ಯುವತಿಯರು ಇನ್ಮುಂದೆ ಸ್ಮಾರ್ಟ್ ಫೋನ್ ಬಳಸುವ ಹಾಗಿಲ್ಲ...ಕೋಲಾಹಲ ಸೃಷ್ಟಿಸಿದ ಪಂಚಾಯತ್ ಆದೇಶ! Smart phone ban

ಜಿಲ್ಲೆಯ ಮಹಿಳೆಯರು ಜನವರಿ 26 ರಿಂದ ಸ್ಮಾರ್ಟ್​ ಫೋನ್​ ಬಳಸುವುದನ್ನು ನಿಷೇಧಿಸಬೇಕು. ಅವುಗಳ ಬದಲಿಗೆ ಕೀಪ್ಯಾಡ್ ಮೊಬೈಲ್​ಗಳನ್ನು ಮಾತ್ರ ಬಳಸಬೇಕು, ಸಾರ್ವಜನಿಕ ಕಾರ್ಯಕ್ರಮಗಳು ಮತ್ತು ನೆರೆಹೊರೆಯವರ ಮನೆಗಳಿಗೆ ಭೇಟಿ ನೀಡುವಾಗ ಸ್ಮಾರ್ಟ್​ ಫೋನ್​ಗಳನ್ನು ತೆಗೆದುಕೊಂಡು ಹೋಗಬಾರದು ಎಂದು 14 ಪಟ್ಟಿ ಉಪವಿಭಾಗಗಳ ಅಧ್ಯಕ್ಷ ಸುಜ್ನಾರಾಮ್ ಚೌಧರಿ ನೇತೃತ್ವದಲ್ಲಿ ಗಾಜಿಪುರ ಗ್ರಾಮದಲ್ಲಿ ನಡೆದ ಚೌಧರಿ ಸಮುದಾಯದ ಸಭೆಯಲ್ಲಿ ಈ ಆದೇಶ ಹೊರಡಿಸಲಾಗಿದೆ.

ಈ ಆದೇಶದ ಬಗ್ಗೆ ಪಿಟಿಐ ಜೊತೆ ಮಾತನಾಡಿದ ಚೌಧರಿ, ಪಂಚ ಹಿಮ್ಮತಾರಾಮ್ ಈ ನಿರ್ಧಾರವನ್ನು ಪ್ರಕಟಿಸಿದ್ದಾರೆ. ಇದು ಸೊಸೆಯಂದಿರು ಮತ್ತು ಯುವತಿಯರು ಕರೆ ಮಾಡಲು ಮಾತ್ರ ಕೀಪ್ಯಾಡ್ ಫೋನ್‌ಗಳನ್ನು ಬಳಸಬೇಕೆಂದು ನಿರ್ಧರಿಸಲಾಯಿತು.

ಆದಾಗ್ಯೂ, ಶಾಲೆಗೆ ಹೋಗುವ ಹುಡುಗಿಯರು ತಮ್ಮ ಅಧ್ಯಯನಕ್ಕಾಗಿ ಮನೆಯಲ್ಲಿ ಮೊಬೈಲ್ ಫೋನ್‌ಗಳನ್ನು ಬಳಸಬಹುದು ಆದರೆ ಮದುವೆಗಳು, ಸಾಮಾಜಿಕ ಕಾರ್ಯಕ್ರಮಗಳು ಅಥವಾ ನೆರೆಹೊರೆಯವರ ಮನೆಗಳಿಗೆ ಅವುಗಳನ್ನು ತೆಗೆದುಕೊಳ್ಳಲು ಅನುಮತಿ ಇರುವುದಿಲ್ಲ ಎಂದು  ಚೌಧರಿ ತಿಳಿಸಿದ್ದಾರೆ.

