ದೇಶ

ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಮಿಂಚಿದ ಕನ್ನಡಿಗರು: ಅಖಿಲ ಭಾರತ ಮಟ್ಟದಲ್ಲಿ 53ನೇ ರ‍್ಯಾಂಕ್ ಪಡೆದ ಕಿರಣ್ ಕಮತೆ; ಸಾಧಕರ ಪೂರ್ಣ ಪಟ್ಟಿ ಇಲ್ಲಿದೆ! UPSC Karnataka Toppers List

ನಾಗರಿಕ ಸೇವೆಯಲ್ಲಿ ಉತ್ತೀರ್ಣರಾದ 22 ಕನ್ನಡಿಗರು
ನಾಗರಿಕ ಸೇವೆಯಲ್ಲಿ ಉತ್ತೀರ್ಣರಾದ 22 ಕನ್ನಡಿಗರು
Published on: 

ಪ್ರಮುಖ ಮುಖ್ಯಾಂಶಗಳು

  • ಕೇಂದ್ರ ಲೋಕ ಸೇವಾ ಆಯೋಗದ ಪರೀಕ್ಷಾ ಫಲಿತಾಂಶ ಪ್ರಕಟ
  • ನಾಗರಿಕ ಸೇವೆಯಲ್ಲಿ ಉತ್ತೀರ್ಣರಾದ 22 ಕನ್ನಡಿಗರು
  • ಕಿರಣ್ ಕಾಮತೆ 53 ನೇ ಸ್ಥಾನ ಪಡೆದು ರಾಜ್ಯಕ್ಕೆ ಪ್ರಥಮ
ಕರ್ನಾಟಕ: ಶುಕ್ರವಾರ (ಮಾ.6) ಕೇಂದ್ರ ಲೋಕ ಸೇವಾ ಆಯೋಗದಿಂದ ನಡೆಸಲಾಗಿದ್ದ ನಾಗರಿಕ ಸೇವಾ ಪರೀಕ್ಷೆಯ ಫಲಿತಾಂಶ ಪ್ರಕಟವಾಗಿದ್ದು, ಇದರಲ್ಲಿ ಕರ್ನಾಟಕ(UPSC Karnataka Toppers List) ದ ವಿದ್ಯಾರ್ಥಿಗಳು ಗಮನಾರ್ಹ ಸಾಧನೆ ಮಾಡಿದ್ದಾರೆ.
958 ವಿವಿಧ ಕೇಂದ್ರ ಸರ್ಕಾರದ ಹುದ್ದೆಗಳಿಗೆ ನಡೆದಿದ್ದ ಈ ಪರೀಕ್ಷೆಯಲ್ಲಿ ಕರ್ನಾಟಕದ ಸುಮಾರು 22 ಅಭ್ಯರ್ಥಿಗಳು ಆಯ್ಕೆಯಾಗುವ ಮೂಲಕ ರಾಜ್ಯಕ್ಕೆ ಕೀರ್ತಿ ತಂದಿದ್ದಾರೆ.
ಪೂರ್ವಭಾವಿ ಪರೀಕ್ಷೆ, ಮುಖ್ಯ ಪರೀಕ್ಷೆ ಹಾಗೂ ಸಂದರ್ಶವನ್ನು ಎದುರಿಸಿದ ಈ ಅಭ್ಯರ್ಥಿಗಳು ಕಠಿಣ ಪರಿಶ್ರಮ ಹಾಗೂ ನಿರಂತರ ಓದಿನ ಫಲವಾಗಿ ಇಂದು ಈ ಸಾಧನೆಯನ್ನು ಮಾಡಿದ್ದಾರೆ.
ಕಿರಣ್​ ಕಮತೆ ಎಂಬ ಅಭ್ಯರ್ಥಿ 53 ನೇ ರ‍್ಯಾಂಕ್ ಪಡೆಯುವ ಮೂಲಕ ಕರ್ನಾಟಕದಿಂದ ಆಯ್ಕೆಯಾದ ಅಭ್ಯರ್ಥಿಗಳಲ್ಲಿ ಮೊದಲಿಗನಾಗಿ ಹೊರಹೊಮ್ಮಿದ್ದಾರೆ.
ನಾಗರಿಕ ಸೇವಾ ಪರೀಕ್ಷೆಯಲ್ಲಿ ಸ್ಥಾನ ಪಡೆದ ಕನ್ನಡಿಗರ ಯಾದಿ

