ಸತತ ಎರಡನೇ ದಿನ ಷೇರುಪೇಟೆ ಕುಸಿತ: ಸೆನ್ಸೆಕ್ಸ್ 436, ನಿಫ್ಟಿ 121 ಅಂಕ ಇಳಿಕೆ | Stock Market

ಸೆನ್ಸೆಕ್ಸ್ 436 ಪಾಯಿಂಟ್‌ಗಳು ಕುಸಿತದೊಂದಿಗೆ 84,666.28 ಕ್ಕೆ ತಲುಪಿದರೆ, ನಿಫ್ಟಿ 50 ದಿನವನ್ನು 121 ಪಾಯಿಂಟ್‌ಗಳ ನಷ್ಟದೊಂದಿಗೆ 25,839.65 ಕ್ಕೆ ಕೊನೆಗೊಳಿಸಿದೆ. ಆದಾಗ್ಯೂ, ಮಿಡ್ ಮತ್ತು ಸ್ಮಾಲ್-ಕ್ಯಾಪ್ ವಿಭಾಗಗಳು ನಷ್ಟವನ್ನು ಸರಿತೂಗಿಸಿ ಉತ್ತಮ ಪ್ರದರ್ಶನ ನೀಡಿವೆ. ಬಿಎಸ್‌ಇ ಮಿಡ್‌ಕ್ಯಾಪ್ ಸೂಚ್ಯಂಕ 0.60% ಏರಿಕೆಯಾಗಿ ಕೊನೆಗೊಂಡರೆ, ಸ್ಮಾಲ್‌ಕ್ಯಾಪ್ ಸೂಚ್ಯಂಕ 1.27% ಜಿಗಿದಿದೆ.

ಮಿಡಲ್​ ಮತ್ತು ಸ್ಮಾಲ್​-ಕ್ಯಾಪ್ ವಿಭಾಗಗಳಲ್ಲಿನ ಲಾಭಗಳಿಂದಾಗಿ, ಬಿಎಸ್‌ಇ(ಬಾಂಬೆ ಸ್ಟಾಕ್​ ಎಕ್ಸ್​ಚೆಂಚ್​)ಯಲ್ಲಿ ಪಟ್ಟಿಮಾಡಿದ ಸಂಸ್ಥೆಗಳ ಒಟ್ಟಾರೆ ಮಾರುಕಟ್ಟೆ ಬಂಡವಾಳೀಕರಣವು ಹಿಂದಿನ ವಹಿವಾಟಿನಲ್ಲಿ 464.2 ಲಕ್ಷ ಕೋಟಿಗಳಿಂದ 465 ಲಕ್ಷ ಕೋಟಿಗಳಿಗೆ ಏರಿತು, ಇದರಿಂದಾಗಿ ಹೂಡಿಕೆದಾರರು ಒಂದೇ ವಹಿವಾಟಿನಲ್ಲಿ ಸುಮಾರು 1 ಲಕ್ಷ ಕೋಟಿಗಳಷ್ಟು ಲಾಭಗಳಿಸಿದ್ದಾರೆ.

ಡಿಸೆಂಬರ್ ತ್ರೈಮಾಸಿಕದ ಆದಾಯದಲ್ಲಿ ಸುಧಾರಣೆ ಕಾಣಲು ಪ್ರಾರಂಭವಾಗುವವರೆಗೆ ಮತ್ತು ಭಾರತ ಮತ್ತು ಅಮೆರಿಕ ನಡುವಿನ ಒಪ್ಪಂದ ಘೋಷಣೆಯಾಗುವವರೆಗೆ ಮಾರುಕಟ್ಟೆಯ ಏರಿಳಿತ ಮುಂದುವರಿಯುತ್ತದೆ ಎಂದು ತಜ್ಞರು ನಿರೀಕ್ಷಿಸಿದ್ದಾರೆ,(ಏಜೆನ್ಸೀಸ್​).