ರೀಲ್ಸ್ ಹುಚ್ಚಾಟ ತಂದಿಟ್ಟ ಆಪತ್ತು; 30 ಅಡಿ ಎತ್ತರದಿಂದ ಡ್ಯಾಂ ನೀರಿಗೆ ಹಾರಿದ ಯುವಕ, ಎರಡು ಕಾಲುಗಳ ಮೂಳೆ ಮುರಿತ!..UP

32  ವರ್ಷದ  ಪುಷ್ಪೇಂದ್ರ ಕುಮಾರ್ ಮನೋರಿಯಾ  ಎಂಬಾತ ಭಾನುವಾರ ರಜೆ ದಿನದಂದು ತನ್ನ ಸ್ನೇಹಿತರೊಟ್ಟಿಗೆ ಝಾನ್ಸಿಯಲ್ಲಿನಪಹುಜಾ ಅಣೆಕಟ್ಟು ನೋಡಲು ತೆರಳಿದ್ದರು. ಡ್ಯಾಂನ ನಿಂತು ನೋಡಲು ಜನರಿಗೆ ಹಾಕಿದ್ದ  ಸುರಕ್ಷತಾ ರೇಲಿಂಗ್ ಅನ್ನು ಬಿಟ್ಟು ನೀರಿಗೆ ಹಾರಿದ್ದಾನೆ. ಪುಷ್ಪೇಂದ್ರ ಕುಮಾರ್ ಮನೋರಿಯಾ ಹಾರುವಾಗ ಆತನ ಸ್ನೇಹಿತನೊಬ್ಬ  ತಮಾಷೆಯಾಗಿ ನಿಮ್ಮ ಆತ್ಮಕ್ಕೆ ದೇವರು ಶಾಂತಿ ನೀಡಲಿ ಎಂದು ಹೇಳಿರುವುದು ವಿಡಿಯೋದಲ್ಲಿ ಇದೆ. 

ನಂತರ ಕಬ್ಬಿಣದ ರಾಡ್ ಅನ್ನು ಹಿಡಿದು ಸುರಕ್ಷಿತ ಸ್ಥಳದ ಕಡೆಗೆ ಬಂದನು. ಬಳಿಕ ಸ್ಥಳದಲ್ಲಿದ್ದ ಜನರ ಸಹಾಯದಿಂದ ಆಚೆ ಬಂದಿದ್ದಾನೆ.  ಮಾಹಿತಿ ತಿಳಿದು ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಪುಷ್ಪೇಂದ್ರನನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದರು. ವೈದ್ಯರು ಈಗಾಗಲೇ ಆತನ ಒಂದು ಕಾಲಿಗೆ ಶಸ್ತ್ರಚಿಕಿತ್ಸೆ ನಡೆಸಿ, ಎರಡು ರಾಡ್‌ಗಳನ್ನು ಅಳವಡಿಸಿದ್ದು, ಮತ್ತೊಂದು ಕಾಲಿಗೂ ಶಸ್ತ್ರಚಿಕಿತ್ಸೆ ಮಾಡುವ ಸಾಧ್ಯತೆ ಇದೆ.

'ಹಿಂದೆ ಹಲವು ಕಡೆಗಳಲ್ಲಿ ಸ್ಟಂಟ್‌ಗಳನ್ನು ಮಾಡಿದ್ದರಿಂದ ಇದನ್ನು ಕೂಡ ನಿರ್ವಹಿಸಬಲ್ಲೆ ಎಂದು ನಂಬಿದ್ದೆ ಆದರೆ ಜಿಗಿದ ಸ್ಥಳದಲ್ಲಿ ನೀರು ತೀರಾ ಕಡಿಮೆಯಿದೆ ಎಂಬುದು ತನಗೆ ತಿಳಿದಿರಲಿಲ್ಲ ನಾನಿನ್ನು ಮುಂದೆ ಎಂದಿಗೂ ಇಂತಹ ಸಾಹಸಗಳನ್ನು ಮಾಡುವುದಿಲ್ಲ' ಎಂದು ಪುಷ್ಪೇಂದ್ರ ತಿಳಿಸಿದ್ದಾರೆ, (ಏಜೆನ್ಸೀಸ್).