ಲಾಡು ತಯಾರಿಕೆಯಲ್ಲಿ ಟಾಯ್ಲೇಟ್​ ಕ್ಲೀನರ್​: ಇದೊಂದು ವ್ಯವಸ್ಥಿತ ಪಿತೂರಿ ಎಂದ ಸಿಎಂ ನಾಯ್ಡು; ಸಿಬಿಐ ಕ್ಲೀನ್​ಚೀಟ್​​ ಮುಂದಿಟ್ಟ ವೈಎಸ್‌ಆರ್‌ ಕಾಂಗ್ರೆಸ್​​ | Tirupati Laddu

ಆಂಧ್ರಪ್ರದೇಶ: ಪ್ರಸಿದ್ಧ ತಿರುಪತಿ ದೇವಸ್ಥಾನದ ಲಡ್ಡು (Tirupati Laddu) ತಯಾರಿಸಲು ಕಲಬೆರಕೆ ಪದಾರ್ಥಗಳನ್ನು ಬಳಸಲಾಗಿದೆ ಎಂಬ ಆರೋಪಗಳು ಹೊರಬಿದ್ದ ಬೆನ್ನಲ್ಲೇ, ಆಂಧ್ರಪ್ರದೇಶದ ಮುಖ್ಯಮಂತ್ರಿ ಎನ್. ಚಂದ್ರಬಾಬು ನಾಯ್ಡು, ಮಾಜಿ ಮುಖ್ಯಮಂತ್ರಿ ಜಗನ್ ಮೋಹನ್ ರೆಡ್ಡಿ ಅವರ ವೈಎಸ್ಆರ್ ಕಾಂಗ್ರೆಸ್ ವಿರುದ್ಧ ತಿರುಗೇಟು ನೀಡಿದ್ದಾರೆ.

ಸುದ್ದಿ ಸಂಸ್ಥೆಯೊಂದಿದೆ ಮಾತನಾಡಿದ ಸಿಎಂ, ತಿರುಪತಿ ಲಾಡು ವಿವಾದ ಒಂದು ಉದ್ದೇಶಪೂರ್ವಕ ಪಿತೂರಿಯಾಗಿದ್ದು, ಈ ಆರೋಪಕ್ಕೆ ಹಿಂದಿನ ಜಗನ್​ ನೇತೃತ್ವದ ವೈಎಸ್ಆರ್ ಕಾಂಗ್ರೆಸ್ ಸರ್ಕಾರವೇ ಕಾರಣವೆಂದು ಅವರು ಹೇಳಿದ್ದಾರೆ. ತಿಳಿಯದೆ ತಪ್ಪು ಮಾಡಿದರೆ ಅದನ್ನು ಕ್ಷಮಿಸಬಹುದು, ಆದರೆ ಇದೊಂದು ವ್ಯವಸ್ಥಿತ ಪಿತೂರಿಯಾಗಿದ್ದು, ಉದ್ದೇಶಪೂರ್ವಕವಾಗಿ ಮಾಡಿದ ಅಪರಾಧವಾಗಿದೆ ಎಂದು ಮುಖ್ಯಮಂತ್ರಿ ತಿಳಿಸಿದ್ದಾರೆ.

ಇದಕ್ಕೂ ಮೊದಲು, ಆಂಧ್ರದಲ್ಲಿ ಜಗನ್​ ಸರ್ಕಾರ ತಿರುಪತಿ ಲಾಡುಗಳನ್ನು ತಯಾರಿಸಲು, ಟಾಯ್ಲೆಟ್​ ಕ್ಲಿನರ್​ಗಳನ್ನು ಬಳಸುತ್ತಿತ್ತು ಎಂದು ಆರೋಪಿಸಿತ್ತು. ಜಗನ್​ ಸರ್ಕಾರವು ವೆಂಕಟೇಶ್ವರ ಸ್ವಾಮಿಯ ಪಾವಿತ್ರ್ಯತೆಯ ಜತೆಗೆ ಭಕ್ತರ ಭಾವನೆ ಮತ್ತು ಆರೋಗ್ಯದ ಜೊತೆ ಚೆಲ್ಲಾಟ ಆಡಿದ್ದಾರೆ ಎಂದು ಆರೋಪಿಸಿದ್ದಾರೆ.

ಮುಖ್ಯಮಂತ್ರಿ ಚಂದ್ರಬಾಬು ಅವರ ಈ ಹೇಳಿಕೆಗಳಿಗೆ ತಿರುಗೇಟು ನೀಡಿರುವ ವೈಎಸ್‌ಆರ್‌ಸಿಪಿ, ಕೇಂದ್ರದಲ್ಲಿ ಬಿಜೆಪಿ ಜೊತೆ ಮೈತ್ರಿ ಮಾಡಿಕೊಂಡಿರುವ ಟಿಡಿಪಿ ಪಕ್ಷದ ನಾಯಕ ನಾಯ್ಡು , ರಾಮ ಮಂದಿರದ ಪ್ರಾಣ ಪ್ರತಿಷ್ಠಾಪಣೆಗೆ ಈ ಕಲಬೆರಿಕೆ ಲಡ್ಡುಗಳನ್ನೇ ಕಳುಹಿಸಿ ಕೊಟ್ಟಿದ್ದರು ಎಂದು ತಿರುಗೇಟನ್ನ ನೀಡಿದೆ.

ನಮ್ಮ ಅವಧಿಯಲ್ಲಿ ತಿರುಪತಿ ಲಡ್ಡುಗಳಲ್ಲಿ ಯಾವುದೇ ಕಲಬೆರಿಕೆ ನಡೆದಿಲ್ಲ ಎಂದು ಕೇಂದ್ರೀಯ ತನಿಖಾ ದಳದ (ಸಿಬಿಐ) ವರದಿ ನೀಡಿದೆ ಎಂದು ವೈಎಸ್‌ಆರ್ ಕಾಂಗ್ರೆಸ್ ಹೇಳಿದೆ. ಆ ಸಂದರ್ಭದಲ್ಲಿ ಪ್ರಯೋಗಾಲಯದ ವರದಿಗಳು ತಮ್ಮ ಪಕ್ಷದ ವಿರುದ್ಧ ಬರದಂತೆ ಜಗನ್ ಮೋಹನ್ ರೆಡ್ಡಿ ಚಿಕ್ಕಪ್ಪ ವೈವಿ ಸುಬ್ಬಾ ರೆಡ್ಡಿ ಕುತಂತ್ರ ನಡೆಸಿದ್ದಾರೆ ಎಂದು ಟಿಡಿಪಿ ಮುಖ್ಯಸ್ಥ ಆರೋಪಿಸಿದ್ದಾರೆ.

ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ರಾಜ್ಯಸಭಾ ಸಂಸದ ಸುಬ್ಬಾ ರೆಡ್ಡಿ, ಒಂದು ವೇಳೆ ನಾನು ತಪ್ಪನ್ನು ಮಾಡಿದ್ದರೆ ಮಾದರಿಗಳ ಪರೀಕ್ಷೆ ನಡೆಸಲು ನಾನೇ ಯಾಕೆ ಮೊದಲು ಪತ್ರ ಬರೆಯುತ್ತಿದೆ ಎಂದು ಅವರು ಪ್ರಶ್ನಿಸಿದ್ದಾರೆ,(ಏಜನ್ಸೀಸ್​).