ನನ್ನ ದೇಹ ಮನೆಗೆ ಸೇರಿಸಿ... ಡೆತ್​​ನೋಟ್​ ಬರೆದಿಟ್ಟು ವಿದ್ಯಾರ್ಥಿ ಆತ್ಮಹತ್ಯೆ! | Death Note

ಜಾರ್ಖಂಡ್​ನ ನಿವಾಸಿ ಕೃಷ್ಣಕಾಂತ್ ಮೃತ ಎಂದು ಗುರುತಿಸಲಾಗಿದೆ. ಈತ​ ಮಾಸ್ಟರ್​ ಆಫ್​ ಕಂಪ್ಯೂಟರ್​ ಅಪ್ಲಿಕೇಶಷನ್(ಎಂಸಿಎ) ವ್ಯಾಸಂಗ ಮಾಡುತ್ತಿದ್ದನು.

ಪೊಲೀಸ್​ ಪ್ರಾಥಮಿಕ ತನಿಖೆ ಪ್ರಕಾರ, ಕೃಷ್ಣಕಾಂತ್ ರೂಮ್​ನಲ್ಲಿ ಮತ್ತೊಬ್ಬ ವಿದ್ಯಾರ್ಥಿ ಜೊತೆ ಇದ್ದನು. ಕೃಷ್ಣಕಾಂತ್​ ಶನಿವಾರ ಕಾಲೇಜಿಗೆ ಹೋಗಿರಲ್ಲಿ, ಹೊರಗಡೆ ಹೋಗಿ ಬರುವುದಾಗಿ ರೂಮ್​ಮೇಟ್​ ಹೇಳಿ ಹೊರ ನಡೆದಿದ್ದ. ಇತ್ತ ರೂಮ್​ಮೇಟ್​ ಎಂದಿನಂತೆ ಕಾಲೇಜಿಗೆ ಹೋಗಿದ್ದರು.

ಕಾಲೇಜಿನಲ್ಲಿದ್ದ ರೂಮ್​ಮೇಟ್​ಗೆ​ ಕೃಷ್ಣಕಾಂತ್ ತಂದೆ ಕರೆ ಮಾಡಿ ಬೇಗ ರೂಮ್​ಗೆ ಹೊರಡು, ಅವನು(ಕೃಷ್ಣಕಾಂತ್​) 'ಏನಾದರೂ ಮಾಡಲಿದ್ದಾನೆ' ಎಂದು ಹೇಳಿದ್ದರು. ಕೂಡಲೇ ರೂಮ್​ಮೇಟ್,​ ಕೆಲ ಹಾಸ್ಟೆಲ್​ ವಿದ್ಯಾರ್ಥಿಗಳನ್ನು ಕರೆದುಕೊಂಡ ರೂಮ್​​ ಬಳಿಗೆ ತೆರಳಿದ್ದಾನೆ. ರೂಮ್​​ ಲಾಕ್​ ಹಾಕಿದ್ದು ಕಂಡ ವಿದ್ಯಾರ್ಥಿಗಳು ಬಾಗಿಲು ಮುರಿದು ಒಳಗೆ ಹೋಗಿ ನೋಡಿದಾಗ ಕೃಷ್ಣಕಾಂತ್ ಆತ್ಮಹತ್ಯೆ ಮಾಡಿಕೊಂಡಿರುವುದು ಕಂಡಿದೆ. ಕೂಡಲೇ ಪೊಲೀಸರಿಗೆ ಕರೆ ಮಾಡಿದ್ದಾರೆ.

ಸ್ಥಳಕ್ಕೆ ಧಾವಿಸಿದ ಪೊಲೀಸರು ಪರಿಶೀಲಿಸಿದ್ದಾರೆ. ಆತ್ಮಹತ್ಯೆ ಸ್ಥಳದಲ್ಲಿ ಡೆತ್​ನೋಟ್​ ಸಿಕ್ಕಿದೆ. ಪತ್ರದಲ್ಲಿ "ನಾನು ಶರಣಾಗುತ್ತೇನೆ. ದಯವಿಟ್ಟು ನನ್ನ ದೇಹ ಮತ್ತು ನನ್ನ ವಸ್ತುಗಳನ್ನು ನನ್ನ ಕುಟುಂಬಕ್ಕೆ ನೀಡಿ. ತೊಂದರೆಗೆ ಕ್ಷಮಿಸಿ" ಎಂದು ಬರೆಯಲಾಗಿತ್ತು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ತನಿಖೆ ಆರಂಭಿಸಿದ್ದಾರೆ,(ಏಜೆನ್ಸೀಸ್​).