ಹೊಸ ಕಾರು ಖರೀದಿಯ ಭರದಲ್ಲಿ ಈ 1% TCS ಮರಿಬೇಡಿ! ನಿಮ್ಮ ಹಣ ಹಿಂಪಡೆಯುವ ಪ್ರಕ್ರಿಯೆ ಬಗ್ಗೆ ಇಲ್ಲಿದೆ ಕಂಪ್ಲೀಟ್​ ಮಾಹಿತಿ

TCS Tax: ನೀವು ಪ್ರಸಕ್ತ ವರ್ಷದಲ್ಲಿ 10 ಲಕ್ಷ ರೂ.ಗಿಂತ ಹೆಚ್ಚಿನ ಮೌಲ್ಯದ ಕಾರನ್ನು ಖರೀದಿ ಮಾಡಿದ್ದರೆ ಅಥವಾ ಕೊಳ್ಳುವ ಪ್ಲ್ಯಾನ್ ಇದ್ದರೆ, ಖಂಡಿತ ಈ ಶೇ.1ರಷ್ಟು ಟಿಸಿಎಸ್​ ಬಗ್ಗೆ ಮಾಹಿತಿಯನ್ನು ತಿಳಿದುಕೊಳ್ಳಿ. ಶೋರೂಂನಲ್ಲಿ ಲಕ್ಸುರಿ ಕಾರು ಖರೀದಿಸಿದ ಬಳಿಕ ಬಿಲ್‌ನಲ್ಲಿ ಇನ್ನೂ ಒಂದು ಪರ್ಸೆಂಟ್ ಟಿಸಿಎಸ್ ಇರುವುದನ್ನು ಎಂದಾದರೂ ಗಮನಿಸಿದ್ದೀರಾ?

ಹೊಸ ಕಾರನ್ನು ಖರೀದಿಸುವ ಸಮಯದಲ್ಲಿ ನೀವು ಪಾವತಿಸಿದ ಶೇ.1ರಷ್ಟು ಟಿಸಿಎಸ್​ ಅನ್ನು ನಿಮ್ಮ ಹೆಸರಿನಲ್ಲಿ ಸರ್ಕಾರದಲ್ಲಿ ತೆರಿಗೆ ಕ್ರೆಡಿಟ್ ಆಗಿ ರಿಜಿಸ್ಟರ್ ಆಗಿರುತ್ತದೆ. ಅದೇನೆಂದರೆ, ಇದು ಹೆಚ್ಚುವರಿ ತೆರಿಗೆಯಲ್ಲ ಎಂಬುದು ನೆನಪಿರಲಿ. ಐಟಿಆರ್ ಸಲ್ಲಿಸುವಾಗ ನೀವು ಆದಾಯ ತೆರಿಗೆಯಲ್ಲಿ ಇದನ್ನು ಸೇರಿಸಿ ಹಣ ಹಿಂಪಡೆಯುಬಹುದು. ಪಾವತಿಸಿದ ಟಿಸಿಎಸ್​ ನಿಮ್ಮ ತೆರಿಗೆ ಬಾಧ್ಯತೆಗಿಂತ ಹೆಚ್ಚಿದ್ದರೆ, ನೀವು ಉಳಿದ ಮೊತ್ತವನ್ನು ಮರುಪಾವತಿಯಾಗಿ ಪಡೆಯಬಹುದಾಗಿದೆ. ಆದರೆ, ಅನೇಕರಿಗೆ ಇದು ತಿಳಿದಿಲ್ಲ ಮತ್ತು ಸಾವಿರಾರು ರೂಪಾಯಿ ತೆರಿಗೆ ಹಣವನ್ನು ಕ್ಲೈಮ್ ಮಾಡದೆ ಸುಖಾಸುಮ್ಮನೆ ಸರ್ಕಾರದ ಪಾಲಾಗಿಸುತ್ತಾರೆ.

