ವಿಮಾನವೋ ಅಥವಾ ಹಳ್ಳಿ ಬಸ್ಸೋ?; ಭಾರತೀಯ ಪ್ರಯಾಣಿಕರ ನೈರ್ಮಲ್ಯದ ಬಗ್ಗೆ ಬ್ಲಾಗರ್ ಹೇಳಿದ್ದಿಷ್ಟು!..Flight Cleanliness

ಇದು ಕೇವಲ ಬ್ಯಾಂಕಾಕ್ ವಿಮಾನವೊಂದರ ಸಮಸ್ಯೆಯಲ್ಲ. ನಾನು ಪ್ರತಿ ಬಾರಿಯೂ ವಿಮಾನಗಳಲ್ಲಿ ಪ್ರಯಾಣಿಕರು ಬಿಟ್ಟುಹೋದ ಕಸವನ್ನು ನೋಡುತ್ತೇನೆ. ವಯಸ್ಕರು ಸಹ ಹೀಗೆಯೇ ಮಾಡುತ್ತಾರೆ, ಅದರಲ್ಲೂ ವಿಶೇಷವಾಗಿ ಭಾರತೀಯರು ಹೆಚ್ಚಿರುವ ವಿಮಾನಗಳಲ್ಲಿ ಇದು ಜಾಸ್ತಿ. ಆಮೇಲೆ ಭಾರತೀಯರನ್ನು ಗುರಿ ಮಾಡಿ ಮಾತನಾಡಲಾಗುತ್ತಿದೆ ಎಂದು ನಾವು ಹಲುಬುತ್ತೇವೆ ಎಂದು ಹೇಳಿಕೊಂಡಿದ್ದಾರೆ.

ಇದನ್ನು ಓದಿ: 'ನೀನು ಕಪ್ಪು, ನಂಗೆ ಸೂಟ್​ ಆಗೋಲ್ಲ' ಎನ್ನುತ್ತಲೇ ಪತಿ ಕೊಲೆಗೆ ಸುಪಾರಿ ಕೊಟ್ಟವಳು ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದು ಹೇಗೆ ಗೊತ್ತಾ?..MP Murder

ಈ ವಿಮಾನದ ಸ್ಥಿತಿ ನೋಡಿದರೆ ನಾನು ವಾಣಿಜ್ಯ ವಿಮಾನದಲ್ಲಿದ್ದೇನೋ ಅಥವಾ ಭಾರತದ ಯಾವುದೋ ಹಳ್ಳಿಯ ಸರ್ಕಾರಿ ಬಸ್ಸಿನಲ್ಲಿದ್ದೇನೋ ಎಂದು ಅನ್ನಿಸುವಂತಿತ್ತು. ಏನೇ ಇರಲಿ, ಎಲ್ಲೇ ಆಗಲಿ ಕಸ ಎಸೆಯುವುದು ಅತ್ಯಂತ ನಾಚಿಕೆಗೇಡಿನ ಸಂಗತಿ. ಇಂತಹ ವರ್ತನೆಗಳು ವಿಮಾನ ಹಾರಾಟ ವಿಳಂಬವಾಗಲು ಕೂಡ ಕಾರಣವಾಗುತ್ತವೆ ಎಂದು ಹೇಳಿದ್ದಾರೆ.

ಒಮ್ಮೆ ನಾನು ಪ್ರಯಾಣಿಸುವಾಗಲೇ ವಿಮಾನದ ಶೌಚಾಲಯವೊಂದನ್ನು ನೋಡಿದೆ. ಅಲ್ಲಿ ವ್ಯಕ್ತಿಯೊಬ್ಬ ನೆಲದ ತುಂಬೆಲ್ಲಾ ಮೂತ್ರ ವಿಸರ್ಜನೆ ಮಾಡಿ, ಟಿಶ್ಯೂ ಪೇಪರ್‌ಗಳು ಎಲ್ಲೆಂದರಲ್ಲಿ ಬಿಸಾಡಿದ್ದ. ಅದು ಒದ್ದೆಯಾಗಿತ್ತು. ಅದನ್ನು ವಿಮಾನದ ಸಿಬ್ಬಂದಿಯೊಬ್ಬರು ಅದನ್ನು ತನ್ನ ಕೈಯಾರೆ ಸ್ವಚ್ಛಗೊಳಿಸಬೇಕಾಯಿತು. ಅವರ ಸ್ಥಿತಿ ನೋಡಿ ನನಗೆ ತುಂಬಾ ಬೇಸರವಾಯಿತು ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ವಿಮಾನ ಸಿಬ್ಬಂದಿ ಕಸ ಗುಡಿಸುವವರಲ್ಲ. ಅವರು ಕಠಿಣ ತರಬೇತಿ ಮತ್ತು ಕೌಶಲ್ಯಗಳ ಮೂಲಕ ಈ ಹುದ್ದೆಯನ್ನು ಆಯ್ಕೆ ಮಾಡಿಕೊಂಡಿರುತ್ತಾರೆ. ನೀವು ಮಾಡುವ ಗಲೀಜನ್ನು ಅವರು ಬಾಚಬೇಕು ಎಂದು ನಿರೀಕ್ಷಿಸುವುದು ತಪ್ಪು ಎಂದು ಸಂಧ್ಯಾ ಪ್ರತಿಪಾದಿಸಿದ್ದಾರೆ. ಎಲ್ಲೆಂದರಲ್ಲಿ ಕಸ ಎಸೆಯುವುದು ಅತ್ಯಂತ ನಾಚಿಕೆಗೇಡಿನ ಸಂಗತಿ. ಜನರಿಗೆ ಸಿವಿಕ್ ಸೆನ್ಸ್​ ಅನ್ನೋದೆ ಇಲ್ಲ ಎಂದು ಕಿಡಿಕಾರಿದ್ದಾರೆ. (ಏಜೆನ್ಸೀಸ್​)