ದೇಶ

ಬಿಜೆಪಿಗೆ ಗುಡ್‌ಬೈ ಬೆನ್ನಲ್ಲೇ ಬಿಗ್ ಆಫರ್: ವಿಜಯ್ 'ಟಿವಿಕೆ' ಸೇರ್ಪಡೆಯಾಗಲಿದ್ದಾರಾ ನಟ ದೇವನ್? TVK

TVK (ಚಿತ್ರ X)
TVK (ಚಿತ್ರ X)
Published on: 

ಚೆನ್ನೈ: ಹಿರಿಯ ನಟ ದೇವನ್ ಅವರು ತಮಿಳುನಾಡಿನ ಮುಖ್ಯಮಂತ್ರಿ ವಿಜಯ್​ ನೇತೃತ್ವದ ತಮಿಳಗ ವೆಟ್ರಿ ಕಳಗಂ (TVK) ಸೇರ್ಪಡೆಯಾಗುವ ಸ್ಪಷ್ಟ ಸುಳಿವು ನೀಡಿದ್ದಾರೆ. ಬಿಜೆಪಿ ತೊರೆದ ಮರುದಿನವೇ ಟಿವಿಕೆ ವರಿಷ್ಠರಿಂದ ಅವರಿಗೆ ಕರೆ ಬಂದಿದ್ದು, ಪಕ್ಷದ ಕೇರಳ ರಾಜ್ಯ ಘಟಕದ ಅಧ್ಯಕ್ಷ ಹುದ್ದೆಯ ಜವಾಬ್ದಾರಿಯನ್ನು ವಹಿಸಿಕೊಳ್ಳುವಂತೆ ಆಫರ್‌ ನೀಡಲಾಗಿದೆ ಎಂದು ದೇವನ್ ಮಾಹಿತ ಹಂಚಿಕೊಂಡಿದ್ದಾರೆ.

ಬಿಜೆಪಿಗೆ ಗುಡ್‌ಬೈ ಹಾಗೂ ಟಿವಿಕೆ ಆಫರ್

ಸುಮಾರು 5 ವರ್ಷಗಳ ಕಾಲ ಬಿಜೆಪಿಯಲ್ಲಿದ್ದರೂ ಯಾವುದೇ ಸೂಕ್ತ ಜವಾಬ್ದಾರಿ ನೀಡದೆ ತಮ್ಮನ್ನು ಕೇವಲ ಗುಂಪು ಮಾಡಲಾಗಿತ್ತು ಎಂದು ದೇವನ್​ ಆರೋಪಿಸಿದ್ದಾರೆ. ಪಕ್ಷದಲ್ಲಿದ್ದು ಸಕ್ರಿಯವಾಗಿ ಕೆಲಸ ಮಾಡಲು ಅವಕಾಶ ಸಿಗದ ಕಾರಣಕ್ಕೆ ಆಗಸ್ಟ್ 16 ರಂದು ತಾವು ಬಿಜೆಪಿಗೆ ರಾಜೀನಾಮೆ ನೀಡಿರುವುದಾಗಿ ಸ್ಪಷ್ಟಪಡಿಸಿದ್ದಾರೆ.
ರಾಜೀನಾಮೆ ನೀಡಿದ ತಕ್ಷಣವೇ ಕಾಂಗ್ರೆಸ್ ಸೇರಿದಂತೆ ಹಲವು ಸ್ಥಳೀಯ ಪಕ್ಷಗಳು ತಮ್ಮನ್ನು ಸಂಪರ್ಕಿಸಿ ಆಹ್ವಾನ ನೀಡಿದ್ದರೂ ಯಾವು ಈ ಆಫರ್​ಗಳನ್ನು ನಿರಾಕರಿಸಿದ್ದೆ. ಆದಾಗ್ಯೂ, ಆಗಸ್ಟ್​ 17 ರಂದು ವಿಜಯ್ ಅವರ ಟಿವಿಕೆ ಕಚೇರಿಯಿಂದ ಬಂದ ಕರೆಯ ನಂತರ, ಪಕ್ಷದ ನಾಯಕರು ಹಾಗೂ ನಟಿ ಪ್ರಿಯಾಂಕಾ ಅವರನ್ನೊಳಗೊಂಡ ತಂಡವು ದೇವನ್ ಅವರ ನಿವಾಸಕ್ಕೆ ಭೇಟಿ ನೀಡಿ ಸುಮಾರು ಮೂರು ಗಂಟೆಗಳ ಕಾಲ ಸುದೀರ್ಘ ಚರ್ಚೆ ನಡೆಸಿರುವುದಾಗಿ ತಿಳಿಸಿದ್ದಾರೆ.

