ಪ್ರೇಯಸಿ ಜೊತೆ ಇದ್ದಾಗ ಅಮ್ಮನ ಕೈಗೆ ಸಿಕ್ಕಿಬಿದ್ದ ಮಗ: ಬೈಯುವ ಬದಲು ಮೆಟ್ರೋ ನಿಲ್ದಾಣವನ್ನೇ ಕಲ್ಯಾಣ ಮಂಟಪ ಮಾಡಿದ ತಾಯಿ! Lover

ಸಾಮಾನ್ಯವಾಗಿ ಪ್ರೇಮಿಗಳು (Lover) ಮೆಟ್ರೋ ನಿಲ್ದಾಣ, ಪಾರ್ಕ್​ ಮತ್ತು ಸಿನಿಮಾ ಟಾಕೀಸ್​ಗಳಲ್ಲಿ ಹರಟೆ ಹೊಡೆಯುತ್ತಾ ಕುಳಿತಿರುತ್ತಾರೆ, ಆದರೆ ಈ ಸಂಬರ್ಧದಲ್ಲಿ ಮನೆಯವರ ಹತ್ತಿರ ಸಿಕ್ಕುಬಿದ್ದರೆ ಆ ಪ್ರೇಮಿಗಳ ಪರಿಸ್ಥಿತಿ ಏನಾಗಬಹುದು?

ಬೈಗುಳ, ಗಲಾಟೆ ಅಥವಾ ಅಲ್ಲಿಂದ ಓಡಿಹೋಗುವುದು ಮಾಮೂಲಿ. ಆದರೆ ಇಲ್ಲೊಬ್ಬ ತಾಯಿ, ತನ್ನ ಮಗ ಅವನ ಪ್ರೇಯಸಿಯೊಂದಿಗೆ ಸಿಕ್ಕಿಹಾಕಿ ಕೊಂಡಾಗ ಆಕ್ರೋಶಗೊಳ್ಳುವ ಬದಲು, ಮೆಟ್ರೋ ನಿಲ್ದಾಣವನ್ನೇ ನಿಶ್ಚಿತಾರ್ಥದ ವೇದಿಕೆಯನ್ನಾಗಿ ಮಾಡಿಕೊಂಡಿದ್ದಾರೆ. ಹೌದು, ಸಾಮಾಜಿಕ ಮಾಧ್ಯಮಗಳಲ್ಲಿ ಈಗ ಇಂತಹದೊಂದು ವಿಚಿತ್ರ ಹಾಗೂ ತಮಾಷೆಯ ವಿಡಿಯೋ ಸಖತ್​ ವೈರಲ್​ ಆಗುತ್ತಿದೆ.

ವೈರಲ್ ಆಗಿರುವ ವಿಡಿಯೋದಲ್ಲಿ, ಹುಡುಗನೊಬ್ಬ ಮೆಟ್ರೋ ನಿಲ್ದಾಣದ ಬೆಂಚಿನ ಮೇಲೆ ತನ್ನ ಗೆಳತಿಯೊಂದಿಗೆ ಕುಳಿತಿರುತ್ತಾನೆ. ಅಷ್ಟರಲ್ಲಿ ಅಲ್ಲಿಗೆ ಎಂಟ್ರಿ ಕೊಡುವ ಆತನ ತಾಯಿ, ಯಾವುದೇ ಗಲಾಟೆ ಮಾಡದೆ ಬ್ಯಾಗ್‌ನಿಂದ ಹಣ್ಣುಗಳು ಮತ್ತು ಸಿಹಿತಿಂಡಿಗಳನ್ನು ಹೊರತೆಗೆಯುತ್ತಾರೆ. ಯಾವುದೋ ಶುಭ ಸಮಾರಂಭದಂತೆ ಹುಡುಗಿಗೆ ಸಿಹಿ ತಿನ್ನಿಸಿ, ಹಣ್ಣುಗಳಿರುವ ತಟ್ಟೆಯನ್ನು ಹಸ್ತಾಂತರಿಸಿದ್ದಾರೆ.

ಈ ವಿಡಿಯೋ ನೋಡಿದ ಮೇಲೆ ನೆಟ್ಟಿಗರು ಫುಲ್ ಕನ್ಫ್ಯೂಸ್ ಆಗಿದ್ದಾರೆ. ಕೆಲವರು ಈ ತಾಯಿಯ ಧೈರ್ಯ ಮತ್ತು ಸಮಯಪ್ರಜ್ಞೆಯನ್ನು ಮೆಚ್ಚಿಕೊಂಡರೆ, ಇನ್ನು ಕೆಲವರು ಇದು ಕೇವಲ ಪ್ರಚಾರಕ್ಕಾಗಿ ಮಾಡಿದ ಸ್ಕ್ರಿಪ್ಟ್​ಡ್​ ವಿಡಿಯೋ ಇರಬಹುದು ಎಂದು ಸಂಶಯ ವ್ಯಕ್ತಪಡಿಸಿದ್ದಾರೆ.

ಇದು ಖಂಡಿತವಾಗಿಯೂ ಸ್ಕ್ರಿಪ್ಟ್ ಮಾಡಿದ ವಿಡಿಯೋ ಅನಿಸುತ್ತಿದೆ, ಇಷ್ಟು ಸುಲಭವಾಗಿ ಯಾರೂ ಒಪ್ಪಿಕೊಳ್ಳುವುದಿಲ್ಲ ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಹುಡುಗನ ಮನೆಯವರು ಓಕೆ, ಆದರೆ ಹುಡುಗಿಯ ಪೋಷಕರ ಕಥೆ ಏನು? ಅವರ ಅನುಮತಿ ಇಲ್ಲದೆ ಹೀಗೆ ಮಾಡುವುದು ಸರಿಯೇ?" ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ.

ಒಟ್ಟಿನಲ್ಲಿ, ಇದು ನಿಜವೋ ಅಥವಾ ನಾಟಕವೋ ಗೊತ್ತಿಲ್ಲ, ಆದರೆ ಮೆಟ್ರೋ ನಿಲ್ದಾಣದಲ್ಲಿ ನಡೆದ ಈ ಹೈಡ್ರಾಮಾ ಮಾತ್ರ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ನಿಮ್ಮ ಮಗ ಅಥವಾ ಮಗಳು ಹೀಗೆ ಸಿಕ್ಕಿಬಿದ್ದರೆ ನೀವು ಏನು ಮಾಡುತ್ತೀರಿ? ಎಂದು ಜನರು ಒಬ್ಬರಿಗೊಬ್ಬರು ಕೇಳಿಕೊಳ್ಳುತ್ತಿದ್ದಾರೆ,(ಏಜನ್ಸೀಸ್​).