ಪಂಚಾಯತ್​ನ ಈ ಕ್ರಮಕ್ಕೆ ಸಂಬಂಧಿಸಿದಂತೆ ವ್ಯಕ್ತವಾದ ವಿರೋಧಕ್ಕೆ ಪ್ರತಿಕ್ರಿಯೆಯಾಗಿ, ಚೌಧರಿ ಈ ತಾರ್ಕಿಕತೆಯನ್ನು ಸ್ಪಷ್ಟಪಡಿಸಿದ್ದು, ಮನೆಯಲ್ಲಿರುವ ಮಕ್ಕಳು ಅತಿಯಾಗಿ ಸ್ಮಾರ್ಟ್‌ಫೋನ್‌ಗಳನ್ನು ಬಳಸುವುದರಿಂದ ಅವರ ದೃಷ್ಟಿಯ ಮೇಲೆ ಗಂಭೀರ ಹಾನಿಯಾಗುತ್ತಿದೆ. ಹಾಗೆಯೇ, ಮನೆ ಕೆಲಸ ಮಾಡುವ ಮಹಿಳೆಯರು ತಮ್ಮ ಮಕ್ಕಳ ಗಮನವನ್ನು ಬೇರೆ ಕಡೆ ಸೆಳೆಯಲು ಮೊಬೈಲ್​​ಗಳನ್ನು ಹೆಚ್ಚಾಗಿ ನೀಡುತ್ತಿದ್ದಾರೆ. ಇದು ಮಕ್ಕಳ ಆರೋಗ್ಯಕ್ಕೆ ಹಾನಿಕಾರಕ ಹಾಗಾಗಿ ಈ ಆದೇಶವನ್ನು ಹೊರಡಿಸಲಾಗಿದೆ ಎಂದರು.

ಸಾರಿಗೆ ಸೌಲಭ್ಯಗಳು ಮತ್ತು ಮುಂದುವರೆಯುತ್ತಿರುವ ಶಿಕ್ಷಣ ಸಮಯದಲ್ಲಿ ಮಹಿಳೆಯರ ಸಂವಹನ ಸ್ವಾತಂತ್ರ್ಯದ ಮೇಲೆ ಈ ರೀತಿಯ ನಿರ್ಬಂಧ ಹೇರುವುದು ಲಿಂಗ ತಾರತಮ್ಯ ಎಂದು ಅನೇಕರು ವಾದ ಮಂಡಿಸಿದ್ದಾರೆ. ಜಾಲೋರ್ ಜಿಲ್ಲೆಯ ಘಾಜಿಪುರ, ಪಾವ್ಲಿ, ಕಲ್ರಾ ಮತ್ತು ಮನೋಜಿಯಾ ವಾಸ್ ಸೇರಿದಂತೆ 15 ಹಳ್ಳಿಗಳಲ್ಲಿ ಈ ಕಾನೂನನ್ನು ಜನವರಿ 26 ರಿಂದ ಜಾರಿಗೆ ತರಲಾಗುತ್ತಿದೆ.

ಜಾಲೋರ್ ಈ ಹಿಂದೆ ಇಂತಹ ವಿಚಿತ್ರ ಸಾಮಾಜಿಕ ನಿಷೇಧಗಳಿಗೆ ಹೆಸರುವಾಸಿಯಾಗಿದೆ.  ಕಳೆದ ವರ್ಷ, ಪ್ರೀತಿ ಮಾಡಿ ಮದುವೆಯಾದ ಎರಡು ಕುಟುಂಬಗನ್ನು ಸಾಮಾಜಿಕವಾಗಿ ಬಹಿಷ್ಕಾರ ಮಾಡಿ 12 ಲಕ್ಷ ರೂ.ಗಳ ದಂಡವನ್ನು ವಿಧಿಸಲಾಯಿತು. ಈ ಆದೇಶವು ಮಹಿಳಾ ಡಿಜಿಟಲ್ ಸಬಲೀಕರಣಕ್ಕೆ ದೊಡ್ಡ ಹಿನ್ನಡೆ ಎಂದು ಪರಿಗಣಿಸಲಾಗಿದೆ.