Stock Market:ಷೇರುಪೇಟೆ ತೀವ್ರ ಕುಸಿತ: ಒಂದೇ ವಹಿವಾಟಿನಲ್ಲಿ 7 ಲಕ್ಷ ಕೋಟಿ ರೂ.ನಷ್ಟ!

ಸೆನ್ಸೆಕ್ಸ್ 610 ಪಾಯಿಂಟ್ ಕುಸಿತ ಕಂಡು 85,102.69ಕ್ಕೆ ತಲುಪಿದರೆ, ನಿಫ್ಟಿ 226 ಪಾಯಿಂಟ್ ಕುಸಿತ ಕಂಡು 25,960.55ಕ್ಕೆ ತಲುಪಿತು. ಬಿಎಸ್‌ಇ ಮಿಡ್‌ಕ್ಯಾಪ್ ಮತ್ತು ಸ್ಮಾಲ್‌ಕ್ಯಾಪ್ ಸೂಚ್ಯಂಕಗಳು ಕ್ರಮವಾಗಿ 1.73% ಮತ್ತು 2.20% ರಷ್ಟು ಕುಸಿದಿದೆ.

ಬಿಎಸ್‌ಇಯಲ್ಲಿ ಪಟ್ಟಿ ಮಾಡಲಾದ ಕಂಪನಿಗಳ ಮಾರುಕಟ್ಟೆ ಬಂಡವಾಳೀಕರಣವು ಹಿಂದಿನ ವಹಿವಾಟಿನಲ್ಲಿ 471 ಲಕ್ಷ ಕೋಟಿ ರೂ.ಯಿಂದ 463.6 ಲಕ್ಷ ಕೋಟಿಗಳಿಗೆ ಇಳಿದಿದ್ದರಿಂದ, ಒಂದೇ ವಹಿವಾಟಿನಲ್ಲಿ ಹೂಡಿಕೆದಾರರು 7 ಲಕ್ಷ ಕೋಟಿ ರೂ.ಗೂ ಹೆಚ್ಚು ನಷ್ಟ ಅನುಭವಿಸಿದ್ದಾರೆ.

"ದೇಶೀಯ ಬೆಳವಣಿಗೆಯ (GDP) ಅಂಕಿ-ಅಂಶಗಳು ಮತ್ತು ಆರ್‌ಬಿಐನ ಇತ್ತೀಚಿನ ದರ ಕಡಿತದ ಹೊರತಾಗಿಯೂ, ಜಾಗತಿಕ ಹಣಕಾಸು ನೀತಿ ಕಳವಳಗಳು, ನಿರಂತರ ಎಫ್‌ಐಐ ಹೊರಹರಿವು ಮತ್ತು ಕರೆನ್ಸಿ ದೌರ್ಬಲ್ಯದಿಂದಾಗಿ ಷೇರುಪೇಟೆ ಕುಸಿದಿದೆ ಎಂದು ತಜ್ಞರು ವಿವರಿಸಿದ್ದಾರೆ,(ಏಜೆನ್ಸೀಸ್​).