ರೇವಂತ್ ರೆಡ್ಡಿ ವಿದೇಶ ಪ್ರವಾಸಕ್ಕೆ ಕೇಂದ್ರ ಬ್ರೇಕ್; US ಭೇಟಿಯ ಉದ್ದೇಶವೇನು? ಬಗ್ಗೆ ಬಿಜೆಪಿ ಪ್ರಶ್ನೆ! | BJP Attacks Revanth Reddy

ಹೈದರಾಬಾದ್: ತೆಲಂಗಾಣ ಮುಖ್ಯಮಂತ್ರಿ ಎ.ರೇವಂತ್ ರೆಡ್ಡಿ ಅವರ ಪ್ರಸ್ತಾವಿತ ಅಮೆರಿಕ ಪ್ರವಾಸಕ್ಕೆ ಕೇಂದ್ರ ಸರ್ಕಾರ ರಾಜಕೀಯ ಅನುಮತಿ ನೀಡಿಲ್ಲ. ಇದೀಗ ಈ ವಿಚಾರ ಭಾರೀ ರಾಜಕೀಯ ಚರ್ಚೆಗೆ ಕಾರಣವಾಗಿದೆ. ಇದರ ಬೆನ್ನಲ್ಲೇ ಬಿಜೆಪಿ ನಾಯಕ ಎನ್.ರಾಮಚಂದರ್ ರಾವ್, ಸಿಎಂ ರೇವಂತ್ ರೆಡ್ಡಿ ವಿದೇಶ ಪ್ರವಾಸದ ಉದ್ದೇಶ ಏನೆಂದು ಪ್ರಶ್ನಿಸಿದ್ದಾರೆ.

ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿರುವ ರಾಮಚಂದರ್ ರಾವ್, ರೇವಂತ್ ರೆಡ್ಡಿ ಅಮೆರಿಕ ಟ್ರಿಪ್​ ವೇಳೆ ಜೋಹ್ರಾನ್ ಮಮ್ದಾನಿಯನ್ನು ಭೇಟಿಯಾಗುತ್ತಾರೆ ಎಂಬ ಮಾಧ್ಯಮ ವರದಿಗಳನ್ನು ಉಲ್ಲೇಖಿಸಿದ್ದು, ಅವರನ್ನು ಭೇಟಿ ಮಾಡುವ ಉದ್ದೇಶವೇನು? ತೆಲಂಗಾಣ ಸಿಎಂಗೆ ಅವರೊಂದಿಗೆ ಏನು ಕೆಲಸ? ಎಂದು ಪ್ರಶ್ನಿಸಿದ್ದಾರೆ.

ಮುಂದುವರಿದಂತೆ, ಅಮೆರಿಕ ಪ್ರವಾಸ ಶಿಕ್ಷಣ ಅಥವಾ ತೆಲಂಗಾಣಕ್ಕೆ ಹೂಡಿಕೆ ತರುವುದಾಗಿದ್ದರೆ, ಅದರ ಬಗ್ಗೆ ಸ್ಪಷ್ಟತೆ ನೀಡಬೇಕು. ರೇವಂತ್ ರೆಡ್ಡಿಯ ಪ್ರಸ್ತಾವಿತ ಕಾರ್ಯಕ್ರಮದ ಬಗ್ಗೆ ಹಲವು ಪ್ರಶ್ನೆಗಳನ್ನು ರಾಮಚಂದರ್ ರಾವ್ ಕೇಳಿದ್ದಾರೆ. ಆದರೆ, ರಾಮಚಂದರ್ ರಾವ್ ಮಾಡಿರುವ ಆರೋಪಗಳು ಅವರರಾಜಕೀಯ ಹೇಳಿಕೆಗಳಾಗಿದ್ದು, ಅವುಗಳಿಗೆ ಸಂಬಂಧಿಸಿದಂತೆ ರೇವಂತ್ ರೆಡ್ಡಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಇತ್ತ, ಅಮೆರಿಕ ಪ್ರವಾಸಕ್ಕೆ ಸಂಬಂಧಿಸಿದ ಸಿಎಂ ರೇವಂತ್ ರೆಡ್ಡಿ ಪ್ರಸ್ತಾವಿತ ಕಾರ್ಯಕ್ರಮಕ್ಕೆ ಕೇಂದ್ರ ಸರ್ಕಾರ ರಾಜಕೀಯ ಅನುಮತಿ ನೀಡಿಲ್ಲ. ಗಣ್ಯರ ವಿದೇಶ ಪ್ರವಾಸದ ಕಾರ್ಯಕ್ರಮವು ಅವರ ಹುದ್ದೆಯ ಸ್ಥಾನಮಾನಕ್ಕೆ ಸೂಕ್ತವಾಗಿರಬೇಕು ಎಂದು ಕೇಂದ್ರ ತಿಳಿಸಿದೆ. ಈ ಪ್ರವಾಸದ ಕಾರ್ಯಕ್ರಮ ಸಿಎಂ ಹುದ್ದೆಗೆ ಸೂಕ್ತವಾಗಿಲ್ಲ ಎಂದು ಪರಿಗಣಿಸಿ ಪರ್ಮಿಷನ್ ನಿರಾಕರಿಸಲಾಗಿದೆ. ಸಧ್ಯ ಈ ರಾಜಕೀಯ ಬೆಳವಣಿಗೆ ಹೊಸ ಚರ್ಚೆಗೆ ಗ್ರಾಸವಾಗಿದೆ,(ಏಜೆನ್ಸೀಸ್​).