ಹಳೇ 5 ರೂ. ನಾಣ್ಯಗಳ ಹಿಂದೆ ಬಿದ್ದಿದ್ದೇಕೆ ಬಾಂಗ್ಲಾದೇಶಿಗರು? ದಪ್ಪ ನಾಣ್ಯದ ನಾಪತ್ತೆ ಹಿಂದಿನ ಅಸಲಿ ಕಹಾನಿ ಇದು...Five Rupee Coin

Five Rupee Coin : ಹಳೆಯ ಹಾಗೂ ತಂಬಾ ಗಟ್ಟಿಯಾದ ಐದು ರೂಪಾಯಿ ನಾಣ್ಯಗಳು 2000 ದಶಕದಲ್ಲಿ ಭಾರತದಲ್ಲಿ ಹೆಚ್ಚು ಬಳಕೆಯಲ್ಲಿದ್ದವು. ಆದರೆ, ಕೆಲವು ವರ್ಷಗಳಿಂದ ಈ ನಾಣ್ಯಗಳು ಭಾರತೀಯ ಮಾರುಕಟ್ಟೆಯಲ್ಲಿ ನಾಪತ್ತೆಯಾಗಿವೆ. ಹೇಳಬೇಕೆಂದರೆ, ಅಕ್ಷರಶಃ ಈ ನಾಣ್ಯಗಳು ಲಭ್ಯವಿಲ್ಲ.

ಬಹುಶಃ ಕೆಲವರು ಈ ನಾಣ್ಯವನ್ನು ಸಂಗ್ರಹಿಸಿ ಇಟ್ಟುಕೊಂಡಿರಬಹುದು. ಅವರ ಬಳಿ ಮಾತ್ರ ಈ ನಾಣ್ಯಗಳು ಲಭ್ಯವಿರುತ್ತವೇ. ಆದರೆ, ಭಾರತೀಯ ರಿಸರ್ವ್​ ಬ್ಯಾಂಕ್​ ಈ ನಾಣ್ಯಗಳ ಉತ್ಪಾದನೆಯನ್ನೇ ನಿಲ್ಲಿಸಿದೆ. ಹಳೆಯ ದಪ್ಪ ನಾಣ್ಯಗಳ ಹೊರತಾಗಿ ಸ್ಲಿಮ್​ ಆಗಿರುವ ಐದು ರೂಪಾಯಿ ಚಿಕ್ಕ ನಾಣ್ಯಗಳನ್ನು ಮುದ್ರಿಸುತ್ತಿದೆ. ಅಷ್ಟಕ್ಕೂ, ದಪ್ಪದಾದ ಐದು ರೂಪಾಯಿ ನಾಣ್ಯಗಳ ಮುದ್ರಣವನ್ನು ನಿಲ್ಲಿಸಿದ್ದೇಕೆ? ಆ ನಾಣ್ಯಗಳಿಂದ ಉಂಟಾಗಿದ್ದ ಸಮಸ್ಯೆಗಳೇನು? ಅನ್ನೋ ಪ್ರಶ್ನೆ ನಿಮ್ಮ ತಲೆಯಲ್ಲಿ ಮೂಡಬಹುದು. ಅದಕ್ಕೆ ಉತ್ತರ ಇಲ್ಲಿದೆ. 

ಐದು ರೂಪಾಯಿ ನಾಣ್ಯಗಳಲ್ಲಿ ಬಳಸುವ ಲೋಹದಿಂದಾಗಿ ಆರ್‌ಬಿಐ ಐದು ರೂಪಾಯಿ ನಾಣ್ಯಗಳನ್ನು ಸ್ಥಗಿತಗೊಳಿಸಿದೆ. ಈ ನಾಣ್ಯಗಳನ್ನು 5 ರೂಪಾಯಿಗಳಿಗಿಂತ ಹೆಚ್ಚು ಬೆಲೆಬಾಳುವ ಉತ್ಪನ್ನಗಳನ್ನು ತಯಾರಿಸಲು ಕರಗಿಸಬಹುದು. ಕರೆನ್ಸಿಯಲ್ಲಿನ ಲೋಹದ ಮೌಲ್ಯವನ್ನು ಅದರ ವಿತ್ತೀಯ ಮೌಲ್ಯಕ್ಕಿಂತ ಹೆಚ್ಚಿನ ಲಾಭ ಪಡೆಯಲು ಬಳಸುವುದನ್ನು ತಡೆಯುವ ನಿಯಮಗಳಿವೆ. ಐದು ರೂಪಾಯಿ ಲೋಹದ ನಾಣ್ಯಗಳ ಉತ್ಪಾದನೆಯನ್ನು ನಿಲ್ಲಿಸಲು ಆರ್‌ಬಿಐ ನಿರ್ಧರಿಸಲು ಇದು ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ.