ಹೆಸರು ರ‍್ಯಾಂಕ್

ಕಿರಣ್ ಕಾಮತೆ 53
ದೇವಾಂಶ ಗುಪ್ತಾ 77
ಸಂದೀಪ್ ಬಡದ್ 82
ಸೂರ್ಯ ವಿಕೆ 162
ನಿತೀಶ್ ಕುಮಾರ್ 237
ಎ ಮಧು 436
ವರುಣ್ ಗೌಡ ಪಿ 462
ನಿವೇದಿತಾ ಸಿ ಭಾವಿಮನಿ 469
ವಿಶಾಖ ಕದಮ್ 504
ಧನಂಜಯ ರಾಮಚಂದ್ರ 554
ಮುತ್ತೇಶ್ ಗೌಡ ಎ ಎಸ್ 622
ಸಾಗರ ಎ 641
ಪಾಂಡುರಂಗ ಎಸ್ ಕಂಬಳಿ 660
ಚಂದನ್ ವೈ 661
ಬಸವರಾಜ ಜವಳಿ 664
MD ನಯಾಬ್ ಅಂಜುಮ್ 668
ಯತೀಶ ಎಂ ಎ 732
ಬಸವರಾಜ ಎಂ ಪಾಟೀಲ್ 739
ತೌಸಿಫ್ ಉಲ್ಲಾ ಖಾನ್ 741
ಅನಿರುದ್ಧ ಕಟ್ಟಿಮನಿ 786
ಚಂದ್ರಶೇಖರ್ 880
ನೇಹಾ 925

ಫಲಿತಾಂಶವನ್ನು ಹೇಗೆ ನೋಡುವುದು?

ಭಾರತದಲ್ಲಿ ನಡೆಸಲಾಗುವ ಅತ್ಯಂತ ಕಷ್ಟಕರ ಪರೀಕ್ಷೆಯಲ್ಲಿ ಒಂದಾದ ನಾಗರಿಕ ಸೇವಾ ಪರೀಕ್ಷೆಯ ಫಲಿತಾಂಶವನ್ನು ಕೇಂದ್ರ ಲೋಕಸೇವಾ ಆಯೋಗದ ಅಧಿಕೃತ ವೆಬ್​ಸೈಟ್​ನಲ್ಲಿ ಪ್ರಕಟಿಸಲಾಗಿದೆ. ಮತ್ತು ಹಲವಾರು ಪರೀಕ್ಷಾ ತರಬೇತಿ ಕೇಂದ್ರಗಳ ಸಾಮಾಜಿಕ ಜಾಲತಾಣಗಳಲ್ಲಿ ಪಿಡಿಎಫ್​ಗಳನ್ನು ಹಂಚಲಾಗುತ್ತಿದೆ.
ಈ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಅಭ್ಯರ್ಥಿಗಳು ಭಾರತದಾದ್ಯಂತ ಐಎಎಸ್​,ಐಪಿಎಸ್​,ಐಆರ್​ಎಸ್​ ಮೊದಲಾದ ಹುದ್ದೆಗಳಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ.

ಅನುಜ್ ಅಗ್ನಿಹೋತ್ರಿ ದೇಶಕ್ಕೆ ಫಸ್ಟ್​ ರ‍್ಯಾಂಕ್!

ಕೇಂದ್ರ ಲೋಕಸೇವಾ ಆಯೋಗದಿಂದ ನಡೆಸಲಾದ ನಾಗರಿಕ ಸೇವಾ ಪರೀಕ್ಷೆ 2025 ರಲ್ಲಿ ರಾಜಸ್ಥಾನದ ಅನುಜ್ ಅಗ್ನಿಹೋತ್ರಿ ಪ್ರಥಮ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
ಇವರು ಈ ಕುರಿತು ತಮ್ಮ ಎಕ್ಸ್​(ಟ್ವಿಟರ್​) ಖಾತೆಯಲ್ಲಿ ಸತತ ಆರು ವರ್ಷಗಳ ಶ್ರಮಕ್ಕೆ ಇಂದು ಫಲ ದೊರೆತಿದೆ. ನಾನು ನಾಗರಿಕ ಸೇವಾ ಪರೀಕ್ಷೆಯಲ್ಲಿ ಮೊದಲ ಸ್ಥಾನಗಳಿಸಿದ್ದೆನೆ, ನನಗೆ ಇದು ನಂಬಲಾಗುತ್ತಿಲ್ಲ ಎಂದು ಬರೆದು ಕೊಂಡಿದ್ದಾರೆ.
ಅನುಜ್​ ಅಗ್ನಿಹೋತ್ರಿ ಮೂಲತಃ ರಾಜಸ್ಥಾನದ ಕೋಟಾದವರಾಗಿದ್ದು ಇವರು ವೈಧ್ಯಕೀಯ ಶಿಕ್ಷಣದಲ್ಲಿ ಪದವಿ ಪಡೆದಿದ್ದಾರೆ. ಇವರು ಪ್ರಸ್ತುತ ದೆಹಲಿ, ಅಂಡಮಾನ್​-ನಿಕೋಬಾರ್​ ಪ್ರದೇಶದ ನಾಗರಿಕ ಅಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದು, ತಮ್ಮ ಆರನೇ ಪ್ರಯತ್ನದಲ್ಲಿ ಮೊದಲ ಸ್ಥಾನ ಪಡೆಯುವ ಮೂಲಕ ನಾಗರಿಕ ಸೇವಾ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದಾರೆ,(ಏಜನ್ಸೀಸ್​).
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net