ಪರಿಚಯ ಸ್ನೇಹವಾಯ್ತು ನಂತರ 6 ವರ್ಷಗಳ ಪ್ರೀತಿ! ಇದು ಪಲಾಶ್ ಮುಚ್ಚಲ್ ಮತ್ತು ಸ್ಮೃತಿ ಪ್ರೇಮ್​ ಕಹಾನಿ..Smriti Mandhana

ಮುಂಬೈ: ನವೆಂಬರ್ 23 ರಂದು ನಡೆಯಬೇಕಿದ್ದ ಟೀಮ್​ ಇಂಡಿಯಾದ ಮಹಿಳಾ ಆಟಗಾರ್ತಿ ಸ್ಮೃತಿ ಮಂಧಾನ ( Smriti Mandhana ​) ಮತ್ತು ಸಂಗೀತ ನಿರ್ದೇಶಕ ಪಲಾಶ್ ಮುಚ್ಚಲ್ ಅವರ ಮದುವೆ  ನಿಂತು ಹೋಯಿತ್ತು. ಈ ಕುರಿತಾಗಿ ಸೋಶಿಯಲ್​​ ಮೀಡಿಯಾದಲ್ಲಿ ಊಹಾಪೂಹಗಳು ಹಬ್ಬುತ್ತಿವೆ.  ಅವರ ಪ್ರೇಮಕಥೆಯೂ ವ್ಯಾಪಕವಾಗಿ ಚರ್ಚಿಸಲ್ಪಡುತ್ತಿದೆ. ಕ್ರಿಕೆಟಿಗ ಮತ್ತು ಸಂಗೀತ ಕ್ಷೇತ್ರದ ತಾರೆಯೊಬ್ಬರ ಪ್ರೇಮಕಥೆ ಹೇಗೆ ಪ್ರಾರಂಭವಾಯಿತು ಎನ್ನುವ ಪ್ರಶ್ನೆ ಮುನ್ನೆಲೆಗೆ ಬಂದಿದೆ. 

ಸ್ಮೃತಿ ಮತ್ತು ಪಲಾಶ್ ಅವರ ಪ್ರೇಮಕಥೆ 2019 ರಲ್ಲಿ ಪ್ರಾರಂಭವಾಯಿತು. ಅವರು ಮೊದಲು ಖಾಸಗಿ ಸಂಗೀತ ಕಾರ್ಯಕ್ರಮವೊಂದರಲ್ಲಿ ಭೇಟಿಯಾದರು, ಅಲ್ಲಿ ಪಲಾಶ್ ತನ್ನ ಸಹೋದರಿ ಪಲಾಶ್ ಮುಚ್ಚಲ್ ಜೊತೆ ಪ್ರದರ್ಶನ ನೀಡುತ್ತಿದ್ದರು. ಪಲಾಶ್ ಮತ್ತು ಸ್ಮೃತಿ ಸಾಮಾನ್ಯ ಸ್ನೇಹಿತನ ಮೂಲಕ ಭೇಟಿಯಾದದ್ದು ಇಲ್ಲಿಯೇ.

ಆ ಕಾರ್ಯಕ್ರಮದಲ್ಲಿ ಪಲಾಶ್ ಮುಚ್ಚಲ್ ಬಿಡುಗಡೆಯಾಗದ ಹಾಡನ್ನು ಹಾಡಿದರು, ಮತ್ತು ಸ್ಮೃತಿ ಅವರ ಧ್ವನಿಗೆ ಮರುಳಾದರು. ಇದು ಅವರ ಸ್ನೇಹವನ್ನು ಹುಟ್ಟುಹಾಕಿತು, ಅದು ಕ್ರಮೇಣ ಪ್ರೀತಿಯಾಗಿ ಅರಳಿತು. ನಂತರ ಪಲಾಶ್ ಸ್ಮೃತಿಗೆ ಪ್ರಪೋಸ್ ಮಾಡಿದರು ಮತ್ತು ಐದು ವರ್ಷಗಳ ಡೇಟಿಂಗ್ ನಂತರ, ಅವರು 2024 ರಲ್ಲಿ ತಮ್ಮ ಸಂಬಂಧವನ್ನು ಅಧಿಕೃತಗೊಳಿಸಿದರು. 

ಇತ್ತೀಚೆಗೆ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ಸ್ಮೃತಿಗೆ ಪ್ರಪೋಸ್ ಮಾಡಿದರು, ಅದರ ಒಂದು ನೋಟವನ್ನು ದಂಪತಿ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡರು.

ಸ್ಮೃತಿ ಮಂಧಾನ ಮತ್ತು ಪಲಾಶ್ ಮುಚ್ಚಲ್ ಸುಮಾರು ಆರು ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ ಈ ಜೋಡಿ ಸ್ಮೃತಿಯ ತವರು ಮಹಾರಾಷ್ಟ್ರದ ಸಾಂಗ್ಲಿಯಲ್ಲಿ ವಿವಾಹಕ್ಕೆ ಸಿದ್ಧತೆ ನಡೆದಿತ್ತು. ಅವರ ವಿವಾಹಪೂರ್ವ ಆಚರಣೆಗಳು ಈಗಾಗಲೇ ಪ್ರಾರಂಭವಾಗಿದ್ದವು. ಹಲ್ದಿ, ಮೆಹೆಂದಿ ಮತ್ತು ಸಂಗೀತ ಸಮಾರಂಭಗಳ ಚಿತ್ರಗಳು ಮತ್ತು ವೀಡಿಯೊಗಳು ವೈರಲ್ ಆಗಿದ್ದವು. 

ಸ್ಮೃತಿ ಮತ್ತು ಪಲಾಶ್ ನವೆಂಬರ್ 23 ರಂದು ವಿವಾಹವಾಗಲು ನಿರ್ಧರಿಸಲಾಗಿತ್ತು, ಆದರೆ ವಿವಾಹ ಪೂರ್ವ ಸಮಾರಂಭದ ನಂತರ, ಸ್ಮೃತಿಯ ತಂದೆ ಶ್ರೀನಿವಾಸ್ ಮಂಧಾನ ಅವರು ಇದ್ದಕ್ಕಿದ್ದಂತೆ ಅನಾರೋಗ್ಯಕ್ಕೆ ಒಳಗಾದರು, ಮದುವೆಯನ್ನು ಮುಂದೂಡಿದರು. ಆದಾಗ್ಯೂ, ಸ್ಮೃತಿಯ ತಂದೆ ಈಗ ಚೇತರಿಸಿಕೊಂಡಿದ್ದಾರೆ ಮತ್ತು ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ನವೆಂಬರ್ 25 ರಂದು, ಶ್ರೀನಿವಾಸ್ ಮಂಧಾನ ಅವರನ್ನು ಸರ್ವಹಿತ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು. ಮದ್ವೆ ನಡೆಯುತ್ತಾ? ಯಾವಾಗ?  ಎನ್ನುವ ಪ್ರಶ್ನೆ ಮುನ್ನೆಲೆಗೆ ಬಂದಿದೆ.