ಎಲ್ಲರಿಗೂ ಅಪ್ಪ ಇದ್ದಾರೆ, ನೀವ್ಯಾಕೆ ಹೋದ್ರಿ..? ಅಗಲಿದ ತಂದೆ ಕುರಿತು ಪುಟ್ಟ ಕಂದಮ್ಮ ಆಡಿದ ಮಾತುಗಳಿಗೆ ಕಣ್ಣೀರಿಟ್ಟ ನೆಟ್ಟಿಗರು! Father Daughter Emotion

@flix.indian ಎಂಬ ಇನ್‌ಸ್ಟಾಗ್ರಾಮ್ ಖಾತೆಯಿಂದ ಹಂಚಿಕೊಳ್ಳಲಾದ ಈ ವೀಡಿಯೊದಲ್ಲಿ, ಬಾಲಕಿಯು ತನ್ನ ತಂದೆಯ ಫೋಟೋದ ಮುಂದೆ ನಿಂತು ಮಾತನಾಡುತ್ತಿರುವುದನ್ನು ಕಾಣಬಹುದು. ಆದಾಗ್ಯೂ, ಅವಳು ತನ್ನ ತಂದೆಯ ಮೇಲೆ ತೀವ್ರ ಕೋಪಗೊಂಡಂತೆ ಕಾಣಿಸುತ್ತಾಳೆ. ಆದರೆ, ಅದು ತನ್ನನ್ನು ಇಷ್ಟು ಬೇಗ ಒಂಟಿಯಾಗಿ ಬಿಟ್ಟು ಹೋದದ್ದಕ್ಕೆ, ಜವಾಬ್ದಾರಿಗಳಿಂದ ನುಣುಚಿಕೊಂಡಿದ್ದಕ್ಕೆ ಅವಳು ತಂದೆಯನ್ನು ಪ್ರಶ್ನಿಸುವಂತೆ ತೋರುತ್ತದೆ.

ತನ್ನ ತಂದೆ ಇನ್ನು ಈ ಲೋಕದಲ್ಲಿಲ್ಲ ಎಂಬ ಕಹಿ ಸತ್ಯವನ್ನು ಅರಗಿಸಿಕೊಳ್ಳಲಾಗದ ಆಕೆ, ಅವರು ಇನ್ನೂ ಅಲ್ಲೇ ಇದ್ದಾರೆ ಎಂಬ ನಂಬಿಕೆಯಲ್ಲಿ ಮಾತನಾಡುತ್ತಾ, ಅಪ್ಪಾ ನಿಮ್ಮನ್ನು ಅಮ್ಮ ತಡೆಯುತ್ತಿದ್ದರು, ಆದರೂ ಏಕೆ ಕುಡಿದಿದ್ದೀರಿ? ಎಲ್ಲಾ ಮಕ್ಕಳಿಗೆ ತಂದೆ ಇದ್ದಾರೆ ಆದರೆ, ನೀವು ಮಾತ್ರ ನಮ್ಮನ್ನು ಬಿಟ್ಟು ಹೋಗಿದ್ದೀರಿ ಎಂದು ಹತಾಶೆ ಹೊರಹಾಕಿದ್ದಾಳೆ.

ಈ ಪೋಸ್ಟ್​ವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆಯೇ ಅನೇಕ ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ. ನನ್ನ ತಂದೆ ಇನ್ನೂ ಮದ್ಯಪಾನ ಮಾಡುತ್ತಾರೆ. ಇದರಿಂದ ನನಗೆ ತುಂಬಾ ಅಸಹ್ಯವಾಗಿದೆ. ನಾನು ಅದನ್ನು ಎಂದಿಗೂ ಮುಟ್ಟಿಲ್ಲ ಎಂದು ಬಳಕೆದಾರರೊಬ್ಬರು ಕಾಮೆಂಟ್​ ಮಾಡಿದ್ದಾರೆ.

ನನ್ನ ಬಾಲ್ಯದ ನೆಚ್ಚಿನ ನೆನಪುಗಳು ಯಾವುವು ಎಂದು ಯಾರಾದರೂ ಕೇಳಿದರೆ, ನನ್ನ ತಂದೆ ಊರು ಬಿಟ್ಟು ಹೋದಾಗ ಅದು ತುಂಬಾ ಶಾಂತವಾಗಿತ್ತು ಎಂದು ನಾನು ಹೇಳುತ್ತೇನೆ. ಅವರು ಮನೆಯಲ್ಲಿ ಇಲ್ಲದಿದ್ದಾಗ ಅದು ತುಂಬಾ ಶಾಂತವಾಗಿತ್ತು. ನೀವೇನಾದರೂ ಮದ್ಯವ್ಯಸನಿಯಾಗಿದ್ದರೆ ದಯವಿಟ್ಟು ಮಕ್ಕಳನ್ನು ಹೊಂದಬೇಡಿ ಅಥವಾ ಮದುವೆಯಾಗಬೇಡಿ ಎಂದು ಪ್ರತಿಕ್ರಿಯಿಸಿದ್ದಾರೆ.

ಪ್ರತಿಯೊಂದು ಮಗುವಿನ ಬೆಳವಣಿಗೆಯಲ್ಲಿ ಪೋಷಕರ ಪಾತ್ರ ಅಗತ್ಯ. ಹಾಗಾಗಿ ಮಗುವನ್ನು ಪಡೆಯುವ ಮೊದಲಿಗೆ ಪ್ರತಿಯೊಬ್ಬರೂ ಇದನ್ನು ಅರ್ಥ ಮಾಡಿಕೊಳ್ಳಬೇಕು. ಈ ಪುಟ್ಟ ಬಾಲಕಿಯ ನೋವನ್ನು ನಾನು ಅನುಭವಿಸಿದ್ದೇನೆ ಇದರಿಂದ ನಾನು ತಂದೆಯನ್ನು ಕಳೆದುಕೊಂಡೆ ಎಂದು ಬಳಕೆದಾರರೊಬ್ಬರು ಬೇಸರವನ್ನು ಹಂಚಿಕೊಂಡಿದ್ದಾರೆ (ಏಜೆನ್ಸೀಸ್​).