ಅತೀ ಶೀಘ್ರವೇ ಭಾರತಕ್ಕೆ ಸ್ಟಾರ್‌ಲಿಂಕ್! ಡೇಟಾ ಸ್ಪೀಡ್​, ಬೆಲೆ ಎಷ್ಟು? ಲಾಂಚ್ ಯಾವಾಗ? ಇಲ್ಲಿದೆ ಪೂರ್ಣ ವಿವರ

ನವದೆಹಲಿ: ಪ್ರಸ್ತುತ, ಭಾರತೀಯ ಟೆಲಿಕಾಂ​ ಕಂಪನಿಗಳಿಗೆ ಸೆಡ್ಡು ಹೊಡೆಯಲು ಎದುರುನೋಡುತ್ತಿರುವ ವಿಶ್ವದ ಶ್ರೀಮಂತ ಉದ್ಯಮಿ ಎಲಾನ್​ ಮಸ್ಕ್ ನೇತೃತ್ವದ​ ಸ್ಟಾರ್‌ಲಿಂಕ್, ಇನ್ನೂ ಕೆಲವೇ ದಿನಗಳಲ್ಲಿ ಭಾರತಕ್ಕೆ ಅಧಿಕೃತವಾಗಿ ಲಗ್ಗೆ ಇಡಲಿದೆ. ದೇಶೀಯ ಮಾರುಕಟ್ಟೆಯಲ್ಲಿ ಸ್ಯಾಟಲೈಟ್ ಇಂಟರ್ನೆಟ್ ಸೇವೆ ಲಭ್ಯತೆಗೆ ಮುಂದಾಗಿರುವ ಮಸ್ಕ್​, ಭಾರತೀಯ ಇಂಟರ್ನೆಟ್ ಬಳಕೆದಾರರಿಗೆ ಈ ಸ್ಯಾಟಲೈಟ್ ಇಂಟರ್ನೆಟ್ ಸೇವೆಯನ್ನು ಸ್ಟಾರ್‌ಲಿಂಕ್ ಮೂಲಕ ನೀಡಲು ಸಜ್ಜಾಗಿರುವುದು ಕುತೂಹಲಕಾರಿ.

ಆದಾಗ್ಯೂ, ಈ ಇಂಟರ್ನೆಟ್ ಸೇವೆಯನ್ನು ಪ್ರಾರಂಭಿಸಲು ಕೇಂದ್ರ ಸರ್ಕಾರದಿಂದ ಎಲ್ಲಾ ಅನುಮತಿಗಳನ್ನು ಪಡೆಯಬೇಕಿದ್ದು, ಅದರ ಕೆಲಸಗಳಲ್ಲಿ ಸದ್ಯ ಮಸ್ಕ್​ ಬಿಜಿಯಾಗಿದ್ದಾರೆ. ಬಹುತೇಕ ಎಲ್ಲವನ್ನೂ (ಸ್ಟಾರ್‌ಲಿಂಕ್ ಲಾಂಚ್​ ದಿನಾಂಕ) ಅನುಮೋದಿಸಲಾಗಿದ್ದೇ ಆದರೂ, ಇನ್ನೂ ಒಂದಷ್ಟು ಕೆಲಸಗಳು ಬಾಕಿ ಉಳಿದಿವೆ. ಸ್ಟಾರ್‌ಲಿಂಕ್ ಸೇವೆಯು ಭಾರತೀಯ ಮಾರುಕಟ್ಟೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗಳನ್ನು ತರಲಿದೆ ಎಂಬ ಹೊಸ ಅಲೆ ಈಗಾಗಲೇ ಟೆಲಿಕಾಂ ಕ್ಷೇತ್ರಗಳಲ್ಲಿ ಜೋರಾಗಿದೆ. ಇದಲ್ಲದೆ, ಸ್ಥಿರ ನೆಟ್‌ವರ್ಕ್‌ಗಾಗಿ ಹೆಣಗಾಡುತ್ತಿರುವ ಎಲ್ಲಾ ದೂರದ ಪ್ರದೇಶಗಳಿಗೆ ಈ ಇಂಟರ್ನೆಟ್ ಸೇವೆ ತಲುಪಲಿದ್ದು, ಹಳ್ಳಿಗಾಡು ಪ್ರದೇಶಗಳ ಜನರಿಗೆ ವೇಗದಲ್ಲಿ ನೆಟ್​ವರ್ಕ್​ ಪೂರೈಕೆ ಮಾಡಲಿದೆ ಎಂದು ಹೇಳಲಾಗಿದೆ.

ಸ್ಟಾರ್‌ಲಿಂಕ್ ಇಂಡಿಯಾ ಉಡಾವಣಾ ದಿನಾಂಕದ ಬಗ್ಗೆ ಹಲವು ಊಹಾಪೋಹಗಳು ಹರಿದಾಡುತ್ತಿವೆ. ವಿಶೇಷವಾಗಿ, ದೇಶದಲ್ಲಿ ಎಷ್ಟು ಉಪಗ್ರಹ ಇಂಟರ್ನೆಟ್ ಸಂಪರ್ಕಗಳು ಇರಬೇಕು? ಅದು ಯಾವಾಗ ಲಭ್ಯವಿರುತ್ತದೆ? ಇಂಟರ್ನೆಟ್ ಸೇವೆಯ ವೇಗ ಎಷ್ಟು? ಸಂಪೂರ್ಣ ವಿವರವನ್ನು ಇಲ್ಲಿ ತಿಳಿಯೋಣ ಬನ್ನಿ.

ಸ್ಟಾರ್‌ಲಿಂಕ್ ಮೂಲ ಯೋಜನೆಯು ಸುಮಾರು 25Mbps ವೇಗವನ್ನು ನೀಡುತ್ತದೆ ಎನ್ನಲಾಗಿದೆ. ಹೈ-ಸ್ಪೀಡ್ ಯೋಜನೆಯು 225Mbps ವೇಗದಲ್ಲಿ ಲಭ್ಯವಿರಬಹುದು. ಇನ್ನು ಬೆಲೆಯ ವಿಷಯಕ್ಕೆ ಬಂದರೆ, ಸ್ಟಾರ್‌ಲಿಂಕ್ ಉಪಗ್ರಹ ಇಂಟರ್ನೆಟ್ ಸೇವೆಯು 3,300 ರೂ.ದಿಂದ ಪ್ರಾರಂಭವಾಗಲಿದ್ದು, 6,000 ರೂ. ವರೆಗೆ ತಲುಪಬಹುದು. ಹೆಚ್ಚಿನ ಹೈ-ಸ್ಪೀಡ್ ಕನೆಕ್ಷನ್​ಗೆ ಸುಮಾರು 30,000 ರೂ. ತಗುಲಲಿದ್ದು, ಅದು ಒನ್​ ಟೈಮ್​ ಪೇಮೆಂಟ್​ ಇರಬಹುದು,(ಏಜೆನ್ಸೀಸ್).