ದೆಹಲಿಯ ಮಾಲಿನ್ಯವನ್ನು ನಾವು ನಿಭಾಯಿಸಬಹುದು..ಏರ್ ಪ್ಯೂರಿಫೈಯರ್​ಗಳ ಬಗ್ಗೆ ಬೆಳಕು ಚೆಲ್ಲಿದ ಅಮೆರಿಕನ್​ ಮಹಿಳೆ..Delhi pollution

ಕ್ರಿಸ್ಟನ್ ಫಿಷರ್ ಅವರು ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಜನರು ಕೇಳುವ ಕೆಲವೊಂದು ಪ್ರಶ್ನೆಗಳನ್ನು ಉದ್ದೇಶಿಸಿ ಮಾತನಾಡಿದ್ದು, ದೆಹಲಿಯಲ್ಲಿ ಜನರು ಗಾಳಿಯ ಗುಣಮಟ್ಟವನ್ನು ಹೇಗೆ ನಿರ್ವಹಿಸಬಲ್ಲರು ಎಂದು ನನ್ನನ್ನು ಕೇಳುತ್ತಾರೆ ಎಂದರು. ನಂತರ ಹೊರಾಂಗಣದಲ್ಲಿ 210 AQI ಓದುವಿಕೆಯನ್ನು ಪ್ರದರ್ಶಿಸುವ ಗಾಳಿಯ ಗುಣಮಟ್ಟದ ಮಾನಿಟರ್ ಅನ್ನು ತೋರಿಸಿದರು. ಇದಾದ ಬಳಿಕ ತಮ್ಮ ಮನೆಯೊಳಗೆ ಆ ಸಾಧನವನ್ನು ಕೊಂಡೊಯ್ದರು. ಈ ಸಮಯದಲ್ಲಿ ತೀವ್ರತೆಯು 48 ಕ್ಕೆ ಇಳಿಯಿತು.

ಈ ತೀವ್ರತೆಯ ವ್ಯತ್ಯಾಸವನ್ನು ವಿವರಿಸಿದ ಅವರು, "ನಮ್ಮ ಮನೆಯಲ್ಲಿರುವ ಏರ್ ಪ್ಯೂರಿಫೈಯರ್‌ಗಳು ಇರುವುದರಿಂದ ಈ ರೀತಿಯ ಬದಲಾವಣೆಗಳು ಸಾಧ್ಯವಾಗುತ್ತವೆ. ಇದು ಮನೆಯ ಒಳಗಿನ ಗಾಳಿಯ ಗುಣಮಟ್ಟವನ್ನು ಚೆನ್ನಾಗಿ ಮತ್ತು ಸ್ವಚ್ಛವಾಗಿಡಲು ಅನುವು ಮಾಡಿಕೊಡುತ್ತದೆ. ಹೊರಗಿನ ಗಾಳಿಯ ಮಟ್ಟ ತೀವ್ರವಾಗಿರಬಹುದು. ಆದರೆ ಚಳಿಗಾಲದಲ್ಲಿ ಒಳಾಂಗಣ ಗಾಳಿಯನ್ನು ನಿರ್ವಹಿಸುವುದು ಬಹಳ ಕಷ್ಟವಾಗಬಹುದು ಎಂದು ವಿವರಿಸಿದರು.

ಆದ್ದರಿಂದ ನಾವು ಗಾಳಿ ಶುದ್ಧೀಕರಣ ಯಂತ್ರಗಳನ್ನು ಬಳಸುತ್ತೇವೆ. ಇದು ಮನೆಯ ಒಳಗಿನ ಗಾಳಿಯ ಗುಣಮಟ್ಟವನ್ನು ಸಾಮಾನ್ಯವಾಗಿ ಶುದ್ಧೀಕರಿಸುತ್ತದೆ. ದೆಹಲಿಯಲ್ಲಿ ವಾಸಿಸುವ ಕಠಿಣ ದಿನಗಳಲ್ಲಿ ನಾವು ಈ ರೀತಿಯಾಗಿ ಜೀವನ ಸಾಗಿಸುತ್ತೇವೆ ಎಂದು ಹೇಳಿದರು.

