ಜಬಲ್ಪುರ ಬೋಟ್​ ದುರಂತಕ್ಕೂ ಮುನ್ನ, ಅಮ್ಮನ ಅಪ್ಪುಗೆಯಲ್ಲಿದ್ದ ಮಗುವಿನ ಕೊನೇ ಕ್ಷಣದ ವಿಡಿಯೋ ವೈರಲ್​..Jabalpur Boat Tragedy

ಜಬಲ್ಪುರ: ಮೇ1 ಶುಕ್ರವಾರ  ಮಧ್ಯಪ್ರದೇಶದ ಜಬುಲ್ಪುರದ ಬಾರ್ಗಿ ಅಣೆಕಟ್ಟಿನ ಜಲಾಶಯದಲ್ಲಿ ನಡೆದ ಕ್ರೂಸ್​ ಬೋಟ್ (Jabalpur Boat Tragedy) ದುರಂತ ಇಡೀ ದೇಶವನ್ನೇ ಬೆಚ್ಚಿಬೀಳಿಸುವಂತೆ ಮಾಡಿದೆ. ಹಡಗು ಮಗುಚುವ ಮುನ್ನ  ಕ್ರೂಸ್​ನೊಳಗೆ ನೀರು ನುಗ್ಗತಿದ್ದಂತೆ ಅಲ್ಲಿರುವವರು ಲೈಫ್​ ಜಾಕೆಟ್​ ಧರಿಸುತ್ತಿರುವ ದೃಶ್ಯ ಮತ್ತು ಮಗುವನ್ನು ಬಿಗಿದಪ್ಪಿ ತಾಯಿ ಕುಳಿತಿರುವ ವಿಡಿಯೋ ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆಗಿದೆ. 

ನರ್ಮದಾ ನದಿಗೆ ನಿರ್ಮಿಸಲಾಗಿರುವ ಬಾರ್ಗಿ ಡ್ಯಾಂನಲ್ಲಿ ಪ್ರವಾಸಿಗರಿದ್ದ 30 ಜನ ಪ್ರವಾಸಿಗರಿದ್ದ ಬೋಟ್​ ಬಿರುಗಾಳಿಗೆ ಮಗುಚಿ 9 ಜನರು ಮೃತಪಟ್ಟ ಘಟನೆ ನಡೆದಿತ್ತು. ಅದರಲ್ಲಿ  17 ಜನರು ಬದುಕುಳಿದಿದ್ದು, ನಾಲ್ವರಿಗಾಗಿ ತೀವ್ರ ಕಾರ್ಯಾಚರಣೆ ಮುಂದುವರೆದಿದೆ. 

ದೋಣಿಯೊಳಗೆ ನೀರು ಹರಿಯುತ್ತಿದೆ. ಈ ವೇಳೆ ಹಲವರಿಗೆ ಕ್ರೂಸ್​ ಸಿಬ್ಬಂದಿ, ಅತೀ ಅವಸರದಲ್ಲಿ ಲೈಫ್​ ಜಾಕೆಟ್​ ವಿತರಿಸುತ್ತಿರುವುದು ಕಂಡುಬಂದಿದೆ. ಅದೇ ವೇಳೆ ಕೊನೇ ಸಾಲಿನಲ್ಲಿ ತಾಯಿ ಮತ್ತು ಆಕೆಯ ಮಗು ಬದುಕುವ ಭರವಸೆ ಹೊತ್ತು ಕುಳಿತಿರುವುದು. ಕಾಣಸಿಗತ್ತದೆ. ಕೆಲವರು ಲೈಫ್​ ಜಾಕೆಟ್​ಗಾಗಿ ಅತ್ತಿಂದಿತ್ತ ಪರದಾಡುತ್ತಿರುವ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ  ವೈರಲ್  ಆಗಿದೆ.

