ಶೌಚಾಲಯದ ಶಿಷ್ಟಾಚಾರ ಗೊತ್ತಿಲ್ಲದಿದ್ದರೆ ವಂದೇ ಭಾರತ್ ಹತ್ತಬೇಡಿ! ರೈಲ್ವೆ ಅಧಿಕಾರಿಯ ಖಡಕ್ ಎಚ್ಚರಿಕೆ.. | Vande Bharat

ಹೌದು, ಭಾರತೀಯ ರೈಲ್ವೆಯ ಮುಖ್ಯ ಯೋಜನಾ ವ್ಯವಸ್ಥಾಪಕ ಅನಂತ್ ರೂಪನಗುಡಿ ಅವರು ತಮ್ಮ ಎಕ್ಸ್​ ಖಾತೆಯಲ್ಲಿ ಈ ಬಗ್ಗೆ ಹಂಚಿಕೊಂಡಿದ್ದಾರೆ. "ಸಾರ್ವಜನಿಕರು ಈ ಅತ್ಯಾಧುನಿಕ ರೈಲುಗಳನ್ನು ಬಳಸುವಾಗ ಜವಾಬ್ದಾರಿಯಿಂದ ವರ್ತಿಸಬೇಕು. ವಿಶೇಷವಾಗಿ ಶೌಚಾಲಯದ ಬಳಕೆ ಮತ್ತು ಸ್ವಚ್ಛತೆಯನ್ನು ಕಾಪಾಡುವ ಕನಿಷ್ಠ ಜ್ಞಾನವಿದ್ದರೆ ಮಾತ್ರ ಇಂತಹ ರೈಲುಗಳಲ್ಲಿ ಪ್ರಯಾಣಿಸಲು ಮುಂದಾಗಿ" ಎಂಬರ್ಥದ ಹೇಳಿಕೆ ನೀಡಿದ್ದಾರೆ.

ರೈಲ್ವೆ ಇಲಾಖೆಯು ಕೋಟ್ಯಂತರ ರೂಪಾಯಿ ವೆಚ್ಚದಲ್ಲಿ ಈ ಹೈಟೆಕ್ ರೈಲುಗಳನ್ನು ನಿರ್ಮಿಸುತ್ತಿದೆ. ಇದರಲ್ಲಿ 'ಬಯೋ-ವ್ಯಾಕ್ಯೂಮ್' ಶೌಚಾಲಯಗಳು ಸೇರಿದಂತೆ ವಿಮಾನ ಮಾದರಿಯ ಸೌಲಭ್ಯಗಳಿವೆ. ಆದರೆ, ಅನೇಕ ಪ್ರಯಾಣಿಕರು ಶೌಚಾಲಯದಲ್ಲಿ ಪ್ಲಾಸ್ಟಿಕ್ ಬಾಟಲಿಗಳು, ಗುಟ್ಕಾ ಪ್ಯಾಕೆಟ್ ಮತ್ತು ಕಸವನ್ನು ಹಾಕುವುದರಿಂದ ತಾಂತ್ರಿಕ ಸಮಸ್ಯೆಗಳು ಎದುರಾಗುತ್ತಿವೆ. ಇದರಿಂದಾಗಿ ರೈಲುಗಳ ನಿರ್ವಹಣೆ ಕಷ್ಟವಾಗುತ್ತಿದೆ ಎಂಬುದು ಅಧಿಕಾರಿಯ ಅಸಮಾಧಾನವಾಗಿತ್ತು. "ನೀವು ಶೌಚಾಲಯದ ಶಿಷ್ಟಾಚಾರಗಳನ್ನು (Toilet Manners) ಕಲಿಯದಿದ್ದರೆ, ಈ ಪ್ರೀಮಿಯಂ ಸೇವೆಗಳನ್ನು ಹಾಳು ಮಾಡಬೇಡಿ" ಎಂಬುದು ಅವರ ನೇರವಾಗಿ ಹೇಳಿದ್ದಾರೆ.

ಈ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧ ವ್ಯಕ್ತವಾಗುತ್ತಿದೆ. ಹೌದು, ಸಾರ್ವಜನಿಕ ಆಸ್ತಿಯನ್ನು ಉಳಿಸುವುದು ನಮ್ಮೆಲ್ಲರ ಜವಾಬ್ದಾರಿ. ಎಷ್ಟೇ ದುಬಾರಿ ರೈಲು ಬಂದರೂ ಜನರು ಸ್ವಚ್ಛತೆ ಕಾಪಾಡದಿದ್ದರೆ ಪ್ರಯೋಜನವಿಲ್ಲ. ಟಿಕೆಟ್ ಖರೀದಿಸಿ ಪ್ರಯಾಣಿಸುವ ಪ್ರಯಾಣಿಕರನ್ನು ಅವಮಾನಿಸುವುದು ಸರಿಯಲ್ಲ. ಜನರಿಗೆ ಅರಿವು ಮೂಡಿಸಬೇಕೇ ಹೊರತು, ಈ ರೀತಿ ಷರತ್ತು ವಿಧಿಸುವುದು ತಪ್ಪು ಎಂದು ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಈ ರೈಲುಗಳನ್ನು ದೂರದ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾಗಿದ್ದು, ರಾಜಧಾನಿ ಎಕ್ಸ್‌ಪ್ರೆಸ್‌ಗಿಂತಲೂ ಹೆಚ್ಚಿನ ವೇಗ ಮತ್ತು ಸೌಕರ್ಯವನ್ನು ಹೊಂದಿವೆ. ಆಟೋಮ್ಯಾಟಿಕ್ ಬಾಗಿಲುಗಳು, ಸೆನ್ಸರ್ ಆಧಾರಿತ ನಲ್ಲಿಗಳು ಮತ್ತು ಅತ್ಯುತ್ತಮ ಲೈಟಿಂಗ್ ವ್ಯವಸ್ಥೆ ಇದರಲ್ಲಿದೆ. ಒಟ್ಟಾರೆಯಾಗಿ, ಆಧುನಿಕ ಸೌಲಭ್ಯಗಳನ್ನು ನೀಡುತ್ತಿರುವ ರೈಲ್ವೆ ಇಲಾಖೆ, ಪ್ರಯಾಣಿಕರಿಂದಲೂ ಅಷ್ಟೇ ಸುಸಂಸ್ಕೃತ ನಡವಳಿಕೆಯನ್ನು ನಿರೀಕ್ಷಿಸುತ್ತಿದೆ,(ಏಜೆನ್ಸೀಸ್​).