ಡಿವೋರ್ಸ್​ಗೆ ಅರ್ಜಿ ಸಲ್ಲಿಸಿದ ವಿಜಯ್​ ಪತ್ನಿ: ಇಳಯ ದಳಪತಿ ಸಂಸಾರದಲ್ಲಿ ಬಿರುಗಾಳಿ ಎಬ್ಬಿಸಿದ್ರಾ ಆ ನಟಿ? Thalapathy Vijay

ತಮಿಳುನಾಡು: ತಮಿಳು ಚಿತ್ರರಂಗದ ಖ್ಯಾತ ನಟ ಮತ್ತು ತಮಿಳಿಗ ವೆಟ್ರಿ ಕಳಗಂ ಪಕ್ಷದ ಅಧ್ಯಕ್ಷ ದಳಪತಿ ವಿಜಯ್ (Thalapathy Vijay)​ ಅವರಿಗೆ ಅವರ ಹೆಂಡತಿ ಸಂಗೀತಾ ವಿಚ್ಛೇದನ ಕೋರಿ ಕೌಟುಂಬಿಕ ನ್ಯಾಯಾಲಯದ ಮೇಟ್ಟಿಲೇರಿದ ಸುದ್ದಿ ಸದ್ಯ ಎಲ್ಲಾ ಕಡೆ ವೈರಲ್​ ಆಗುತ್ತಿದೆ.

ಇನ್ನೇನು ಕೆಲವೇ ತಿಂಗಳಲ್ಲಿ ನಡೆಯಲಿರುವ ತಮಿಳುನಾಡಿನ ವಿಧಾನಸಭಾ ಚುನಾವಣೆಗೆ ಭರದಿಂದ ಸಿದ್ಧತೆ ಮಾಡಿಕೊಳ್ಳುತ್ತಿದ್ದ ವಿಜಯ್​ಗೆ ಮತ್ತು ಆತನ ಲಕ್ಷಾಂತರ ಅಭಿಮಾನಿಗಳಿಗೆ ಈ ಸುದ್ದಿ ಭರ ಸಿಡಿಲಿನ ಹೊಡೆತವನ್ನು ಕೊಟ್ಟಿದೆ ಎಂದರೆ ತಪ್ಪಾಗದು.

ವಿಜಯ್​ಗೆ ಅವರ ಪತ್ನಿ ಸಂಗೀತಾ ವಿಚ್ಛೇದನ ನೀಡುವಂತೆ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದಾರೆ ಎಂಬ ಸುದ್ದಿ ಹೊರ ಬೀಳುತ್ತಿದ್ದಂತೆ ರಾಜಕೀಯ ಮತ್ತು ಸಿನಿಮಾರಂಗದಲ್ಲಿ ಭಾರಿ ಕೋಲಾಹಲ ಉಂಟಾಗಿದೆ. ಈ ಕುರಿತು ಸಾಮಾಜಿಕ ಮಾಧ್ಯಮಗಳಲ್ಲಿ ಸಹ ಭಾರಿ ಚರ್ಚೆ-ವಿಚರ್ಚೆ ನಡೆಯುತ್ತಿದ್ದು, ವಿಜಯ್​ಗೆ, ಸಂಗೀತಾ ವಿಚ್ಛೇದನ ಕೇಳಲು ಕಾರಣವೇನು ಎಂಬುದರ ಕುರಿತು ನಾನಾ ರೀತಿಯ ವದಂತಿಗಳು ಕೇಳಿ ಬರುತ್ತಿವೆ.

ನಟ ವಿಜಯ್​ ಅವರಿಗೆ ಅವರ ಹೆಂಡತಿ ವಿಚ್ಛೇದನ ಕೇಳಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಲು ಶುರುವಾದಾಗ ಬಹುತೇಕ ಜನರು.. ವಿಜಯ್​ ಆ ನಟಿ ಹಿಂದೆ ಹೋಗಿಯೇ ಹೀಗೆ ಆಗಿದ್ದು. ಹೇಗೂ ಸಂಗೀತಾಳನ್ನು ಮದುವೆಯಾಗಿದ್ದ, ದಾಂಪತ್ಯ ಜೀವನ ಸಾಂಗವಾಗಿ ನಡೆಯುತ್ತಿತ್ತು. ಸುಖಭರಿತ ಸಂಸಾರ ಎನ್ನಲಿಕ್ಕೆ ಎರಡು ಮಕ್ಕಳನ್ನು ಸಹ ಈ ದಂಪತಿಗಳು ಪಡೆದಿದ್ದರು.

ಇಷ್ಟೆಲ್ಲಾ ಇದ್ದು ವಿಜಯ್​ ಆಕೆ ಆ ನಟಿಯ ಮಾಯಾಜಾಲಕ್ಕೆ ಸಿಲುಕಿಕೊಂಡ, ಅವನಿಗೆ ಆಕೆ ಹಿಂದೆ ಹೋಗುವ ಅಗತ್ಯವಾದರು ಏನಿತ್ತು ಎಂದು ನೆಟ್ಟಿಗರು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಅನಿಸಿಕೆಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವದಂತಿ ಪ್ರಕಾರ ತಮಿಳು ನಟ ವಿಜಯ್​ ಹಾಗೂ ತಮಿಳು ನಟಿ ತ್ರಿಷಾ ಕೃಷ್ಣನ್​ ಇವರಿಬ್ಬರೂ ಬಹುಕಾಲದಿಂದ ಪರಸ್ಪರರು ಪ್ರೀತಿಯಲ್ಲಿದ್ದಾರೆ ಎಂಬ ವದಂತಿ ಹಲವಾರು ವರ್ಷಗಳಿಂದ ಕೇಳಿ ಬರುತ್ತಿದೆ.