ದಪ್ಪ ಐದು ರೂಪಾಯಿ ನಾಣ್ಯವನ್ನು ಭಾರತದಿಂದ ಅಕ್ರಮವಾಗಿ ಕಳ್ಳಸಾಗಣೆ ಮಾಡಲಾಗುತ್ತಿದೆ ಎಂದು ಗೊತ್ತಾದ ಬಳಿಕ ಅದನ್ನು ನಿಷೇಧಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಯಿತು ಎಂದು ಹೇಳಲಾಗುತ್ತದೆ. ಈ ದಪ್ಪ ನಾಣ್ಯಗಳನ್ನು ಭಾರತದಿಂದ ನೆರೆಯ ದೇಶವಾದ ಬಾಂಗ್ಲಾದೇಶಕ್ಕೆ ಹೆಚ್ಚಾಗಿ ಕಳ್ಳಸಾಗಣೆ ಮಾಡಲಾಗುತ್ತಿತ್ತು. ಅಷ್ಟಕ್ಕೂ ಈ ರೀತಿ ನಾಣ್ಯಗಳನ್ನು ಬಾಂಗ್ಲಾದೇಶಕ್ಕೆ ಏಕೆ ಕಳ್ಳಸಾಗಣೆ ಮಾಡಲಾಗುತ್ತಿದೆ ಎಂದು ತನಿಖೆ ನಡೆಸಿದಾಗ, ಅವುಗಳನ್ನು ಬಾಂಗ್ಲಾದೇಶದಲ್ಲಿ ಕರಗಿಸಲಾಗುತ್ತಿತ್ತು ಎಂಬ ಆಘಾತಕಾರಿ ಮಾಹಿತಿ ಬಯಲಾಯಿತು. 

ನಾಣ್ಯಗಳನ್ನು ಕರಗಿಸಿದ ನಂತರ, ಬ್ಲೇಡ್‌ಗಳಂತಹ ಹರಿತವಾದ ಆಯುಧಗಳನ್ನು ತಯಾರಿಸಲು ಅವುಗಳನ್ನು ಬಳಸಲಾಗುತ್ತಿತ್ತು. ಒಂದು ನಾಣ್ಯದಿಂದ ಸುಮಾರು ಐದು ಬ್ಲೇಡ್‌ಗಳನ್ನು ತಯಾರಿಸಬಹುದು. ಈ ವಿಚಾರದ ಗೊತ್ತಾದ ಬಳಿಕ ಐದು ರೂಪಾಯಿ ನಾಣ್ಯಗಳನ್ನು ರದ್ದು ಮಾಡಲಾಯಿತು ಎಂದು ಹೇಳಲಾಗುತ್ತಿದೆ.

ಅಂದಹಾಗೆ, ಭಾರತದಲ್ಲಿ ನಾಣ್ಯ ಕಳ್ಳಸಾಗಣೆ ಮಾಫಿಯಾ ದೊಡ್ಡ ಪ್ರಮಾಣದಲ್ಲಿ ಕಾರ್ಯನಿರ್ವಹಿಸುತ್ತಿತ್ತು. ಅವರು ಭಿಕ್ಷುಕರಿಂದಲೂ ಹಳೆಯ ಐದು ರೂಪಾಯಿ ನಾಣ್ಯಗಳನ್ನು ಸಂಗ್ರಹಿಸಿ ವಿದೇಶಗಳಿಗೆ ಸಾಗಿಸುತ್ತಿದ್ದರು. ತನಿಖೆಯ ನಂತರ, ನಕಲಿಗಳು ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಾಗ, ಭಾರತೀಯ ರಿಸರ್ವ್ ಬ್ಯಾಂಕ್ ಹಳೆಯ ದಪ್ಪ ನಾಣ್ಯದ ಉತ್ಪಾದನೆಯನ್ನು ನಿಲ್ಲಿಸಲು ನಿರ್ಧರಿಸಿತು ಮತ್ತು ನಂತರ ತೆಳುವಾದ ಐದು ರೂಪಾಯಿ ನಾಣ್ಯಗಳನ್ನು ಬಿಡುಗಡೆ ಮಾಡಿತು ಎಂದು ಹೇಳಲಾಗುತ್ತದೆ, (ಏಜೆನ್ಸೀಸ್​).