ಕೇತನ್​​ ಮರ್ಡರ್ ಮಿಸ್ಟರಿ: ಚೇತನ್​ ಜೊತೆಗಿದ್ದ ಸ್ನೇಹ ಬ್ರೇಕಪ್​ ಮಾಡಿಕೊಂಡಿದ್ದೇನೆ ಎಂದು ಸುಳ್ಳು ಹೇಳಿದ್ದ ಸಿಯಾ..Ketan

ಸಿಯಾ ತನಗೆ ಚೇತನ್ ಕೇವಲ ಸ್ನೇಹಿತ ಮಾತ್ರ, ತಾನು ಕೇತನ್‌ನನ್ನೇ ಮದುವೆಯಾಗುವುದಾಗಿ ಪ್ರಮಾಣ ಮಾಡಿದ್ದಳು ಎಂದು ಆಕೆಯ ಸಹೋದರ ಸಾಹಿಲ್​ ಗೋಯಲ್​ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸದ್ಯ ಇಡೀ ಮಹಾರಾಷ್ಟ್ರವನ್ನು ಬೆಚ್ಚಿಬೀಳಿಸಿರುವ ಈ ಹತ್ಯೆ ಪ್ರಕರಣದ ತನಿಖೆ ತೀವ್ರಗತಿಯಲ್ಲಿ ಸಾಗುತ್ತಿದೆ.

ಪೊಲೀಸರು ಇತ್ತೀಚೆಗಷ್ಟೇ ಆರೋಪಿಗಳನ್ನು ಲೋಹಗಢ್ ಕೋಟೆಗೆ ಕರೆದೊಯ್ದು ಕ್ರೈಮ್ ಸೀನ್ ರಿಕನ್ಸ್ಟ್ರಕ್ಷನ್ (ಸ್ಥಳ ಮಹಜರು) ನಡೆಸಿದ್ದಾರೆ. ಈ ವೇಳೆ ಆರೋಪಿಗಳು ಸ್ಕೆಚ್ ಹಾಕಿದ ಭೀಕರ ವಿಧಾನ ಬೆಳಕಿಗೆ ಬಂದಿದೆ. ಜೂನ್ 18 ರಂದು ಪ್ಲಾನ್ ಪ್ರಕಾರ ಸಿಯಾ, ಕೇತನ್‌ನನ್ನು ಕೋಟೆಯ ತುದಿಗೆ ಕರೆದೊಯ್ದಿದ್ದಾಳೆ. ಅಲ್ಲಿ ನೀರು ಕುಡಿಯುವ ನೆಪದಲ್ಲಿ ಅಥವಾ ಶೂ ಲೇಸ್ ಕಟ್ಟುವ ನೆಪದಲ್ಲಿ ಕೆಳಗೆ ಕುಳಿತುಕೊಳ್ಳುವುದು ಇವರಿಬ್ಬರ ಕೋಡ್ ವರ್ಡ್ ಆಗಿತ್ತು. ಸಿಯಾ ಕೆಳಗೆ ಕುಳಿತುಕೊಳ್ಳುತ್ತಿದ್ದಂತೆ ಹಿಂದಿನಿಂದ ಬಂದ ಚೇತನ್, ಕೇತನ್‌ನನ್ನು ಕಂದಕಕ್ಕೆ ತಳ್ಳಿದ್ದಾನೆ. ಸಿಯಾ ಕೆಳಗೆ ಕುಳಿತುಕೊಂಡಿದ್ದಕ್ಕೆ ಮುಖ್ಯ ಕಾರಣವೆಂದರೆ, ಕೇತನ್ ಬೀಳುವಾಗ ಆಕೆಯನ್ನು ಹಿಡಿದುಕೊಂಡರೆ ಆಕೆಯೂ ಜೊತೆಗೆ ಬೀಳಬಹುದು ಎಂಬ ಭಯದಿಂದ ಆಕೆಯ ಸುರಕ್ಷತೆಗಾಗಿ ಈ ರೀತಿ ಪ್ಲಾನ್ ಮಾಡಲಾಗಿತ್ತು ಎಂದು ಪೊಲೀಸರು ಬಹಿರಂಗಪಡಿಸಿದ್ದಾರೆ, (ಏಜೆನ್ಸೀಸ್)