ಬಿಲಿಯನ್‌ ಡಾಲರ್ ಆಸ್ತಿ ಇದ್ದರೂ ಸಾಮಾನ್ಯ ಬಸ್‌ನಲ್ಲಿ ಪ್ರಯಾಣ: ಬಸ್ ಜರ್ನಿ ವೀಡಿಯೋ ವೈರಲ್!

ಫೋರ್ಬ್ಸ್ ಪಟ್ಟಿಯ ಪ್ರಕಾರ, ಅವರ ನೆಟ್ ವರ್ತ್ 5.9 ಬಿಲಿಯನ್ ಡಾಲರ್‌ಗಳಷ್ಟು (ಸುಮಾರು 50,೦೦೦ ಕೋಟಿ) ಇದ್ದರೂ, ಈ ವೀಡಿಯೋ ಅವರ ವಿನಯಶೀಲತೆ ಮತ್ತು ಸಾಮಾನ್ಯರೊಂದಿಗಿನ ಸಂಪರ್ಕವನ್ನು ತೋರಿಸುತ್ತದೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.

ಟಿಕ್‌ಟಾಕ್ ಬಳಕೆದಾರ ಸಜ್ಜಾದ್ ಫರ್ದೇಸ್ ಶೇರ್ ಮಾಡಿದ ಈ ವೀಡಿಯೋದಲ್ಲಿ, ಯುಸುಫ್ ಅಲಿ ದುಬೈಯ ಸಾರ್ವಜನಿಕ ಬಸ್‌ಗೆ ಏರಿ, ಡ್ರೈವರ್‌ನೊಂದಿಗೆ ಹಿಂದಿಯಲ್ಲಿ ಸೌಹಾರ್ದಪೂರ್ವಕವಾಗಿ ಮಾತಾಡುತ್ತ ಕಾಣುತ್ತಾರೆ. ಅವರು ಡ್ರೈವರ್ ಮುಖವನ್ನುನೋಡಿ, "ಕೈಸೆ ಹೋ? ಥೀಕ್ ಹೋ?" (ಹೇಗಿದ್ದೀರಿ? ಚೆನ್ನಾಗಿದ್ದೀರಾ?) ಎಂದು ಕೇಳಿ, ಕೈಕೊಡುತ್ತಾರೆ. ಈ ಸರಳ ಕ್ಷಣವೇ ಸೋಷಿಯಲ್ ಮೀಡಿಯಾದಲ್ಲಿ ಸೂಪರ್​ ಸ್ಪೀಡ್​ ಆಗಿ ವೈರಲ್​ ಆಗಿದೆ. ಬಿಲಿಯನೇರ್ ಆಗಿರುವುದರಿಂದ ಲಕ್ಷಾಂತರ ಕಾರ್‌ಗಳು ಅಥವಾ ಪ್ರೈವೇಟ್ ಜೆಟ್‌ಗಳನ್ನು ಹೊಂದಿರುವ ಸಾಧ್ಯತೆ ಇದ್ದರೂ, ಸಾರ್ವಜನಿಕ ಬಸ್ ಬಳಸುವುದು ಅವರ ಸರಳತೆಗೆ ಸಾಕ್ಷಿಯಾಗಿದೆ.

ಕೇರಳದ ಕೊಯ್ನಾಡ್ ಗ್ರಾಮದಲ್ಲಿ ಜನಿಸಿದ ಯುಸುಫ್ ಅಲಿ, ಲುಲು ಗ್ರೂಪ್ ಇಂಟರ್ನ್ಯಾಷನಲ್‌ನ ಅಧ್ಯಕ್ಷ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್. ಈ ಕಂಪನಿ ಗಲ್ಫ್ ಪ್ರದೇಶ ಮತ್ತು ಭಾರತದಲ್ಲಿ 256 ಹೈಪರ್‌ಮಾರ್ಕೆಟ್‌ಗಳು ಮತ್ತು ಮಾಲ್‌ಗಳನ್ನು ನಿರ್ವಹಿಸುತ್ತದೆ. ಅವರು ರಿಟೈಲ್ ಮತ್ತು ಹಾಸ್ಪಿಟಾಲಿಟಿ ಕ್ಷೇತ್ರದಲ್ಲಿ ದೊಡ್ಡ ಉದ್ಯಮಿಯಾಗಿ ಗುರುತಿಸಿಕೊಂಡಿದ್ದಾರೆ,(ಏಜೆನ್ಸೀಸ್​).