ಆದಾಯ ತೆರಿಗೆ ಕಾಯ್ದೆಯ ಪ್ರಕಾರ, ಆಯಾ ಕಾರು ಸಂಸ್ಥೆಯ ಡೀಲರ್​ಗಳು ಎಕ್ಸ್ ಶೋ ರೂಂ ಬೆಲೆ 10 ಲಕ್ಷ ರೂ. ಮೇಲ್ಪಟ್ಟಿರುವ ಹೊಸ ಕಾರನ್ನು ಖರೀದಿಸುವ ಗ್ರಾಹಕರಿಂದ ಶೇ.1ರಷ್ಟು ಟಿಸಿಎಸ್​ ಅನ್ನು ತೆರಿಗೆಯಾಗಿ ಪಡೆಯುತ್ತಾರೆ. ಅದೇ ಕಾರಿನ ಎಕ್ಸ್ ಶೋ ರೂಂ ಬೆಲೆ 20 ಲಕ್ಷ ರೂ. ಆಗಿದ್ದರೆ, ಅದಕ್ಕೂ ಶೇ.1ರಷ್ಟು ಟಿಸಿಎಸ್ ಕಟ್​ ಆಗುತ್ತದೆ. ಈ ಮೊತ್ತವನ್ನು ವಿತರಕರು ಆದಾಯ ತೆರಿಗೆ ಇಲಾಖೆಗೆ ಕಳುಹಿಸಿ, ಖರೀದಿದಾರರ ಪ್ಯಾನ್ ಕಾರ್ಡ್‌ಗೆ ಜೋಡಣೆ ಮಾಡಿರುತ್ತಾರೆ.

ಹೆಚ್ಚಿನ ಮೌಲ್ಯದ ಖರೀದಿಗಳನ್ನು ಟ್ರ್ಯಾಕ್ ಮಾಡುವುದು ತೆರಿಗೆದಾರರ ವಿವರಗಳನ್ನು ಸ್ಪಾಟ್​ನಲ್ಲಿ ರಿಜಿಸ್ಟರ್​ ಮಾಡಲಾಗುತ್ತದೆ. ಇದು ತೆರಿಗೆ ವಂಚನೆಗೆ ಬ್ರೇಕ್​ ಹಾಕುತ್ತದೆ. ಟಿಸಿಎಸ್ ಶಾಶ್ವತ ತೆರಿಗೆ ಅಲ್ಲ ಎಂಬುದು ನಿಮಗೆ ನೆನಪಿರಲಿ. ನೀವು ಕಟ್ಟಿದ ಈ ತೆರಿಗೆಯನ್ನು ಹಣದ ರೂಪದಲ್ಲಿ ಐಟಿಆರ್‌ ಮೂಲಕ ವಾಪಾಸ್​ ಪಡೆಯಲು ಅವಕಾಶವಿದೆ. ಆದ್ರೆ, ಬಹುತೇಕ ಗ್ರಾಹಕರು ತಾವೇ ಕಟ್ಟಿದ ಹಣವನ್ನು ಹಿಂಪಡೆಯಲು ಮರೆಯುತ್ತಾರೆ.

ಒಮ್ಮೆ ಟಿಸಿಎಸ್​ ಅನ್ನು ಕ್ರೆಡಿಟ್ ಮಾಡಿದ ನಂತರ, ಸಂಪೂರ್ಣ ಪ್ರಕ್ರಿಯೆಯು ವಾರ್ಷಿಕ ಮಾಹಿತಿ ಹೇಳಿಕೆಯಲ್ಲಿ (AIS) ಅಂದರೆ ಫಾರ್ಮ್ 26ASನಲ್ಲಿ ಗೋಚರಿಸುತ್ತದೆ. ಐಟಿಆರ್ ಸಲ್ಲಿಸುವಾಗ ಈ ಮೊತ್ತವನ್ನು 'ತೆರಿಗೆಗಳು ಪಾವತಿಸಲಾಗಿದೆ' ವಿಭಾಗದಲ್ಲಿ ಕ್ಲೈಮ್ ಮಾಡಬೇಕು. ಆದಾಯ ತೆರಿಗೆ ಪೋರ್ಟಲ್ ಆಟೋಮೆಟಿಕ್​ ಆಗಿ ನಿಮ್ಮ ಅಂತಿಮ ತೆರಿಗೆಯನ್ನು ಸರಿಹೊಂದಿಸುತ್ತದೆ.

