ದೇಶ

ಮಾರ್ಚ್​ 3ರಂದು 10 ಗಂಟೆಗಳ ಕಾಲ ತಿರುಪತಿ ದೇವಸ್ಥಾನದ ಬಾಗಿಲು ಬಂದ್! Tirupati Temple

ತಿರುಪತಿಯ ಪ್ರಖ್ಯಾತ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ
ತಿರುಪತಿಯ ಪ್ರಖ್ಯಾತ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನ
Published on: 

ಪ್ರಮುಖ ಮುಖ್ಯಾಂಶಗಳು

  • ಮಾರ್ಚ್ 3ರಂದು ಸಂಭವಿಸಲಿರುವ ಚಂದ್ರ ಗ್ರಹಣ ಪ್ರಯುಕ್ತ ತಿರುಪತಿ ದೇವಸ್ಥಾನ ಬಂದ್​
  • ಸುಮಾರು 10 ಗಂಟೆಗೂ ಹೆಚ್ಚು ಕಾಲ ದೇವಾಲಯದ ಬಾಗಿಲನ್ನು ಮುಚ್ಚಲಾಗುತ್ತದೆ
  • ಬೆಳಗ್ಗೆ 9 ಗಂಟೆಯಿಂದ ಸಂಜೆ 7.30ರ ವರೆಗೆ ಮಂದಿರದಲ್ಲಿ ದರ್ಶನಕ್ಕೆ ಅವಕಾಶ ಇರುವುದಿಲ್ಲ
ತಿರುಪತಿ: ಮಾರ್ಚ್ 3ರಂದು ಸಂಭವಿಸಲಿರುವ ಚಂದ್ರ ಗ್ರಹಣ ಪ್ರಯುಕ್ತ ತಿರುಪತಿಯ ಪ್ರಖ್ಯಾತ ವೆಂಕಟೇಶ್ವರ ಸ್ವಾಮಿ ದೇವಸ್ಥಾನವನ್ನು ( Tirupati Temple ) 10 ಗಂಟೆಗೂ ಹೆಚ್ಚು ಕಾಲ ಮುಚ್ಚಲಾಗುವುದೆಂದು ದೇವಾಲಯ ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.
ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 7.30ರ ವರೆಗೆ ಮಂದಿರದಲ್ಲಿ ದರ್ಶನಕ್ಕೆ ಅವಕಾಶ ಇರುವುದಿಲ್ಲ ಎಂದಿದ್ದಾರೆ. ಗ್ರಹಣ ಅವಧಿ ಮುಗಿದ ಮೇಲೆ, ‘ಶುದ್ಧಿ’ಯ ನಂತರ ವಷ್ಟೇ ಭಕ್ತರಿಗಾಗಿ ದೇವಾಲಯವನ್ನು ತೆರೆಯಲಾಗುವುದೆಂದು ಹೇಳಿಕೆ ತಿಳಿಸಿದೆ.
ಆ ದಿನದ ಕೆಲವು ಸೇವೆಗಳಾದ ಅಷ್ಟದಳ ಪಾದ ಪದ್ಮಾರಾಧನ, ಕಲ್ಯಾಣೋತ್ಸವ, ಉಂಜಲ್ ಸೇವೆ, ಅರ್ಜಿತ ಬ್ರಹ್ಮೋತ್ಸವ, ಸಹಸ್ರ ದೀಪಾಲಂಕಾರ ಸೇವೆ ಇತ್ಯಾದಿ ರದ್ದುಗೊಂಡಿವೆ.
ಮಾರ್ಚ್ 3ರಂದು ಮಧ್ಯಾಹ್ನ 3.20ರಿಂದ ಸಂಜೆ 6.47ರ ವರೆಗೆ ಚಂದ್ರ ಗ್ರಹಣ ನಡೆಯುವ ನಿರೀಕ್ಷೆಯಿದೆ.

ಚಂದ್ರಗ್ರಹಣ ಎಲ್ಲೆಲ್ಲಿ ಗೋಚರವಾಗುತ್ತದೆ?

ಸಂಪೂರ್ಣವಾಗಿ ಗೋಚರಿಸುವ ಪ್ರದೇಶಗಳು

ಪೂರ್ವ ಏಷ್ಯಾ (ಚೀನಾ, ಜಪಾನ್, ಕೊರಿಯಾ ಮುಂತಾದವು), ಆಗ್ನೇಯ ಏಷ್ಯಾ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಪೆಸಿಫಿಕ್ ಮಹಾಸಾಗರ, ಪಶ್ಚಿಮ ಉತ್ತರ ಅಮೆರಿಕಾ (ಅಲಾಸ್ಕಾ, ಹವಾಯಿ, ಪಶ್ಚಿಮ ಕರಾವಳಿ USA).

ಭಾಗಶಃ ಗ್ರಹಣ ಗೋಚರಿಸುವ ಪ್ರದೇಶಗಳು

ಭಾರತದಲ್ಲಿ (ಪೂರ್ವ ಭಾಗಗಳು ಮತ್ತು ಪಶ್ಚಿಮ ಭಾಗಗಳಲ್ಲಿ ಸಂಜೆ ಚಂದ್ರೋದಯದ ನಂತರ ಭಾಗಶಃ ಹಂತದ ಕೊನೆಯ ಭಾಗ ಕಾಣಬಹುದು), ಪೂರ್ವ ಯುರೋಪ್, ಪಶ್ಚಿಮ ಏಷ್ಯಾ, ಉತ್ತರ ಮತ್ತು ದಕ್ಷಿಣ ಅಮೆರಿಕಾ, ಆಂಟಾರ್ಕ್ಟಿಕಾ.
ಭಾರತದಲ್ಲಿ ಪೂರ್ಣ ಹಂತ ಕಾಣುವುದಿಲ್ಲ, ಆದರೆ ಸಂಜೆ ಚಂದ್ರೋದಯದ ಸಮಯದಲ್ಲಿ ಭಾಗಶಃ ಗ್ರಹಣದ ಕೊನೆಯ ಭಾಗವನ್ನು ನೋಡಬಹುದು, (ಏಜೆನ್ಸೀಸ್​).
Tirupati
Tirupati Temple
Lunar eclipse
march 3
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net