ದುರಂತ ನಡೆದು ಕೆಲವು ಗಂಟೆಗಳ ನಂತರ ತಯಿ ಮಗುವಿನ ಮೃತದೇಹ ಪತ್ತೆಯಾಗಿತ್ತು. ಸಾವಿನ ಕೊನೇ ಕ್ಷಣದಲ್ಲಿಯೂ ಆಕೆ ಮಗನನ್ನು ಅಪ್ಪಿಕೊಂಡೇ ಇದ್ದಳು. ಈ ದೃಶ್ಯಗಳು ರಕ್ಷಣಾ ಕಾರ್ಯಾಚರಣೆಯಲ್ಲಿದ್ದ ಸಿಬ್ಬಂದಿ ಮತ್ತು ಘಟನಾ ಸ್ಥಳಕ್ಕೆ ಬಂದಿದ್ದ  ಸಚಿವ ರಾಕೇಶ್ ಸಿಂಗ್ ಅವರ ಕಣ್ಣಾಲಿಗಳು ಒದ್ದೆಯಾಗುವಂತೆ ಮಾಡಿತು.

ದುರಂತದಲ್ಲಿ ಮೃತ ಪಟ್ಟಿರುವುದು ಮರೀನಾ ಮಾಸ್ಸಿ ಮತ್ತು ಅವರ ಮಗ. ಈ ಸಮಯದಲ್ಲಿ ಅವರ ಪತಿ ಪ್ರದೀಪ್​ ಮಾಸ್ಸಿ ಸಹ ಅಲ್ಲೇ ಇದ್ದರಂತೆ. ಅವರಿಗೆ ಸಿಕ್ಕಂತಹ ಟ್ಯೂಬ್​ ಮೂಲಕ ಅವರು ಅವರನ್ನು ರಕ್ಷಿಸಿಕೊಂಡಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ. ಜೊತೆಗೆ ಕ್ರೂಸ್​ ಸಿಬ್ಬಂದಿ ಪ್ರಯಾಣಿಕರನ್ನು ಹೀನಾಯವಾಗಿ ನಡೆಸಿಕೊಂಡ ಬಗ್ಗೆ ಮಾಹಿತಿ ಬಿಚ್ಚಿಟ್ಟಿದ್ದಾರೆ.

ಒಳನಾಡು ಹಡಗುಗಳ ಕಾಯ್ದೆ 2021ರ ಪ್ರಕಾರ, ಪ್ರಯಾಣಿಕರು ಹಡಗು ಏರುವ ಮುನ್ನ ಕ್ರೂಸ್​ ಸಿಬ್ಬಂದಿ ಅವರಿಗೆ ಲೈಫ್​ ಜಾಕೆಟ್​ ಅನ್ನು ಮೊದಲೇ ವಿತರಿಸಬೇಕಿತ್ತು,. ಆದರೆ, ದುರಂತ ಸಂಭವಿಸಿದ ನಂತರ ಈ ಬಗ್ಗೆ ಮುನ್ನೆಚ್ಚರಿಕೆ ಕೈಗೊಂಡಿದ್ದಾರೆ.  ಪ್ರಾಥಮಿಕ ತನಿಖೆಯ ಪ್ರಕಾರ ನಿಯಮವನ್ನು ಉಲ್ಲಂಘಿಸಲಾಗಿದೆ ಎಂದು ತಿಳಿದುಬಂದಿದೆ. 

 ಸಂಜೆ 6 ಗಂಟೆ ಸುಮಾರಿಗೆ ಬಿರುಗಾಳಿ ಬೀಸುತ್ತಿದ್ದರಿಂದ ಪ್ರಯಾಣಿಕರು ಹೆಗನ್ನು ವಾಪಸ್​​ ತಿರುಗಿಸಲು ಮನವಿ ಮಾಡಿಕೊಂಡಿದ್ದರಂತೆ ಆದರೆ, ಜ್ಯಾರೆ ಅನ್ನದೇ ಕ್ರೂಸ್​ ಸಿಬ್ಬಂದಿ ತೆರಳಿದ್ದೇ ಈ ಅವಘಡಕ್ಕೆ ಕಾರಣ ಎಂದು ಬದುಕುಳಿದ ಸಿಬ್ಬಂದಿ ಹೇಳಿಕೊಂಡಿದ್ದಾರೆ, (ಏಜೆನ್ಸೀಸ್).