ಟಿಸಿಎಸ್​ ಕ್ಲೈಮ್ ಮಾಡಲು, ಈ ಕೆಳಗಿನ ದಾಖಲೆಗಳನ್ನು ಮುಂಚಿತವಾಗಿಯೇ ರೆಡಿ ಇಟ್ಟುಕೊಳ್ಳಿ:

ಕಾರಿನ ಬೆಲೆ: 12 ಲಕ್ಷ ರೂ.

ಟಿಸಿಎಸ್: 12,000 ರೂ.

ಒಟ್ಟು ಆದಾಯ ತೆರಿಗೆ: 20,000 ರೂ.

20,000 - 12,000 = 8,000 ರೂ.

ಅಲ್ಲಿಗೆ ನಿಮ್ಮೆ ಖಾತೆಗೆ ಜಮೆ ಆಗುವ ಮೊತ್ತ 8 ಸಾವಿರ ರೂ.

ಕಾರಿನ ಬೆಲೆ: 20 ಲಕ್ಷ ರೂ.

ಟಿಸಿಎಸ್: 20,000 ರೂ.

ಅಂತಿಮ ತೆರಿಗೆ ಬಾಕಿ: 8,000 ರೂ.

20,000- 8,000 =12,000 ರೀಫಂಡ್​

ಕಾರಿನ ಬೆಲೆ: 25 ಲಕ್ಷ ರೂ.

ಟಿಸಿಎಸ್: 25,000 ರೂ.

ಆದಾಯ ತೆರಿಗೆ ಬಾಕಿ: ಶೂನ್ಯ

25,000 –0 = 25,000 ಕಂಪ್ಲೀಟ್​ ರೀಫಂಡ್​

ಮರುಪಾವತಿಯು ನಿಮ್ಮ ಒಟ್ಟು ಆದಾಯ ತೆರಿಗೆಯ ಮೇಲೆ ಆಧಾರಿತ. ಟಿಸಿಎಸ್​ ತೆರಿಗೆಯು ಅಧಿಕವಾಗಿದ್ದರೆ, ಉಳಿದ ಮೊತ್ತವನ್ನು ರೀಫಂಡ್​ ಆಗುತ್ತದೆ. ಟಿಸಿಎಸ್ ಟ್ಯಾಕ್ಸ್​ ಕಡಿಮೆಯಿದ್ದರೆ, ಟಿಸಿಎಸ್ ಅನ್ನು ಸರಿಹೊಂದಿಸಬೇಕು ಮತ್ತು ಉಳಿದ ತೆರಿಗೆಯನ್ನು ಮಾತ್ರ ಕಟ್ಟಬೇಕು. ಯಾವುದೇ ತೆರಿಗೆ ಇಲ್ಲದಿದ್ದರೆ, ನೀವು ಪೇಮೆಂಟ್ ಮಾಡಿದ ಟಿಸಿಎಸ್​ನ ಶೇ.100ರಷ್ಟು ಮರುಪಾವತಿಯನ್ನು ಪಡೆಯಬಹುದು.

ತಜ್ಞರ ಪ್ರಕಾರ, ಅನೇಕರು ಈ ಕ್ರೆಡಿಟ್ ಅನ್ನು ಕಳೆದುಕೊಳ್ಳಲು ಮುಖ್ಯ ಕಾರಣಗಳು ಹೀಗಿವೆ.

ಡೀಲರ್‌ನಿಂದ ಫಾರ್ಮ್ 27D ಪಡೆಯಲು ವಿಫಲ