ಅಂಡರ್-19 ವಿಶ್ವಕಪ್ ಫೈನಲ್​; ವೈಭವ್​ ರನ್​ ಮಳೆ: 6ನೇ ಬಾರಿಗೆ ವಲ್ಡ್​ಕಪ್​ ಗೆದ್ದ ಟೀಂ​ ಇಂಡಿಯಾ | India wins World Cup

ಜಿಂಬಾಬ್ವೆಯ ಹರಾರೆಯಲ್ಲಿ ನಡೆದ ಪಂದ್ಯದಲ್ಲಿ ಭಾರತ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡಿತು. ಬ್ಲೂಬಾಯ್ಸ್​ ಪರ ಸೂರ್ಯವಂಶಿ ಜತೆಗೆ ಆರಂಭಿಕನ್ನಾಗಿ ಕಣಕ್ಕಿಳಿದ ಅರುಣ್ ಜಾರ್ಜ್ ಕೇವಲ 9 ರನ್​ಗಳಿಸಿ ನಿರಾಸೆ ಮೂಡಿಸಿದರು. ನಂತರ ಬಂದ ನಾಯಕ ಆಯುಷ್ ಮ್ಹಾತ್ರೆ ಹಾಗೂ ವೈಭವ್​ ಸೇರಿ ಆಂಗ್ಲ ಬೌಲರ್​ಗಳನ್ನು ಬಲವಾಗಿ ದಂಡಿಸಿದರು.

ವೈಭವ್ ಸೂರ್ಯವಂಶಿ ದಾಖಲೆ: ಕೇವಲ 14 ವರ್ಷದ ಆರಂಭಿಕ ಆಟಗಾರ ವೈಭವ್ ಸೂರ್ಯವಂಶಿ, ಕೇವಲ 80 ಎಸೆತಗಳಲ್ಲಿ 175 ರನ್ (15 ಬೌಂಡರಿ, 15 ಸಿಕ್ಸರ್) ಚಚ್ಚುವ ಮೂಲಕ ವಿಶ್ವದಾಖಲೆ ಬರೆದಿದ್ದಾರೆ. ಇದು ಅಂಡರ್-19 ವಿಶ್ವಕಪ್ ಫೈನಲ್‌ನಲ್ಲಿ ದಾಖಲಾದ ಗರಿಷ್ಠ ವೈಯಕ್ತಿಕ ಸ್ಕೋರ್ ಆಗಿದೆ.

412 ರನ್‌ಗಳ ಬೃಹತ್ ಗುರಿಯನ್ನು ಬೆನ್ನಟ್ಟಿದ ಇಂಗ್ಲೆಂಡ್​ಗೆ ಭಾರತದ ವೇಗಿ ಅಂಬರೀಶ್ ಕೇವಲ 17 ರನ್‌ಗಳಿದ್ದಾಗ ಆರಂಭಿಕ ಆಟಗಾರ ಜೋಸೆಫ್ ಮೂರ್ಸ್ ಅನ್ನು ಔಟ್ ಮಾಡುವ ಮೂಲಕ ಮೊದಲ ಆಘಾತವನ್ನು ನೀಡಿದರು. ನಂತರ ಬಂದ ಬೆನ್ ಮೇಯಸ್ 45 ರನ್​ಗಳಿಸಿ ಖಿಲಾನ್ ಪಟೇಲ್​ಗೆ ವಿಕೆಟ್​ ಒಪ್ಪಿಸಿದರು. ಮಧ್ಯಮಾ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಮಾಡಲು ಬಂದ ನಾಯಕ ಥಾಮಸ್ ರೆವ್ 31 ರನ್​ಗಳಿಗೆ ಕಾನಿಷ್ಕ್ ಚೌಹಾಣ್ ಬೌಲಿಂಗ್​ನಲ್ಲಿ ವಿಕೆಟ್​ ಒಪ್ಪಿಸಿದರು.

ಒಂದೆಡೆ ವಿಕೆಟ್​ ಬೀಳುತ್ತಿದ್ದರು ಕ್ಯಾಲೆಬ್ ಫಾಲ್ಕನರ್ ಶತಕ ಸಿಡಿಸಿದರು. ಏಕಾಂಗಿ ಹೋರಾಟ ನಡೆಸಿದ ಫಾಲ್ಕನರ್ 115 ರನ್​ಗಳಿಸಿ ಹೊರ ನಡೆದರು. ಇದರೊಂದಿಗೆ ಟೀಂ ಇಂಡಿಯಾ ಆರನೇಯ ಬಾರಿಗೆ ವಲ್ಡ್​ಕಪ್​ ಗೆದ್ದಕೊಂಡಿದೆ.

ಭಾರತದ ಪರ ಬೌಲಿಂಗ್​ನಲ್ಲಿ ಆರ್.ಎಸ್. ಅಂಬರೀಶ್ 3 ವಿಕೆಟ್​, ದೀಪೇಶ್ ದೇವೇಂದ್ರನ್, ಕನಿಷ್ಕ್ ಚೌಹಾಣ್ ತಲಾ 2 ವಿಕೆಟ್​ ಕಬಳಿಸಿದ್ದಾರೆ,(ಏಜೆನ್ಸೀಸ್).