ಐಡಿಯಾಲಜಿ ಹೊಂದಾಣಿಕೆ ಮತ್ತು ರಾಜಕೀಯ ಪರ್ಯಾಯ

ತಮ್ಮ ಹಾಗೂ ನಟ ವಿಜಯ್ ಅವರ ಆಲೋಚನೆಗಳು, ಸಿದ್ಧಾಂತ, ಕಾರ್ಯಕ್ರಮಗಳು ಮತ್ತು ಸಮಾಜಸೇವೆಯ ಬದ್ಧತೆ ಒಂದೇ ರೀತಿಯಾಗಿದೆ ಎಂದು ದೇವನ್ ಅಭಿಪ್ರಾಯಪಟ್ಟಿದ್ದಾರೆ. ಕೇರಳದ ಪ್ರಸ್ತುತ ರಾಜಕೀಯ ಪರಿಸ್ಥಿತಿಯಲ್ಲಿ ಎಲ್‌ಡಿಎಫ್ (LDF), ಯುಡಿಎಫ್ (UDF) ಮತ್ತು ಬಿಜೆಪಿ ಪಕ್ಷಗಳ ಆಡಳಿತದಿಂದ ಜನರು ತೀವ್ರ ನಿರಾಶೆಗೊಂಡಿದ್ದಾರೆ.
ಹಾಗಾಗಿ ರಾಜ್ಯದ ಜನರು ಹೊಸ ಹಾಗೂ ಭರವಸೆಯ ರಾಜಕೀಯ ಪರ್ಯಾಯ ವ್ಯವಸ್ಥೆಯನ್ನು ಎದುರು ನೋಡುತ್ತಿದ್ದಾರೆ. ಯುವಜನತೆಯಲ್ಲಿ ಹಾಗೂ ವಿದ್ಯಾರ್ಥಿಗಳಲ್ಲಿ ವಿಜಯ್​ ಅವರಿಗೆ ಇರುವ ಅಪಾರ ಜನಪ್ರಿಯತೆ ಮತ್ತು ಕ್ರೇಜ್​ ಟಿವಿಕೆ ಪಕ್ಷದ ಬೆಳವಣಿಗೆಗೆ ರಾಜ್ಯದಲ್ಲಿ ಬಹುದೊಡ್ಡ ಬಲ ತಂದುಕೊಡಲಿದೆ ಎಂಬುದು ಅವರ ಬಲವಾದ ನಂಬಿಕೆಯಾಗಿದೆ.

ಚೆನ್ನೈನಲ್ಲಿ ಅಂತಿಮ ನಿರ್ಧಾರ

ಸಿನಿಮಾ ರಂಗದಲ್ಲೂ ನಟ ವಿಜಯ್ ಅವರೊಂದಿಗೆ ಆರಕ್ಕೂ ಹೆಚ್ಚು ಚಿತ್ರಗಳಲ್ಲಿ ಖಳನಾಯಕನ ಪಾತ್ರಗಳಲ್ಲಿ ನಟಿಸಿರುವ ದೇವನ್​ ಅವರೊಂದಿಗೆ ವೈಯಕ್ತಿಕ ಬಾಂಧವ್ಯ ಹೊಂದಿದ್ದಾರೆ. ನಡೆಯಲ್ಲಿರುವ ಅಸೆಂಬ್ಲಿ ಅಧಿವೇಶನ ಮುಗಿದ ನಂತರ ಅಂದರೆ ಸೆಪ್ಟೆಂಬರ್​ 10 ರ ಬಳಿಕ ದೇವನ್​ ಚೆನ್ನೈಗೆ ತೆರಳಲಿದ್ದಾರೆ. ಅಲ್ಲಿ ವಿಜಯ್ ಅವರೊಂದಿಗೆ ನಡೆಯುವ ಮುಖಾಮುಖಿ ಸಭೆಯ ಬಳಿಕ, ಟಿವಿಕೆ ಕೇರಳ ರಾಜ್ಯ ಘಟಕದ ಅಧ್ಯಕ್ಷರಾಗಿ ಅಧಿಕೃತವಾಗಿ ಜವಾಬ್ದಾರಿ ವಹಿಸಿಕೊಳ್ಳುವ ಬಗ್ಗೆ ಅಂತಿಮ ತೀರ್ಮಾನ ಹಾಗೂ ಅಧಿಕೃತ ಘೋಷಣೆ ಹೊರಬೀಳಲಿದೆ (ಏಜೆನ್ಸೀಸ್​).
ThalapathyVijay
TVK
keralapolitics
vijaytvk
bjpkerala
actordevan
tamilagavettrikazhagam
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net