ಮಹಾಕುಂಭಮೇಳದ IIT ಬಾಬಾ ಈಗ ಗೃಹಸ್ಥ; ಸನ್ಯಾಸಿಯಾಗಿದ್ದ ಅಭಯ್​ ಸಿಂಗ್​ಗೆ ಬೆಂಗಳೂರಿನ ಟೆಕ್ಕಿ ಜೊತೆ ಪ್ರೇಮವಾಗಿದ್ದೇಗೆ?..IIT Baba

ಬಾಂಬೆ ಐಐಟಿಯಲ್ಲಿ ಉನ್ನತ ಶಿಕ್ಷಣ, ಕೆನಾಡದಲ್ಲಿ ಲಕ್ಷ ಲಕ್ಷ ಸಂಬಳ..ಎಲ್ಲ ತೊರೆದು ಜೀವನ ಎಂದರೇನು ಎಂದು ಹುಡುಕುತ್ತಾ ಬಂದ ಅಭಯ್​ ಸಿಂಗ್​ಗೆ ಆಕರ್ಷಣೆಯಾಗಿದ್ದು ಆಧ್ಯಾತ್ಮದತ್ತ. ಉದ್ಯೋಗ, ಕುಟುಂಬ, ಪ್ರೀತಿ ತೊರೆದ ಈತ ಸನ್ಯಾಸಿ ದೀಕ್ಷೆ ಪಡೆದು ಅಭಯ್​ ಬದಲಾಗಿ ಐಐಟಿ ಬಾಬಾನಾದ. ಸದ್ಯ ಈಗ ಸಂಸಾರದ ನೌಕೆ ಹೊತ್ತಿದ್ದಾರೆ. ಬೆಂಗಳೂರು ಮೂಲದ ಇಂಜಿನಿಯರ್ ಪ್ರೀತಿಕಾ ಅವರೊಂದಿಗೆ ಶಿವರಾತ್ರಿಯಂದು ಹಿಮಾಚಲ ಪ್ರದೇಶದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಹರಿಯಾಣ ಮೂಲದ ಅಭಯ್​ ಸಿಂಗ್​ ಐಐಟಿ ಬಾಂಬೆ ಪಧವೀದರರು. 2024ರಲ್ಲಿ ಏರೋಸ್ಪೇಸ್​ ಇಂಜಿನಿಯರಿಂಗ್​ ಮುಗಿಸಿಕೊಂಡ ಅವರು ಕೆನಡಾದಲ್ಲಿ  ವಾರ್ಷಿಕ 36 ಲಕ್ಷ ರೂ. ಪ್ಯಾಕೇಜ್‌ನ ಹುದ್ದೆಯಲ್ಲಿ ಇದ್ದರು.  ಜೀವನ ಎಂದರೆ ಏನು ಎಂದು ಹುಡುಕುತ್ತ ಬಂದ ಅವರು ಸನ್ಯಾಸ ದೀಕ್ಷೆಯನ್ನು ಪಡೆದು ಐಐಟಿ ಬಾಬಾ ಆದರು.

ಇದನ್ನು ಓದಿ: "ಖವಾಜಾ ಆಸಿಫ್ ಮನೆಗೆ ನುಗ್ಗಿ ಕೊಲ್ಲುತ್ತೇವೆ"; ಕೋಲ್ಕತ್ತಾಗೆ ಪಾಕಿಸ್ತಾನ ನೀಡಿದ ಬೆದರಿಕೆ ವಿರುದ್ಧ ಅಭಿಷೇಕ್ ಬ್ಯಾನರ್ಜಿ ಖಡಕ್ ವಾರ್ನಿಂಗ್..Abhishek Banerjee​

ಪ್ರೀತಿಕಾಗೆ ಮತ್ತು ಐಐಟಿ ಬಾಬಾಗೆ ಕಳೆದ ತಿಂಗಳು ಪರಿಚಯವಾಗಿತ್ತು. ಮೊದಲು ಸ್ನೇಹಿತರಾಗಿದ್ದರು. ಆಗಾಗ ಮೀಟಿಂಗ್​, ಡೇಟಿಂಗ್​ ಆಗುತ್ತಿತ್ತು. ಹೀಗೆ ಸ್ನೇಹವು ಪ್ರೀತಿಗೆ ತಿರುಗಿತು. ಅಭಯ್​ ಅವರು ಅತ್ಯಂತ ಸರಳ ಮತ್ತು ಪ್ರಾಮಾಣಿಕ ವ್ಯಕ್ತಿ, ಅವರ ಈ ಗುಣವೇ ನನಗೆ ಇಷ್ಟವಾಯಿತು" ಎಂದು ಪ್ರೀತಿಕಾ ತಿಳಿಸಿದ್ದಾರೆ.  

ಐಐಟಿ ಬಾಬಾ ಅಲಿಯಾಸ್ ಅಭಯ್​ ಸಿಂಗ್​ಗೆ ಮದುವೆಯಾಗಿದ್ದರು, ಸನಾತನ ಧರ್ಮ ಮತ್ತು ಆಧ್ಯಾತ್ಮಿಕತೆ ಬಗ್ಗೆ ಒಲವು ಕಿಂಚಿತ್ತು ಕಡಿಮೆಯಾಗಿಲ್ಲ.  ಇಬ್ಬರು ಜೊತೆಗೂಡಿ ಸನಾತನ ವಿಶ್ವವಿದ್ಯಾಲಯ’ ಸ್ಥಾಪಿಸಬೇಕು ಎನ್ನುವ ಆಶಯವನ್ನು ಇಟ್ಟುಕೊಂಡಿದ್ದಾರಂತೆ. ದಂಪತಿ ಇಬ್ಬರು ಹರಿಯಾಣದ ಜಜ್ಜರ್‌ನಲ್ಲಿ ವಾಸವಿದ್ದಾರೆ.