ಟಿ20 ವಿಶ್ವಕಪ್​ ಫೈನಲ್​; ಅಭಿ,ಕಿಶನ್,ಸಂಜು ಆರ್ಭಟ:​ ಭಾರತದ ರನ್ ಸುನಾಮಿ: ದುಬೆ ರುದ್ರನರ್ತನ! ಕಿವೀಸ್​ಗೆ 256 ರನ್​ಗಳ ಬೃಹತ್​ ಗುರಿ ನೀಡಿದ ​ಟೀಮ್ ಇಂಡಿಯಾ! T20 WorldCup Final

ಪಂದ್ಯದ ಅಂತಿಮ ಓವರ್‌ವರೆಗೂ ಸ್ಕೋರ್ 230ರ ಆಸುಪಾಸಿನಲ್ಲಿರಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ, ಕ್ರೀಸ್‌ನಲ್ಲಿದ್ದ ಶಿವಂ ದುಬೆ ತಮ್ಮ ದೈತ್ಯ ಶಕ್ತಿಯ ಪ್ರದರ್ಶನ ನೀಡಿದರು. ನ್ಯೂಜಿಲೆಂಡ್‌ನ ಅನುಭವಿ ಬೌಲರ್ ಎಸೆದ ಅಂತಿಮ ಓವರ್‌ನಲ್ಲಿ ದುಬೆ ಸತತ ಸಿಕ್ಸರ್ ಮತ್ತು ಬೌಂಡರಿಗಳನ್ನು ಚಚ್ಚಿ 24 ರನ್ ಕೊಳ್ಳೆ ಹೊಡೆದರು. ಈ ಒಂದು ಓವರ್ ಪಂದ್ಯದ ಚಿತ್ರಣವನ್ನೇ ಬದಲಿಸಿದ್ದು, ನ್ಯೂಜಿಲೆಂಡ್ ತಂಡದ ಗೆಲುವಿನ ಹಾದಿಯನ್ನು ಅತ್ಯಂತ ಕಠಿಣಗೊಳಿಸಿದೆ.

ಭಾರತದ ಇನ್ನಿಂಗ್ಸ್ ಇಂದು ಯಾವುದೇ ಹಂತದಲ್ಲೂ ನಿಧಾನಗತಿಗೆ ಜಾರಲಿಲ್ಲ.

ಅಭಿಷೇಕ್ ಶರ್ಮಾ ಸಿಡಿಲು: ಆರಂಭದಲ್ಲೇ 18 ಎಸೆತಗಳಲ್ಲಿ ಫಿಫ್ಟಿ ಬಾರಿಸಿ ಅಡಿಪಾಯ ಹಾಕಿದ ಅಭಿಷೇಕ್, ಅಹಮದಾಬಾದ್ ಮೈದಾನವನ್ನು ರನ್ ಮಯವಾಗಿಸಿದರು.

ಅಭಿಷೇಕ್ ಶರ್ಮಾ: ಆರಂಭದಲ್ಲೇ ಕೇವಲ 18 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ನ್ಯೂಜಿಲೆಂಡ್ ಬೌಲರ್‌ಗಳ ಆತ್ಮವಿಶ್ವಾಸವನ್ನೇ ಕುಗ್ಗಿಸಿದರು. ಇವರ ಸ್ಫೋಟಕ ಬ್ಯಾಟಿಂಗ್ ಪಂದ್ಯಕ್ಕೆ ಭರ್ಜರಿ ಅಡಿಪಾಯ ಹಾಕಿತು.

ಇಶಾನ್ ಕಿಶನ್: ಮೂರನೇ ಕ್ರಮಾಂಕದಲ್ಲಿ ಕ್ರೀಸ್‌ಗೆ ಇಳಿದ ಕಿಶನ್, 25 ಎಸೆತಗಳಲ್ಲಿ 54 ರನ್​ ಚಚ್ಚಿದರು.

ಇದನ್ನೂ ಓದಿ: ಕಿವೀಸ್​ ಬ್ಯಾಟರ್‌ಗಳ ನಿದ್ದೆಗೆಡಿಸಿದ ಆ ಆರ್ಮ್ ಬಾಲ್! ಭಾರತದ ಈ ಸ್ಪಿನ್ ಮಾಂತ್ರಿಕನ ಮುಂದೆ ಮಂಡಿಯೂರುತ್ತಾ ನ್ಯೂಜಿಲೆಂಡ್..?

ಸಂಜು ಸ್ಯಾಮ್ಸನ್: ಆರಂಭಿಕನಾಗಿ ಬಂದ ಸಂಜು, 46 ಎಸೆತಗಳಲ್ಲಿ 89 ರನ್​ಗಳಿಸಿದರು.

ಶಿವಂ ದುಬೆ 'ಫಿನಿಶಿಂಗ್' ಟಚ್: ಕೊನೆಯಲ್ಲಿ ಅಬ್ಬರಿಸಿದ ದುಬೆ, ಮೈದಾನದ ಪ್ರತಿಯೊಂದು ದಿಕ್ಕಿಗೂ ಚೆಂಡನ್ನು ಅಟ್ಟಿದರು. ಅವರ ಲಾಂಗ್-ಆನ್ ಮತ್ತು ಲಾಂಗ್-ಆಫ್ ಸಿಕ್ಸರ್‌ಗಳು ಅಭಿಮಾನಿಗಳನ್ನು ಮೈಮರೆಯುವಂತೆ ಮಾಡಿದವು.

ಈ ಮೊದಲು ಯಾವುದೇ ತಂಡವು ಟಿ20 ವಿಶ್ವಕಪ್ ಫೈನಲ್‌ನಲ್ಲಿ ಇಷ್ಟು ದೊಡ್ಡ ಮೊತ್ತವನ್ನು ಗಳಿಸಿರಲಿಲ್ಲ. ಭಾರತದ ಈ 255 ರನ್‌ಗಳ ಮೊತ್ತವು ಎದುರಾಳಿ ನ್ಯೂಜಿಲೆಂಡ್ ತಂಡಕ್ಕೆ ಮೌಂಟ್ ಎವರೆಸ್ಟ್ ಏರಿದಷ್ಟೇ ಕಠಿಣ ಸವಾಲನ್ನು ಒಡ್ಡಿದೆ.

ಭಾರತದ ಯುವ ಪಡೆಯ ಈ ಫಿಯರ್‌ಲೆಸ್ ಕ್ರಿಕೆಟ್ ಈಗ ಇಡೀ ವಿಶ್ವದ ಗಮನ ಸೆಳೆದಿದ್ದು, ಎರಡನೇ ಟಿ20 ವಿಶ್ವಕಪ್ ಟ್ರೋಫಿ ಭಾರತದ ಕೈಸೇರುವುದು ಬಹುತೇಕ ಖಚಿತವಾಗಿದೆ,(ಏಜೆನ್ಸೀಸ್).