ಬಂಧಿತರಿಂದ ಮೊಬೈಲ್ ಫೋನ್ಗಳು, ಡೆಬಿಟ್-ಕ್ರೆಡಿಟ್ ಕಾರ್ಡ್ಗಳು, ನಗದು ಹಣ ಹಾಗೂ ನಾಲ್ಕು ಸೆಟ್ ಅಸಲಿ ಟಿಇಟಿ ಪ್ರಶ್ನೆ ಪತ್ರಿಕೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಶಿಕ್ಷಣ ಇಲಾಖೆಯ ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಬಂದು ಪರಿಶೀಲಿಸಿದಾಗ, ವಶಪಡಿಸಿಕೊಂಡ ಪತ್ರಿಕೆಗಳು ಮರುದಿನ ನಡೆಯಬೇಕಿದ್ದ ಅಸಲಿ ಪರೀಕ್ಷಾ ಪತ್ರಿಕೆಗಳೇ ಆಗಿದ್ದವು ಎಂಬುದು ದೃಢಪಟ್ಟಿದೆ. ಆರೋಪಿಗಳು ಈ ಪ್ರಶ್ನೆ ಪತ್ರಿಕೆಯನ್ನು ಸುಮಾರು 1.5 ಕೋಟಿ ರೂಪಾಯಿಗೆ ಮಾರಾಟ ಮಾಡಲು ಸಂಚು ರೂಪಿಸಿದ್ದರು ಎಂದು ತನಿಖೆಯಿಂದ ತಿಳಿದುಬಂದಿದೆ. ಈ ಜಾಲದ ಕಿಂಗ್ಪಿನ್ ಬಿಜೇಂದರ್ ಗುಪ್ತಾ ಸೇರಿ ಇಬ್ಬರು ಸದ್ಯ ತಲೆಮರೆಸಿಕೊಂಡಿದ್ದು, ಪೊಲೀಸರು ಅವರ ಪತ್ತೆಗಾಗಿ ಬಲೆ ಬೀಸಿದ್ದಾರೆ.
