಲ್ ಟಿಕೆಟ್ ಬುಕಿಂಗ್‌ಗೆ ಐಆರ್​ಸಿಟಿಸಿ ಆ್ಯಪ್​ ಉತ್ತಮ ಎನ್ನಲಾಗಿದೆ. ಕಾರಣ, ಇದು ರೈಲ್ವೆ ಮೀಸಲಾತಿ ವ್ಯವಸ್ಥೆಗೆ ನೇರವಾಗಿ ಸಂಪರ್ಕ ಹೊಂದಿದೆ. ಮತ್ತೊಂದೆಡೆ, 'ರೈಲ್ ಒನ್‌'ನಂತಹ ಇತರ ಅಪ್ಲಿಕೇಶನ್‌ಗಳು IRCTC ವ್ಯವಸ್ಥೆಯ ಮೂಲಕ ಮಾಹಿತಿಯನ್ನು ಪಡೆಯುತ್ತವೆ. ಈ ಪ್ರಕ್ರಿಯೆಯಲ್ಲಿ ಸ್ವಲ್ಪ ಸಮಯ ವಿಳಂಬ ಆಗಬಹುದು. ತತ್ಕಾಲ್ ಬುಕಿಂಗ್‌ನಲ್ಲಿ ಪ್ರತಿ ಸೆಕೆಂಡ್​ ಕೂಡ ಬಹಳ ಮುಖ್ಯ. ಹೀಗಾಗಿ, ಅನೇಕ ಪ್ರಯಾಣಿಕರು ಈ ಅಪ್ಲಿಕೇಶನ್ ಅನ್ನು ನೇರವಾಗಿ ಬಳಸಲು ಬಯಸುತ್ತಾರೆ.

ರೈಲ್ ಒನ್ ಅಪ್ಲಿಕೇಶನ್ ಎಲ್ಲಾ ರೈಲ್ವೆ ಸೇವೆಗಳಿಗೆ ಉತ್ತಮ ಆಯ್ಕೆಯಾಗಿದ್ದರೂ, ತತ್ಕಾಲ್ ಟಿಕೆಟ್ ಬುಕಿಂಗ್‌ನಲ್ಲಿ ವೇಗ ಮತ್ತು ನೇರ ಸಂಪರ್ಕದ ವಿಷಯದಲ್ಲಿ, ಐಆರ್​ಸಿಟಿಸಿ ಹೆಚ್ಚಿನ ಆದ್ಯತೆಯನ್ನು ಹೊಂದಿದೆ,(ಏಜೆನ್ಸೀಸ್).