ಸ್ತನ ಕ್ಯಾನ್ಸರ್​​ನಿಂದ ಬಳಲುತ್ತಿದ್ದ 500 ಜನರ ಚಿಕಿತ್ಸೆಗೆ ನೆರವಾದ ನಟ ಸೋನು ಸೂದ್​​! Sonu Sood

ಮುಂಬೈ: (Sonu Sood) ರೀಲ್ ಲೈಫ್‌ನಲ್ಲಿ ಹೆಚ್ಚಾಗಿ ಖಳನಾಯಕನಾಗಿ ಕಾಣುವ ನಟ ಸೋನು ಸೂದ್ ನಿಜ ಜೀವನದಲ್ಲಿ ಹೀರೋ ಆಗಿದ್ದಾರೆ.

ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅವರು ನೀಡಿದ ಸೇವೆಗಳು ಒಂದೆಡೆಯಾದರೆ, ನಟ ಇತ್ತೀಚೆಗೆ ಕ್ಯಾನ್ಸರ್​​ನಿಂದ ಬಳಲುತ್ತಿದ್ದ 500 ಮಹಿಳೆಯರಿಗೆ ಚಿಕಿತ್ಸೆಗೆ ನೆರವಾಗಿದ್ದಾರೆ.

ಸೋನು ಸೂದ್ 500 ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ ಚಿಕಿತ್ಸೆ ನೀಡಿದ್ದಾರೆ. ಈ ಬಗ್ಗೆ ಸೋನು ಸೂದ್ ಮಾತನಾಡಿ, "ನಾವು 500 ಮಹಿಳೆಯರನ್ನು ಉಳಿಸಲು ಸಾಧ್ಯವಾಗಿದೆ. 500 ಜನರಿಗೆ ಸ್ತನ ಕ್ಯಾನ್ಸರ್ ಚಿಕಿತ್ಸೆ ನೀಡಲಾಗಿದೆ. ಅವರೆಲ್ಲರೂ ಹೊಸ ಜೀವನವನ್ನು ಪಡೆದಿದ್ದಾರೆ. ಅವರ ಕುಟುಂಬಗಳಲ್ಲಿ ಸಂತೋಷ ತುಂಬಿದ್ದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ಸಾಮೂಹಿಕ ಪ್ರಯತ್ನಗಳ ಮೂಲಕ (ಸೋನು ಸೂದ್ ಫೌಂಡೇಶನ್) ಇಂತಹ ಹೆಚ್ಚಿನ ಉತ್ತಮ ಕೆಲಸಗಳನ್ನು ಮಾಡಲಾಗುತ್ತಿದೆ" ಎಂದು ಸೋನು ಸೂದ್ ಹೇಳಿದರು.

ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅವರು ನೀಡಿದ ಸೇವೆಗಳು, ಪರಿಹಾರ ಕಾರ್ಯಕ್ರಮಗಳು ಮತ್ತು ದೇಣಿಗೆಗಳನ್ನು ಯಾರೂ ಸುಲಭವಾಗಿ ಮರೆಯುವುದಿಲ್ಲ. ಅದಾದ ನಂತರವೂ, ರಿಯಲ್ ಹೀರೋ ಸೋನು ಸೇದ್ ಸೇವಾ ಫೌಂಡೇಶನ್‌ನ ಆಶ್ರಯದಲ್ಲಿ ಅನೇಕ ಪರಿಹಾರ ಕಾರ್ಯಕ್ರಮಗಳನ್ನು ಮಾಡುತ್ತಿದ್ದಾರೆ. ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲಿ ಸೋನು ಸೂದ್ ಅನೇಕ ಜನರಿಗೆ ಸಹಾಯ ಮಾಡಿದರು.