ಮುದ್ದು ಬೆಕ್ಕಿನ ಕಾಲಲ್ಲೇ ಹೊಸ ಬೈಕ್​​ಗೆ ಬಿತ್ತು ಅದೃಷ್ಟದ ಮುದ್ರೆ!.. ಅಪಶಕುನ ಅನ್ನೋರ ಬಾಯಿ ಮುಚ್ಚಿಸಿದ ವಿಭಿನ್ನ ವಾಹನ ಪೂಜೆ; ವಿಡಿಯೋ ವೈರಲ್...Cat Blessing

ಆದರೆ, ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋವೊಂದರಲ್ಲಿ, ಒಂದು ಕುಟುಂಬವು ಈ ಸಾಂಪ್ರದಾಯಿಕ ಆಚರಣೆಗೆ ಸಂಪೂರ್ಣವಾಗಿ ಭಿನ್ನವಾಗಿ ಟ್ವಿಸ್ಟ್​ ನೀಡಿದ್ದು, ನೆಟ್ಟಿಗರನ್ನು ಹೊಟ್ಟೆ ಹುಣ್ಣಾಗುವಂತೆ ನಗಿಸಿದೆ. 

ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋದಲ್ಲಿ ಭಾರತೀಯ ಮನೆಯಲ್ಲಿ ಹೊಸ ಮೋಟಾರ್​ ಬೈಕ್​ನ್ನು ಖರೀದಿಸಿದ್ದರು. ಈ ಶುಭ ಸಂದರ್ಭವನ್ನು ಮತ್ತಷ್ಟು ವಿಶೇಷವಾಗಿಸಲು ಮತ್ತು ಅದಕ್ಕೆ ಸಾಂಪ್ರದಾಯಿಕ ಆಶೀರ್ವಾದದ ಸ್ಪರ್ಶ ನೀಡಲು ಅವನ ತಾಯಿ ಒಂದು ವಿಭಿನ್ನ ಆಲೋಚನೆ ಮಾಡಿದರು. ಸಾಮಾನ್ಯವಾಗಿ ಇಂತಹ ಆಚರಣೆಗಳಿಗೆ ಮನೆಯ ಪುಟ್ಟ ಮಕ್ಕಳನ್ನು ಬಳಸಿಕೊಳ್ಳುವುದು ಸಹಜ. ಆದರೆ, ಈ ತಾಯಿ ತಮ್ಮ ಮನೆಯ ಸಾಕು ಬೆಕ್ಕಿನ ಹೆಜ್ಜೆ ಗುರುತನ್ನು ಬೈಕ್​ ಮೇಲೆ ಮೂಡಿಸುವ ಮೂಲಕ ವಿಭಿನ್ನವಾಗಿ ಪೂಜೆ ಮಾಡಿದ್ದಾರೆ. 

ಎಕ್ಸ್​​ನಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್ ಪ್ರಕಾರ, ಪ್ರಪಂಚದ ಕೆಲವು ದೇಶಗಳಲ್ಲಿ ಅಥವಾ ಸಂಸ್ಕೃತಿಗಳಲ್ಲಿ ಬೆಕ್ಕುಗಳನ್ನು ಅಪಶಕುನ ಅಥವಾ ದುರದೃಷ್ಟದ ಸಂಕೇತ ಎಂದು ಪರಿಗಣಿಸಲಾಗುತ್ತದೆ. ಆದರೆ, ಇನ್ನು ಕೆಲವು ಸಂಸ್ಕೃತಿಗಳಲ್ಲಿ ಬೆಕ್ಕುಗಳನ್ನು ಅದೃಷ್ಟ ಮತ್ತು ಸಮೃದ್ಧಿಯ ಸಂಕೇತವಾಗಿ ನೋಡಲಾಗುತ್ತದೆ ಎಂದು ಗಮನ ಸೆಳೆದಿದ್ದಾರೆ.

ಈ ವಿಡಿಯೋದಲ್ಲಿರುವ ತಾಯಿ ಖಂಡಿತವಾಗಿಯೂ ಎರಡನೇ ವರ್ಗಕ್ಕೆ ಸೇರಿದವರಾಗಿದ್ದಾರೆ, ಅಂದರೆ ಅವರು ಬೆಕ್ಕನ್ನು ಅದೃಷ್ಟದ ದೇವತೆಯಂತೆ ಕಂಡಿದ್ದಾರೆ. ಇನ್ನು ತಮಗೆ ವಹಿಸಿದ ಈ ಅಪರೂಪದ ಜವಾಬ್ದಾರಿಯ ಬಗ್ಗೆ ಆ ಬೆಕ್ಕಿಗೂ ಯಾವುದೇ ಆಕ್ಷೇಪವಿದ್ದಂತೆ ಕಾಣಲಿಲ್ಲ ಎಂದು ಪೋಸ್ಟ್‌ನಲ್ಲಿ ತಮಾಷೆಯಾಗಿ ಬರೆಯಲಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಈ ಕ್ಷಣವನ್ನು ಆನಂದಿಸಿದ್ದಾರೆ. ಒಬ್ಬ ಬಳಕೆದಾರರು ಮೂಢನಂಬಿಕೆ ಅಥವಾ ದುರದೃಷ್ಟಕ್ಕಿಂತ ಹೆಚ್ಚಾಗಿ ಆಶೀರ್ವಾದ ಮತ್ತು ಅದೃಷ್ಟದೊಂದಿಗೆ ಸಂಬಂಧ ಹೊಂದಿರುವ ಬೆಕ್ಕನ್ನು ನೋಡುವುತ್ತಿರುವುದು ತುಂವಾ ಖುಷಿಯಾಗಿದೆ ಎಂದು ಕಾಮೆಂಟ್​ ಮಾಡಿದರೆ, ಇನ್ನೊಬ್ಬ ಬಳಕೆದಾರರು ಆಚರಣೆಯ ಸಮಯದಲ್ಲಿ ಬೆಕ್ಕು  ಸಂಪೂರ್ಣವಾಗಿ ತೃಪ್ತವಾಗಿ ಕಾಣುತ್ತದೆ ಎಂದು ಕಾಮೆಂಟ್​ ಮಾಡಿದ್ದಾರೆ (ಏಜೆನ್ಸೀಸ್​).