ಮುಹೂರ್ತಕ್ಕೆ ಕುತ್ತು ತಂದ ಪೂಜಾ ಸಾಮಗ್ರಿ ಕೊರತೆ: ಮದುವೆ ಮನೆಯ ಪಾಲಿಗೆ ದೇವದೂತನಾದ ಡೆಲಿವರಿ ಬಾಯ್! Swiggy Instamart

ಸಾಮಾನ್ಯವಾಗಿ ಮದುವೆಯ ಶಾಸ್ತ್ರಗಳು ನಡೆಯುವಾಗ ಪೂಜಾ ಸಾಮಗ್ರಿಗಳು ಅಥವಾ ಅತಿಥಿಗಳಿಗೆ ಬೇಕಾದ ಪ್ರಮುಖ ವಸ್ತುಗಳು ಕೊನೆಯ ಕ್ಷಣದಲ್ಲಿ ಮರೆತು ಹೋಗುವುದು ಸಾಮಾನ್ಯ. ಅದೇ ರೀತಿ ಈ ಮದುವೆಯಲ್ಲಿ ಮುಹೂರ್ತದ ಸಮಯ ಹತ್ತಿರ ಬರುತ್ತಿದ್ದಂತೆಯೇ ಹೋಮಕ್ಕೆ ಬೇಕಿದ್ದ ಉರುವಲು ತರುವುದನ್ನು ಮರೆತಿದ್ದರು. ಇದರಿಂದ ಶಾಸ್ತ್ರಗಳು ಅರ್ಧಕ್ಕೆ ನಿಲ್ಲಬೇಕಾದ ಪರಿಸ್ಥಿತಿ ಉಂಟಾಗಿತ್ತು. ಮನೆಯವರು ಗಾಬರಿಯಾಗಿದ್ದ ಆ ಸಮಯದಲ್ಲಿ, ಯಾರೋ ಒಬ್ಬರು ಸ್ವಿಗ್ಗಿ ಇನ್‌ಸ್ಟಾಮಾರ್ಟ್ ಮೂಲಕ ಆ ವಸ್ತುವನ್ನು ಆರ್ಡರ್ ಮಾಡಿದ್ದಾರೆ.

ಇದಾದ ಕೇವಲ 10 ನಿಮಿಷಗಳಲ್ಲಿ ಸ್ವಿಗ್ಗಿ ಡೆಲಿವರಿ ರೈಡರ್ ಮದುವೆ ಮಂಟಪದ ಒಳಗೇ ಬಂದು, ಪೂಜೆಗೆ ಬೇಕಾದ ವಸ್ತುವನ್ನು ತಲುಪಿಸಿದ್ದಾರೆ. ಯಾವುದೇ ವಿಧಿವಿಧಾನಗಳು ಅಡೆತಡೆಯಿಲ್ಲದೆ ಮುಂದುವರಿಯಲು ಕುಟುಂಬ ಸದಸ್ಯರು ಶಾಸ್ತ್ರಕ್ಕೆ ಬೇಕಾದ ಪಾರ್ಸೆಲ್​​ನ್ನು ತಲುಪಿಸಿದ್ದಾರೆ.

ವೈರಲ್​ ಆದ ವೀಡಿಯೊದ ಶೀರ್ಷಿಕೆಯಲ್ಲಿ "ಇಡೀ ಮದುವೆಯೇ 10 ನಿಮಿಷಗಳ ಡೆಲಿವರಿ ಮೇಲೆ ಅವಲಂಬಿತವಾಗಿದೆ" ಎಂದು ತಮಾಷೆ ಮಾಡಲಾಗಿದ್ದು ಇದನ್ನು ನೋಡಿದ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ. ಅನೇಕರು ಆ ಡೆಲಿವರಿ ರೈಡರ್‌ನನ್ನು "ರಿಯಲ್ ವೆಡ್ಡಿಂಗ್ ಪ್ಲಾನರ್" ಎಂದು ಬಣ್ಣಿಸಿದ್ದಾರೆ.

ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆಯೇ ನೆಟ್ಟಿಗರು ಮಾತ್ರವಲ್ಲದೇ ಸ್ವತಃ ಸ್ವಿಗ್ಗಿ ಇನ್‌ಸ್ಟಾಮಾರ್ಟ್ ಕೂಡಾ ಪ್ರತಿಕ್ರಿಯಿಸಿದ್ದು, ಇನ್ನೇನಾದರೂ ಬೇಕೆ? ಈಗಲೇ ತಂದುಕೊಡುವೆ! ಎಂದು ಕಾಮೆಂಟ್​ ಮಾಡಿದೆ. ಕಂಪನಿಯ ಈ ಚುರುಕಾದ ಪ್ರತಿಕ್ರಿಯೆಯು ಗ್ರಾಹಕರೊಂದಿಗೆ ಅವರು ಹೊಂದಿರುವ ನಿಕಟ ಸಂಬಂಧ ಮತ್ತು ಸಮಯಪ್ರಜ್ಞೆಯನ್ನು ಎತ್ತಿ ತೋರಿಸಿದೆ (ಏಜೆನ್ಸೀಸ್​).