ಈ ವಿಚಾರದ ಬಗ್ಗೆ ತಿಳಿಸುತ್ತಾ, ಒಳಾಂಗಣ ಗಾಳಿಯು ಅತ್ಯಂತ ಮುಖ್ಯವಾಗಿದೆ. ಇದು ಹೊರಗಿನ ಸ್ಥಿತಿಯನ್ನು ನಾವು ಸುಧಾರಿಸಲು ಸಾಧ್ಯವಾಗುವುದಿಲ್ಲ. ಹಾಗಾಗಿ ನಮ್ಮ ಕುಟುಂಬಕ್ಕೆ ಒಳಾಂಗಣದ ಸುರಕ್ಷತೆಯು ಅವಶ್ಯಕವಾಗಿದೆ. ಹಾಗಾಗಿ ನಾನು ಕಾಪಾಡಿಕೊಳ್ಳುತ್ತೇನೆ ಎಂದು ಅವರು ಶೀರ್ಷಿಕೆಯಲ್ಲಿ ಬರೆದು ಪೋಸ್ಟ್ ಮಾಡಿದ್ದಾರೆ.

ಚಳಿಗಾಲದಲ್ಲಿ, ನಮ್ಮ ಕುಟುಂಬವು ಆದಷ್ಟು ಮನೆಯಲ್ಲಿಯೇ ಸಮಯ ಕಳೆಯುತ್ತೇವೆ ಹಾಗಾಗಿ ನಮಗೆ ಶುದ್ಧ ಗಾಳಿಯ ಅವಶ್ಯಕತೆ ಜಾಸ್ತಿಯಾಗಿರುತ್ತದೆ. ನಾವು ಹೊರಗಿನ ಸಮಯವನ್ನು ಕಡಿಮೆ ಮಾಡಿದಾಗ ನಾವು ದೆಹಲಿಯಲ್ಲಿ ಮಾಲಿನ್ಯವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂದು ಹೇಳಿದರು.

ದೆಹಲಿಯ ಅತ್ಯಂತ ಕೆಟ್ಟ ಮಾಲಿನ್ಯವು ವರ್ಷಪೂರ್ತಿ ಇರುವುದಿಲ್ಲ. ಇದು ಹೆಚ್ಚಾಗಿ ನವೆಂಬರ್​ ನಿಂದ ಜನವರಿ ವರೆಗೆ ಮಾತ್ರ ಕೆಟ್ಟದಾಗಿರುತ್ತದೆ. ಇಲ್ಲದಿದ್ದರೆ, ವರ್ಷದ ಉಳಿದ ದಿನಗಳಲ್ಲಿ ದೆಹಲಿಯಲ್ಲಿ ಗಾಳಿಯು ಹೆಚ್ಚು ಉತ್ತಮವಾಗಿರುತ್ತದೆ ಎಂದು ಅವರು ಅಭಿಪ್ರಾಯ ಸೂಚಿಸಿದ್ದಾರೆ.

ಆದಾಗ್ಯೂ, ಒಳಾಂಗಣದ ಗಾಳಿಯೂ ತನ್ನಷ್ಟಕ್ಕೆ ತಾನೇ ಸುಧಾರಿಸುವುದಿಲ್ಲ. ನಾವು ಅದನ್ನು ಪೂರ್ಣ ಸಮಯವು ಬಳಸುವ ಏರ್​ ಪ್ಯೂರಿಫೈಯರ್​ಗಳಿಂದ ಮಾತ್ರ. ಅವುಗಳಿಲ್ಲದೇ, ಒಳಾಂಗಣ ಗಾಳಿಯು ಅಷ್ಟೇ ಕೆಟ್ಟದ್ದಾಗಿರುತ್ತದೆ. ಹಾಗಾಗಿ ಎಲ್ಲರೂ ಆದಷ್ಟು ಸುರಕ್ಷಿತವಾಗಿರಬೇಕು ಎಂದು ಹೇಳಿದರು (ಏಜೆನ್ಸೀಸ್​).