ವಿಜಯ್​ ಮೇಲೆ ಅವಳಿಗೆ ಮನಸ್ಸಿರುವ ಕಾರಣಕ್ಕಾಗಿಯೇ ಆಕೆ ನಲವತ್ತು ದಾಟಿದರೂ ಇನ್ನೂ ಮದುವೆಯಾಗಿಲ್ಲ ಎಂಬ ಸುದ್ದಿ ನಿನ್ನೆ ಮೊನ್ನೆಯದಲ್ಲ. ಆದರೆ ಈ ಕುರಿತು ನಟ ವಿಜಯ್​ ಆಗಲಿ ಅಥವಾ ನಟಿ ತ್ರಿಷಾ ಆಗಲಿ ಯಾವತ್ತು ತಮ್ಮ ನಡುವೆ ಯಾವ ರೀತಿಯ ಸಂಬಂಧವಿದೆ ಎಂದು ಎಲ್ಲಿಯೂ ಹೇಳಿಲ್ಲ. ಹಾಗೂ ಹೀಗೆ ಹಬ್ಬತ್ತಿರುವ ವದಂತಿ ಎಲ್ಲಾ ಸುಳ್ಳು ಎನ್ನುವ ಹೇಳಿಕೆ ಸಹ ನೀಡಿಲ್ಲ.

ನಟ ವಿಜಯ್​ ಹಾಗೂ ನಟಿ ತ್ರಿಷಾ ಅವರ ಸಂಬಂಧದ ವದಂತಿ ಕೇವಲ ಸಿನಿಮಾ ರಂಗಕ್ಕೆ ಸೀಮಿತವಾಗಿರದೆ ರಾಜಕೀಯದಲ್ಲಿ ವಿಜಯ್​ ಅವರನ್ನು ಮಣಿಸಲು ಬಳಸಲಾಗಿದೆ.

ಕೆಲ ದಿನಗಳ ಹಿಂದೆ ತಮಿಳುನಾಡು ಬಿಜೆಪಿ ಅಧ್ಯಕ್ಷ ನೈನಾರ್​ ನಾಗೇಂದ್ರನ್​, ವಿಜಯ್​ ರಾಜಕೀಯಕ್ಕೆ ಹೊಸಬ, ಅವನಿಗೆ ರಾಜಕೀಯ ಏನೆಂದು ತಿಳಿದಿಲ್ಲ. ರಾಜಕೀಯ ಏನೆಂದು ತಿಳಿದಕೊಳ್ಳುವ ಮೊದಲು ಆ ನಟಿ ತ್ರಿಷಾ ಮನೆಯಿಂದ ಮೊದಲು ಹೊರಬರಬೇಕು ಎಂಬ ಹೇಳಿಕೆ ನೀಡಿದ್ದರು. ಈ ಹೇಳಿಕೆ ರಾಜಕೀಯ ವಲಯದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿ, ತ್ರಿಷಾ ಅವರ ವಕೀಲರು ಈ ಹೇಳಿಕೆಯನ್ನು ಹೊರ ತೆಗೆದುಕೊಳ್ಳಬೇಕು ಎಂದು ತಾಕೀತು ಮಾಡಿದ ನಂತರ ನಾಗೇಂದ್ರ ತಮ್ಮ ಹೇಳಿಕೆಯಿಂದ ಯಾರಿಗಾದರೂ ನೋವಾಗಿದ್ದರೆ ಕ್ಷಮೆ ಕೇಳುತ್ತೆನೆ ಎಂದು ಹೇಳಿದ್ದರು.

ನಟ ವಿಜಯ್​ ಮತ್ತು ಸಂಗೀತಾ ಮದುವೆಯಾಗಿ 27 ವರ್ಷ ಸಂಸಾರವನ್ನು ನಡೆಸಿದ್ದಾರೆ. ಈ ದಂಪತಿಗಳಿಗೆ 25 ವರ್ಷದ ಸಂಜಯ್​ ಎಂಬ ಮಗ ಮತ್ತು 20 ವರ್ಷದ ದಿವ್ಯಾ ಸಾಶಾ ಎಂಬ ಒಬ್ಬ ಮಗಳಿದ್ದಾಳೆ. ಈ ವಿಚ್ಛೇದನದ ಅರ್ಜಿ ಕುರಿತು ಇಲ್ಲಿವರೆಗೆ ವಿಜಯ್​ ಯಾವುದೇ ಹೇಳಿಕೆಯನ್ನು ನೀಡಿಲ್ಲ. ಫೆಬ್ರವರಿ 24 ರಂದು ಈ ವಿಚ್ಛೇದನದ ಅರ್ಜಿಯನ್ನು ಸಲ್ಲಿಸಲಾಗಿದ್ದು ಇ ಅರ್ಜಿಯನ್ನು ಚೆಂಗಲ್ಪಟ್ಟು ಕೌಟುಂಬಿಕ ನ್ಯಾಯಾಲಯವು ಏಪ್ರಿಲ್​ 20 ರಂದು ವಿಚಾರಣೆ ನಡೆಸಲಿದ್ದು, ಆ ದಿನ ನಟ ವಿಜಯ್​ ಖುದ್ದಾಗಿ ಹಾಜರಾಗುವಂತೆ ನ್ಯಾಯಾಲಯ ಅದೇಶಿಸಿದೆ, (ಏಜನ್ಸೀಸ್​).