`ಆತ ನನ್ನನ್ನು ಮುಟ್ಟಲು ಯತ್ನಿಸಿದ'; ವಾರಣಾಸಿಯಲ್ಲಿ ಮಹಿಳೆಯರಿಗಿಲ್ವಾ ರಕ್ಷಣೆ, ಯುವತಿಯಿಂದ ಗಂಭೀರ ಪ್ರಶ್ನೆ?.. Varanasi Student

ಸಾರ್ವಜನಿಕ ವಾಹನದಲ್ಲಿ ಕಿಕ್ಕಿರಿದು ಜನರು ತುಂಬಿರುತ್ತಾರೆ. ಜನದಟ್ಟಣೆಯಲ್ಲಿ ಯುವತಿಯರ ಜೊತೆ ಕೆಟ್ಟದಾಗಿ ನಡೆದುಕೊಳ್ಳುವವರು ಇರುತ್ತಾರೆ. ಈ ಬಗ್ಗೆ ಸಮಸ್ಯೆ ಹೇಳಿಕೊಂಡರೆ, ಕೆಲವೊಮ್ಮೆ ಸಂತ್ರಸ್ತರನ್ನೇ ದೋಷಿಗಳನ್ನಾಗಿ ಬೊಟ್ಟು ಮಾಡಿಬಿಡುತ್ತಾರೆ. ಆದರೆ, ನನಗಾಗಿದ್ದು ಅಚಾನಕ್ಕಾಗಿ ಅಲ್ಲ. ಆತ ಬೇಕಂತಲೇ ನಡೆದುಕೊಂಡಿದ್ದು. ಯಾವುದು ಸರಿ, ಯಾವುದು ತಪ್ಪು ಅನ್ನೋದು ನಮಗೆ ಗೊತ್ತಿದೆ ಎಂದು ಅನಯಾ ಹೇಳಿಕೊಂಡಿದ್ದಾರೆ.

ಶೇರಿಂಗ್​ ಆಟೋದಲ್ಲಿ, ಬಿಳಿ ಬಣ್ಣದ ಟೀ ಶರ್ಟ್​ ಮತ್ತು ಟೋಪಿ ಧರಿಸಿದ್ದ ಯುವಕ. ಆಟೋದ ಹಿಂಬದಿ ಸೀಟಿನ ಬಳಿ ತನ್ನ ಕೈ ಇಟ್ಟು, ಯುವತಿಯ ಕಾಲನ್ನು ಮುಟ್ಟಲು ಯತ್ನಿಸುತ್ತಾನೆ. ಆಕೆ ವಿಡಿಯೋ ಮಾಡುತ್ತಿದ್ದಾಳೆ ಎನ್ನುವುದು ಆತನ ಗಮನಕ್ಕೆ ಬರುತ್ತಲೇ, ತನಗೇನು ತಿಳಿದೇ ಇಲ್ಲ ಎಂದು ಎತ್ತಲೋ ನೋಡುತ್ತಾ ಕುಳಿತು, ಅಲ್ಲಿಂದ ಪರಾರಿಯಾಗಿದ್ದಾನೆ. ಈ ವಿಡಿಯೋವನ್ನು ಅನಯಾ ಸೇರಿದಂತೆ ದಿ ನಳಂದಾ ಇಂಡೆಕ್ಸ್ ಎಂಬ​ ಎಕ್ಸ್​ ಖಾತೆಯಿಂದಲೂ ಹಂಚಿಕೊಳ್ಳಲಾಗಿದೆ.

ನಾನು ವಾರಣಾಸಿಯಿಂದ ಬನಾರಸ್ ಹಿಂದೂ ವಿಶ್ವ ವಿದ್ಯಾಲಯ(banaras hindu university)ಕ್ಕೆ ಶೇರಿಂಗ್​ ಆಟೋದಲ್ಲಿ ತೆರಳುತ್ತಿದ್ದೆ. ಈ ವೇಳೆ ಆಟೋದಲ್ಲಿ ಡ್ರೈವರ್​ ಪಕ್ಕ ಬಂದು ಕುಳಿತ ಅಪರಿಚಿತ ವ್ಯಕ್ತಿ ಕೆಲ ಕಾಲದ ನಂತರ ನನ್ನ ಕಾಲನ್ನು ಮುಟ್ಟಲು ಯತ್ನಿಸುತ್ತಿದ್ದ. ನಾನು ವಿಡಿಯೋ ಮಾಡಲು ಶುರು ಮಾಡಿದೆ. ಅದನ್ನು ಕಂಡ ಅವನು ಅಲ್ಲಿಂದ ಕಾಲ್ಕಿತ್ತ. ಹುಡುಗಿಯರಿಗೆ ಸುರಕ್ಷತೆ ಎಲ್ಲಿದೆ. ನಮಗಾಗುತ್ತಿರುವ ತೊಳಲಾಟದ ಬಗ್ಗೆ ಹೇಳಿದರೆ, ನಿಮಗೆ ಪುರಾಣ ಮಾತನಾಡಿದಂತಾಗುತ್ತದೆ. ಆದರೆ, ಇದೇ ವಾಸ್ತವ ನೋಡಿ. ಇಂತಹ ವ್ಯಕ್ತಿತ್ವವುಳ್ಳವರನ್ನು ಪೊಲೀಸರು ಗುರುತಿಸಿ, ಕಠಿಣ ಕ್ರಮ ವಿಧಿಸಬೇಕು. ಹಾಗಿದ್ದಾಗ ಮಾತ್ರ ಹುಡುಗಿಯರು ಯಾವುದೇ ಹೆದರಿಕೆ ಇಲ್ಲದೇ ನಿಶ್ಚಿಂತೆಯಿಂದ ಓಡಾಡಲು ಸಾಧ್ಯ ಎಂದು ಅನನ್ಯ ಬರೆದುಕೊಂಡಿದ್ದಾರೆ.

ಎಕ್ಸ್​ನಲ್ಲಿ ವೈರಲ್ ಆದ ಈ ವಿಡಿಯೋಗೆ ಸಾವಿರಾರು ಮಂದಿ ಕಾಮೆಂಟ್ ಮಾಡಿದ್ದಾರೆ. ಇಂತಹ ಕೆಟ್ಟ ಮನಸ್ಥಿತಿಯ ಯುವಕರಿಗೆ ಶಿಕ್ಷೆಯಾಗಲೇ ಬೇಕು. ಮೃದು ಸ್ವಭಾವದ ಹೆಣ್ಣುಮಕ್ಕಳ್ಳನ್ನೇ ಟಾರ್ಗೆಟ್​ ಮಾಡಿ ಅನುಚಿತವಾಗಿ ನಡೆದುಕೊಳ್ಳುತ್ತಾರೆ.