ಹೊಸ ವರ್ಷದಲ್ಲಿ ಸೂಪರ್​ಮೂನ್ ಗೋಚರ! ಈ ದಿನದಂದು ನೀವು ನೋಡಬಹುದು ಪೂರ್ಣ ಚಂದಿರ ​

ನವದೆಹಲಿ: 2026ರ ಹೊಸ್ತಿಲಿಗೆ ಕಾಲಿಟ್ಟಿರುವ ದೇಶದ ಜನತೆ, ವರ್ಷದ ಮೊದಲ ಸೂಪರ್​ಮೂನ್ ನೋಡಲು ಉತ್ಸುಕರಾಗಿದ್ದಾರೆ.​ ಹೊಸ ವರ್ಷ ಪ್ರಾರಂಭವಾದ ಮೂರನೇ ದಿನಕ್ಕೆ ಬಾಹ್ಯಾಕಾಶದಲ್ಲಿ ಮೊದಲ ಪವಾಡ ಗೋಚರಿಸಲಿದೆ.

ವುಲ್ಫ್ ಮೂನ್ ಎಂದೂ ಕರೆಯಲ್ಪಡುವ ಈ ಸೂಪರ್‌ಮೂನ್ ಜನವರಿ 3ರಂದು ಕಾಣಿಸಿಕೊಳ್ಳಲಿದೆ. ಇದು ಎಂದಿಗಿಂತ ಹೆಚ್ಚು ಪ್ರಕಾಶಮಾನವಾಗಿ ಮತ್ತು ದೊಡ್ಡ ಗಾತ್ರದಲ್ಲಿ ಗೋಚರಿಸಲಿದೆ ಎಂಬುದು ವಿಶೇಷ. ಚಂದ್ರನು ಭೂಮಿಗೆ ಸಮೀಪಿಸುತ್ತಿದ್ದಂತೆ ಸೂಪರ್​ಮೂನ್​ ರೂಪುಗೊಳ್ಳುತ್ತದೆ.

ಹುಣ್ಣಿಮೆಯ ದಿನದಂದು ಚಂದ್ರನು ಭೂಮಿಗೆ ಇನ್ನಷ್ಟು ಹತ್ತಿರವಾಗ್ತಿದ್ದಾನೆ ಎಂದಾಗ ಈ ಸೂಪರ್‌ಮೂನ್ ಸಂಭವಿಸುತ್ತದೆ. ಜನವರಿ 3ರಂದು, ಚಂದ್ರನು ಭೂಮಿಯಿಂದ ಸರಿಸುಮಾರು 3,56,500 ಕಿ.ಮೀ.ಗಳಷ್ಟು ದೂರದಲ್ಲಿರುತ್ತಾನೆ. ಇದು ಸಾಮಾನ್ಯಕ್ಕಿಂತ ಶೇ.14ರಷ್ಟು ದೊಡ್ಡದಾಗಿ ಮತ್ತು ಶೇ.30ರಷ್ಟು ಪ್ರಕಾಶಮಾನವಾಗಿ ಗೋಚರಿಸುತ್ತೆ.

ಭೂಮಿ ಮತ್ತು ಚಂದ್ರನ ನಡುವಿನ ಸರಾಸರಿ ಅಂತರ ಸುಮಾರು 3,84,400 ಕಿ.ಮೀ ಇರಲಿದೆ. ಸೂಪರ್​ಮೂನ್​ ನೋಡಲು ಸೂಕ್ತ ಸಮಯ ಸಂಜೆ 5:45ಕ್ಕೆ ಎಂಬುದು ನೆನಪಿರಲಿ,(ಏಜೆನ್ಸೀಸ್).